Éxodo 3:21 - Biblia Dc en Mixe de Quetzaltepec

²¹ Ëjts näjyëtu'un nyajkutukäämpyës ets Israel ja'ayëty oy yajawëtëty ma Egiptë ja'ayëtyën ets ko ënety jap tsyo'onëtë, ka'ap nëjkx jëtu'unyë nyajts'ixëtë, nëjkxëp winë y'ëkmaymyooyënëtë.

Biblia Mixe de Quetzaltepec

²¹ Ëjts näjyëtu'un nyajkutukäämpyës ets Israel ja'ayëty oy yajawëtëty ma Egiptë ja'ayëtyën ets ko ënäty jap tsyo'onëtë, ka'ap nëjkx jëtu'unyë nyajts'ixëtë, nëjkxëp winë y'ëkmaymyooyënëtë.

Éxodo 3:21 ပူးပေါင်းရင်းမြစ်များ

Éxodo 12:36

Yë Dios yë'ë ënety näjyëtu'un të tyajkutuky ets Egiptë ja'ayëty mëët yë oyjyot oywyinma'any winë tyaktëty, mëti'ipë ja Israel ja'ayëty y'amëtoowtëpën, jëtu'un'äämpy ojts yë Israel ja'ayëty may'äämpy jap winë tmëpëtsëmtë Egiptë.

Salmos 105:37

Ënet ojts yë Dios tyajpëtsëmy yë nyaax kyajpn jap Egiptë, nitsëm nitëkäk jap tsyo'ontë mëët ja pu'ts pujxn ets poop pujxn, nitu'uk ojts yë Israel ja'ay wi'ix kyajaty kyakëpety.

Éxodo 11:3

Yë Dios yë'ë ojts kë'ëm tyajkutuky ets Egiptë ja'ayëty janty'oy tjawëtëty yë Israel ja'ayëty. Näyjyëtu'un ënät ja wintsëntëjkëty, mëti'ipë mëët tyuunmuktën ja mëj'ënä'ämpë, jëtu'un tyajnajxtë ja Moisés tä tu'uk yë ja'ayën, mëti'ipë mëj këjää winë tyuunpy kyäjpxypën.

Proverbios 16:7

Ko Dios t'oy'ixy ko yë ja'ay oypyëtsëëmp yë tyu'unën kyajpxën, yë'ëpaat yë myëtsip mëët nyämyë'oypyikyë.

Salmos 106:46

Ojts tyajkutuky ets ja naax kajpn mëti'ipë ënety të myëmëta'akëtën, oy jyëkyäpëtëty ets myëët'atëtëty.

Génesis 39:21

yë José je'eyë ja Dios mëët y'ity ets xëmë pyutëk pyupetyë jap pujxn tëkoty, e jëtu'un'äämpy yë José ojts tmëmëtä'äky ets ja pujxntëjkëwent'ajtpë oy tsuj jyawëtëty,

Hechos 7:10

Ojts ja Dios yajpëtsëmyë amaayjoty jotmayjoty. Mooyë ja wijy'ajt kujk'ajtën ets ojts myëku'ukjawëty ja faraón mëti'ipë jap Egiptë yajkutujkpën, ets nyikajpxpäjtë näjyëtu'un kutuunk ma ja Egiptë kajpnën ets ma ja kutujkëntëjkën.

Nehemías 1:11

Paaty mijts Wintsën yam nmënu'kxtä'äky ets xymyëtoow'itëty ya'atë ja jëëytyak nu'kxtakën tyampë ntunyënës maas mijts xytyuunpë'atyën, maas yi'iyë nmëmay nmëtajyën wi'ix ntukxoonta'akëtyën ets wi'ix ntukjotkujk'atëtyën. Tyam näjyëtu'un n'amëtoy npëjktsoy ets xymyo'ojëtyës ja jot winma'any wi'ixës ja yajkutujkpë nyajjotukëtyën ets oy ja winma'any wyimpëtsëm jyëjpëtsëmëty.

Éxodo 12:35

Ojts t'amëtowtë ja Egiptë ja'ayëty, yë pu'ts pujxn, poop pujxn ets wit tujkxy, jëtu'un tä ënety ja Moisés të tni'ënä'ämën.

1 Reyes 8:50

Mpokymyä'kxëp ja mnaax nkajpn mëti'ipë të mëtëkoyën. Mä'kxëp ja y'ëxëëkjot y'ëxëëk winma'anyëty ma ënety të mëtëkoyën, mijts mtunëp yë mëyajtën ets xypya'ëyow xynyajts'ëyowëty, pya'ëyowëtëty näjyëtu'un ja ja'ayëty mëti'ipë ënety tsumy matsy të yajnëjkxëtën.

Génesis 15:14

E ëjts ntëytyunäämpyës näjyëtu'un mëti'ipë ënety ëxëëk tuunëtëpën ja m'u'unk m'ok. Jëtu'un ja m'u'unk m'ok y'ëwaatsëpëtsëmtëty ets jatëkok jyotmëkta'aktëty.

Éxodo 11:2

E tyam, ënëëmë nitëkokyë yë Israel ja'ayëty, wä'än t'amëtowtë yë myëjëën myëtëjkëty yë apëjk atu'unën ets oy tyimtiijëty, nëkoo ko tmëët'aty yë pu'ts pujxn.

Deuteronomio 15:13

Ko jam tsyoonëty ma mjëën mtëjkën, këtii jëtu'unyë xynyajts'ixëty.