Éxodo 3:14 - Biblia Dc en Mixe de Quetzaltepec

¹⁴ Ënet ja Dios y'ëtsoowë: ËJTS JËTU'UN MËTI'IPË ËJTS'AJTPËN. Ets tyaa nëjkx xy'ënëëmë yë Israel ja'ayëty: Yë mëti'ipë ËJTS'AJTPËN, yë'ëjës të xykyexy ma yaa miitsëtyën.

Biblia Mixe de Quetzaltepec

¹⁴ Ënät ja Tios y'ëtsoowë: ËJTS JËTU'UN MËTI'IPË ËJTS'AJTPËN. Ets tyaa nëjkx xy'ënëëmë yë Israel ja'ayëty: Yë mëti'ipë ËJTS'AJTPËN, yë'ëjës të xykyexy ma yaa miitsëtyën.

Éxodo 3:14 ပူးပေါင်းရင်းမြစ်များ

Hebreos 13:8

Jesukristë je'eyëm yajpaaty ijxtëm ëxë'ëyën, tyam ets xëmëkyëjxm.

Juan 8:58

Ets ja Jesús tyaa y'ëtsoowëtë: Tëy miits nëëmëtë, naamka'anëm ja Abraham ënety myëxu'unk'atynyëm, koos ëjts njääjëty.

Apocalipsis 1:8

Ëjts tso'ontakp ets ëjts jëjpkëjxp jëtu'un ja Wintsën Mëti'ipë Maaytyääyëpën Winë y'ënä'äny, mëti'ipë tyam ijtpën, mëti'ipë tëëyëp ijtën ets mëti'ipë itaanpën.

Salmos 90:2

Tyimtso'ontäky jëtu'un ma ënety ka'ap ja tun kopk kyojynyëmën, ets ma ënety ka'ap ja naaxwiinyëtë jyää'atynyëmën, ko jyeky'äjty ets tyampaat mijts jëtu'un mTios'ajtp.

Isaías 44:6

Yë Wintsën mëti'ipë yajtsokën yë Israel kajpn, yë Wintsën mëti'ipë maaytyääyëpën winë, jëtu'un y'ënä'äny: Ëjts jëtu'un tso'ontak ets ëjts jëjpkëjxp; ka'ap maa wiinkpë jëtu'unpë tä ëjtsën.

Apocalipsis 1:4

Yë Juan, nnijayë ja niwëxtujkpë ja kajpn ma yajpaatën ja mëpëjkpëtëjk mëti'ipë ye'eymyujktëpën jam Asia y'itjotm. Ëxajëtë ja kënu'kxën ets ja jotkujk'ajtën mëti'ipë yäjkpyën ja tëëyëmpë yajpaatyën ets mëti'ipë tää'ataanpën, näjyëtu'un ja wëxtujkpë ja Dios ja jya'awën myëk'ajtën mëti'ipë ijtëpën ma ja kyutujktaknën,

Apocalipsis 1:17

Koos jëtu'un n'ijxy ënätës n'o'ktsoky ets nkëtaayës ma ënety jam tyänën. Ënet ja y'a'oykyë'ë mëët xymyäjtyës ets xynyëmaayës: Këtii mtsë'ëkë. Ëjts winë nyajtso'ontakës ets ëjts näjyëtu'un nyajjëjpkëxäämpyës.

Éxodo 6:3

Ojtsës nnänyikëxë'ëkyë ma Abraham, Isaac ets Jacob, etsës ojts jëtu'un ja nxëëw nkë'ëyäky, Dios mëti'ipë maaytyääyëpën winë. Ëjts ka'apës nëkoo ja nxëëw ojts ntimkyë'ëyajkojy, tääjës mëtëy nxëëwatyën: Wintsën.

Apocalipsis 4:8

Aak tëtujk ja kyäkn tmëët'atë nitu'ukjaty. Nëkëjxy'tsyow ets käkn pa'tkë'ppaat ja wyiin tmëët'atë. Xëëny koots ja Dios tja'amyätstë ets y'ëna'antë: Wa'ats, wa'ats, wa'ats ja Wintsën, Dios Mëti'ipë Maaytyääyëpën Winë; tëëpë y'ityën, mëti'ipë tää'ajtpën ets mëti'ipë itaanpën.

2 Corintios 1:20

ma yë'ë tëë tyuunta'ay jyajta'ayë mëti'ipë ja Dios wyaantakën. Paaty ko ja Dios nmëjja'aw njaantyja'awëmë, jëtu'un n'ëna'anëmë: Tëy jëtu'un mëët yë Kristë Jesús yë xyëëw.

Juan 8:28

Paaty ojts y'ënë'ëmxëtë: Ko ënety miits xypyëjkta'aktëty këjxm ja naaxwiinyëtë ja'ay ja y'U'unk, jäänëm xynyijawëtëty pën ëjts, ets ko ka'apës ja nkë'ëm winma'anyëty nyajtuny; yi'iyës ntuunpy mëti'ipës ja Dios Teety të xytyuk'ijxpëkyën.

Mateo 28:20

ets xytyuk'ijxpëktëty wi'ix tpatuntëtyën tu'kë'ëyë mëti'ipë miitsëty të ntuk'ënä'ämtën. E ëjts jëtu'unës n'ëna'any ko yajpaataanpës xëmë ma miitsëtyën mapaat yë naaxwiinyëtë jyää'atyën.

Salmos 68:4

Win'ëwtë miitsëty yë Dios, ëwtë yë ëy yä'äxy oyëtypë ets jëtu'un yë xyëëw mëjjawëtë, tukxoonta'aktë mëti'ipë jam tsajpjotm ijtpën tsënääpyën. Xoonta'aktë jam ma Wintsënën. Xoontä'äky yajpaatë ma yë'ëjën.

Mateo 18:20

Jä'ä ko ma nimäjtsk nitëkëëk ja'ay yajpaatyën ëjts nxëëwkyëjxmës, tamës ëjts itkujky nyajpaaty.

Job 11:7

¿Mijts m'ënaanp ko winë xywyinja'awëtya'aja'any mëti'ipë yë Dios tyuunpy kyäjpxypën ets xynyija'awëtya'aja'any tu'kë'ëyë mëti'ipë yë'ë nyija'apën?

Juan 8:24

Paaty miits nëëmëtë ko mku'ookëjantëp ja mpokyëty; jä'ä ko, pën ka'ap miits xymyëpëktës, më'ookëjantëp ja mpokyëty.

Éxodo 3:13

E ja Moisés tyaa ojts y'ëtsoy: Mëti'ipës tëy nmëmääpy nmëtäjpyën, yë'ë koos yë Israel ja'ayëty nëjkx nja'ënëëmëtë, ko yë Dios mëti'ipë y'ëwtajtën yë mteety m'apëty, yë'ëjës të xykyexy yaa ma miitsëtyën, tääjës nëjkx ënätyë xyajtëwtë, ¿tii xyëëwajtyp? E ëjts wi'ixtsës n'ëtsowëty.

Éxodo 6:2

Ënet yë Dios ojts tmëkäjpxy yë Moisés ets t'ënëmaay: Ëjts WINTSËN.

Éxodo 23:21

Këtii xymyëjëkämkä'äkëty, mëmëtowëp ets këtii xykyäjpxykyumëtoownaxëty, jä'ä ko yë'ë ëjts yë xykyutënääpy ets ka'ap nëjkx tme'kxy ja mpoky.

Éxodo 15:3

Yë Wintsën yë'ë tu'uk mëjtsiptuunpë. Wintsën, xyëëwajtyp.

Isaías 42:8

Ëjts jëtu'un Wintsën, jëtu'unës ja nxëëw, ka'apës nkupëka'any ets pën wiinkpë yajmo'ojëty yë nmëj'ajt n'oyajtënës ets oynatii tios xy'ëwtatëty ijxtëmës ëjtsën.