Éxodo 3:13 - Biblia Dc en Mixe de Quetzaltepec

¹³ E ja Moisés tyaa ojts y'ëtsoy: Mëti'ipës tëy nmëmääpy nmëtäjpyën, yë'ë koos yë Israel ja'ayëty nëjkx nja'ënëëmëtë, ko yë Dios mëti'ipë y'ëwtajtën yë mteety m'apëty, yë'ëjës të xykyexy yaa ma miitsëtyën, tääjës nëjkx ënätyë xyajtëwtë, ¿tii xyëëwajtyp? E ëjts wi'ixtsës n'ëtsowëty.

Biblia Mixe de Quetzaltepec

¹³ E ja Moisés tyaa ojts y'ëtsoy: Mëti'ipës tëy nmëmääpy nmëtäjpyën, yë'ë koos yë Israel ja'ayëty nëjkx nja'ënëëmëtë, ko yë Tios mëti'ipë y'ëwtajtën yë mteety m'apëty, yë'ëjës të xykyexy yaa ma miitsëtyën, tääjës nëjkx ënätyë xyajtëwtë, ¿tii xyëëwajtyp? E ëjts wi'ixtsës n'ëtsowëty.

Éxodo 3:13 ပူးပေါင်းရင်းမြစ်များ

Génesis 32:29

Ënet ja Jacob ojts näjyëtu'un tyajtëy ja naaxwiinyëtë ja'ay: Mijts ënät tyam tuk'ëwa'anëkës, ¿tii mxëëwajtyp? Tää ja naaxwiinyëtë ja'ay y'ëtsooy: ¿Wi'ixës ko yë nxëëw xyajtëy? Ënet ja naaxwiinyëtë ja'ay jämyë kyënu'kxë.

Éxodo 15:3

Yë Wintsën yë'ë tu'uk mëjtsiptuunpë. Wintsën, xyëëwajtyp.

Éxodo 3:12

Tä ojts yë Dios y'ëtsoyë: Ëjts mijts njämyëët'atäämpy ets ya'atë jëtu'un mtuk'ixëp ko yam nkexyp, ko ënety mijts ja nnaaxës nkajpnës të xyjyuuty jap Egiptë, yaajës min xy'ëwtatë ma ya'atë kopkën.

Éxodo 3:14

Ënet ja Dios y'ëtsoowë: ËJTS JËTU'UN MËTI'IPË ËJTS'AJTPËN. Ets tyaa nëjkx xy'ënëëmë yë Israel ja'ayëty: Yë mëti'ipë ËJTS'AJTPËN, yë'ëjës të xykyexy ma yaa miitsëtyën.

Éxodo 3:15

Ojts yë Moisés näjyëtu'un yë Dios y'ënë'ëmxëty: Jëtu'un xy'ënëëmëty yë Israel ja'ayëty: Yë Wintsën mëti'ipë Tyios'ajtëpën yë m'ap m'okëty, yë Abraham, Isaac ets Jacob, yë'ëjës të xykyexy yaa ma miitsëtyën. Ya'atës jëtu'un nxëëwajtyp xëmëkyëjxm, ya'atës jëtu'un nxëëwajtyp winë xëëw.

Éxodo 7:16

Tääts jap xy'ënëëmëty: Yë Wintsën mëti'ipë yë hebreo ja'ayëty Tyios'ajtëpën, tëëjës xy'ayukmo'oy ets mijts ntuk'ëwaanëty, jëtu'un m'ënë'ëmxëty: Ëxmats yë nnaax nkajpnës, wä'änës min xy'ëwtaty yam wintë'ës'itum. E tyampaat mijts ka'ap mkäjpxyjyä'äkyukë.

Proverbios 30:4

¿Pën jam të y'ëknëjkxpë tsajpjotm ets pën jam të y'ëktso'onpë? ¿Pën ëkmayëtëp tmatsëty yë poj ets tmajts'itëty kyë'ëjootjoty? ¿Pën yë nëëmejy të t'ëkwinpijtpë witjoty? ¿Pën të tpëjktä'äky ja nyitsëpa'an mapaat ja naaxwiinyëtë y'ëwtitëtyën? Këtiis ënät mijts xy'ënëmääpyëty ko mnija'ap ja xyëëw ets ja y'u'unk xëëw.

Isaías 52:6

E pyatäämpy ja xëëw jëmëjt ma ja nnaax nkajpnës nijawëtëty ets tja'akyukëtëty ko maas nWintsën'atyën xëmës të njanikäjpxy.

Isaías 7:14

Yë Wintsën yë'ë kë'ëm yakäämpy yë ijxpäjtën: tu'uk ja to'oxytyëjk tyajmëxu'unk'ata'any ja u'unk maay, ets tyajxëëwpäta'any Emanuel.

Isaías 9:6

Jä'ä ko tëë tyam myiny jyä'ty tu'uk ja mëxu'unk ye'etyëjkpë, tëë tyäky ja Wintsën tu'uk ja u'unk maay mëti'ipë të yajmo'oyën ja mëk'ajtën kuttujkën ets y'ënä'ämëty yajkutukëty, ets jä'ä nëjkx yajtijy: Kajpxwijpë mëti'ipë mëj këjää winë tyuunpy kyäjpxypën, mëk Dios, xëmëpë Tyeety'ätyën, mëti'ipë nyikopk'ajtypyën ja jotkujk'ajtën.

Jeremias 23:6

Ko ënety yë'ë y'ëne'emy, yë Judá ja'ayëty jotkujk nëjkx yajpaatë ets Jerusalén ja'ayëty ka'ap nëjkx tii jotmay tpaatë. Jä'ä nëjkx tijtë ja Wintsën: Yë Wintsën yë'ë xyajmëtakëm.

Mateo 1:21

Ye'eytyëjk y'ita'any. Jä'ä xytyukxëëwatëty Jesús, jä'ä ko ja jyä'äy tyajpokynyiwa'atsa'any.

Mateo 1:23

U'unkpaataanp tu'uk ja to'oxy'ëna'k, ets Emanuel ja y'U'unk txëëwatëty. Mëti'ipë tyijpy: Dios ëëts mëët n'ijtëm.

Hechos 3:13

Ja Dios mëti'ipë ja Abraham, Isaac ets ja Jacob y'ëwtajtën, ëëts ja n'ap'ajt n'ok'ajtëmë; yë'ë të tmëjjaw të tjaantyjyawë ja Tyuumpë Jesús, mëti'ipë miits mkë'ëyajtën ets y'ookëty; mëti'ipë ja Pilato jya'ëxmatsanën.

Jueces 13:17

Ënet ja Manoa tyajtëëy ja Wintsën ja kyukäjpxy: Tuk'ëwa'anëtëkës tiitën mxëëwajtyp ets jëtu'un ëëts mijts nja'amyätstëty ets nja'awëkyëta'aktëtyës ko ënety jëtu'un tyunyë jyätyë tä mijts tyam të xynyikäjpxyën.

Jueces 13:6

Ënet ja to'oxytyëjk ojts nyijkxy ma ja nyiye'etyëjkën ets tukmëmëtyäky: Tu'ukës yë ye'etyëjk të xynyiminy, Dios yë tyuunpë, jëtu'unyës të ntimwyi'imy koos të nwinku'ixë, jëtu'unës të n'ixy tä tu'uk yë Wintsënën kyukäjpxyën. Ka'apës të nyajtëy tii xyëëwajtyp ets ni yë'ë të xykyatuk'ëwaanës.