Éxodo 3:12 - Biblia Dc en Mixe de Quetzaltepec

¹² Tä ojts yë Dios y'ëtsoyë: Ëjts mijts njämyëët'atäämpy ets ya'atë jëtu'un mtuk'ixëp ko yam nkexyp, ko ënety mijts ja nnaaxës nkajpnës të xyjyuuty jap Egiptë, yaajës min xy'ëwtatë ma ya'atë kopkën.

Biblia Mixe de Quetzaltepec

¹² Tä ojts yë Tios y'ëtsoyë: Ëjts mijts njämyëët'atäämpy ets ya'atë jëtu'un mtuk'ixëp ko yam nkexyp, ko ënäty mijts ja nnaaxës nkajpnës të xyjyuuty jap Egiptë, yaajës min xy'ëwtatë ma ya'atë kopkën.

Éxodo 3:12 ပူးပေါင်းရင်းမြစ်များ

Josue 1:5

Mapaat mjuuky'ätyën ni pën mkamayëtëty, ëjtsës xëmë yajpaataanp ma mijtsën tä ojts nyajpaatyënës mëët yë Moisés, nijëna'a nka'ëxmatsa'any ets nkamajtstu'uta'any.

Romanos 8:31

¿Tii ënät njaaktimkyajpxmëp? Pën Dios mëët ëëtsajtëm, ni pën xykyamëmëtakmëty.

Isaías 41:10

Këtii mtsë'ëkëty, ëjts yajpatpës ma mijtsën, ëjts mijts xyTyios'ajtp. Ëjts mijts nmëjaawmoopy ets nputëjkëp, mëëtës ja nkë'ë nmajts'ity ets xëmë mmëta'akëty.

Deuteronomio 31:23

E ja Josué, yë myaank yë Nun, tyaa ojts y'ënë'ëmxëty yë Wintsën: Mijts jotmëkmës mtimyyajpaatëty, këtii ninu'un mtimtsyë'ëkëty. Jä'ä ko tëëjës ntuknipëjktaakë ko mijts nëjkx xywyoowja'ty yë Israel ja'ayëty jam ma ja it naaxwiinyëtën mëti'ipës yë'ë të ntukwinwanëtën, e ëjts nyakäämpyës yë näypyutëkë ma mijtsën.

Génesis 31:3

Ënet ja Jacob myëkajpxë ja Wintsën ets y'ënëmaayë: Wimpit ënät tyam ma ja nyaax kyajpnën ja mteety mtaak ets ma ja mjëëky mmëku'uk jam y'itën ëjts mijts njämyëët'atäämpy.

Éxodo 4:15

Kajpx mëtya'ak mëët ets tuk'ëwa'anëtya'a tii kyajpxëpën, ëjts yajpataanpës xëmë mëët yë'ë ets näjyëtu'un mëët mijts, yë'ë mtukni''ixëjanëp tii mëpaat xytyuntën.

Éxodo 4:12

Paaty nëjkx tyam, ëjts mijts njämyëët'atäämpy, ko ënety mkajpxa'any mëtya'aka'any, ëjts mijts ntukni''ixëp tii mkajpxëp mëtya'akëpën.

Mateo 28:20

ets xytyuk'ijxpëktëty wi'ix tpatuntëtyën tu'kë'ëyë mëti'ipë miitsëty të ntuk'ënä'ämtën. E ëjts jëtu'unës n'ëna'any ko yajpaataanpës xëmë ma miitsëtyën mapaat yë naaxwiinyëtë jyää'atyën.

Isaías 43:2

Pën nëë muum mtuknaxäämpy, ëjts tam'ataanpës mëët mijts; pën mëjnëë mninaxäämpy, ka'ap mnëëji'kxa'any; pën jëën mtuknaxäämpy, ka'ap mtsa'aja'anyë; oy jënu'un ja jëën jyayäänëty, mijts ka'ap nitii mjata'anyë.

Hechos 11:21

Mooyëtë ja Wintsën ja myëk'ajtën ets may ja ja'ay ja y'ëxëëk winma'any t'ëxmajtstë ets tmëpëjktë ja Wintsën.

Marcos 16:20

Tääts ja y'ijxpëjkpëtëjk tsyo'ontë ets ojts tkajpxwa'kxtë ja Dios ja y'aaw y'ayuk oy tyimmaajëty. Wintsën Jesukristë ojts pyutëkëtë ets ja ja'ay tuk'ijxtëty tuknijawëtëty ko tyiyëty jyääntyëty mëti'ipë kyajpxtëpën, jä'ä ko tuntë winë mëët ja Dios ja myëj'ajtën.

Hebreos 13:5

Këtii meeny xy'atsoktëty, tukjootkujk'atë mëti'ipë mmëët'ajtëpën, jä'ä ko tëë ja Wintsën y'ënä'äny: Nijëna'a mijts nka'ëxmatsan'any ets nijëna'a nkaja'atyëkoyä'äny.

Isaías 7:14

Yë Wintsën yë'ë kë'ëm yakäämpy yë ijxpäjtën: tu'uk ja to'oxytyëjk tyajmëxu'unk'ata'any ja u'unk maay, ets tyajxëëwpäta'any Emanuel.

Salmos 86:17

Yak tu'uk yë ijxpäjtën mëti'ipë yajtuk'ixëpën ko oy mTios'aty, e ko jëtu'un yaj'ixëty, tääts nëjkx tsyëyu'unpaatë ja'ayëty mëti'ipës xy'ëxëëk'ijxtëpën. Mijts Wintsën, mijtsës xymyoopy yë putëjk pupäjtën, ets mijtsës näjyëtu'un xymyoopy yë jotkujk'ajtën.

Isaías 37:30

Ënet ja Jeséas t'ënëmaay ja Ezequías: Ya'atë mtuk'ixëp ets xynyijawëty mëti'ipë tunan jatanëpën: Ya'atë jëmëjt yë'ë mkaytyëp yë tsajpmok mëti'ipë kë'ëm yonaanp muxaanpën, e kom tëkëëk jëmëjt jyëkyejpy mni'iptëty ets xyajpëtë'ëktëty ja mpëjktä'äkyëty, ijxtëm ja aaytyëëm ujts tëëmën ets aaypyajk ujts pajkën mëti'ipë mjë'kxtëp mpëktëpën.

Jueces 7:11

Ets mëtoow'it wi'ix y'ëna'antë yë mmëtsipëty ame'tsyë, tääts ënät mjotmëkta'akëty wi'ix xynyipëtë'ëkëtyën. Paaty ojts yë Gedeón jyänty tsyoony mëët ja tyuunpë mëti'ipë xyëëwajtypyën Purá ets tyimja'ajtë jampaat ma ja myëtsipëty ja wyittëjk jyëjpkëxtën.

Jueces 6:21

Ënet ja Wintsën ja kyukäjpxy ojts ja tyajk tukpaaty ja tsu'utsy ets ja tsajpkääky ets mëj jëën jap pyëtsiimy tsaajoty. Wa'ats tyooytyääy ja tsu'utsy ets ja tsajpkääky; ko tyooynyajxtaay, ja Wintsën ja kyukäjpxy jëtu'unyë ojts t'ijxtëkoy.

Jueces 6:17

Ënet ja Gedeón y'ëtsooy: Pën xy'oyjya'apës, tuk'ijxkës wi'ixës mëpaat nijawën pën mëët nmëtyä'äkyës.

Génesis 15:1

Ënet yë Dios ojts tmëkäjpxy yë Abram kuma'ayjoty ets t'ënëmaay: Këtii mtsë'ëkë Abram, jä'ä ko ëjts mijts nkuwäämpy. Yë mkuma'ayën mëj y'ita'any.

Génesis 15:8

Ets Abram y'ëtsooy. E Wintsën ¿wi'ixës jëjp'ixy nmëët'atëty, koos xytyukkumayä'äny ya'atë naax kam?

Hechos 7:7

Tää ja Dios jyaak'ënany: Ëjts ntëytyunäämpyës ja ja'ayëty mëti'ipë ënety jëtu'un tuunëtëp ets ja m'u'unk m'ok nyajpëtsëma'anyës jam ets yaa myintëty etsës xywyintsë'ëkëtëty.

Éxodo 3:1

Yë Moisés yë'ë ënety kyëwent'ajtëp ja myë't Jetro kyupixyny, mëti'ipë jam teety'ajtpën Madián, e tëkok ojts jam twojpnëjkxy ma të'ëts'it të'ëtsnaaxën, jam tyimja'ajty ma tu'uk ja mëj kopkën, mëti'ipë ja Dios jyä'ä'ajtypyën, jä'ä txëëwaty Horeb.

Éxodo 3:13

E ja Moisés tyaa ojts y'ëtsoy: Mëti'ipës tëy nmëmääpy nmëtäjpyën, yë'ë koos yë Israel ja'ayëty nëjkx nja'ënëëmëtë, ko yë Dios mëti'ipë y'ëwtajtën yë mteety m'apëty, yë'ëjës të xykyexy yaa ma miitsëtyën, tääjës nëjkx ënätyë xyajtëwtë, ¿tii xyëëwajtyp? E ëjts wi'ixtsës n'ëtsowëty.

Éxodo 18:5

Yë Moisés jam ënety ja wyittëjk të tkojy ma ja të'ëts'itjotmën, winkon ma ja kopkën mëti'ipë ja Dios kyopk'ajtypyën. E jam ojts ja Jetró nyinëjkxyë mëët ja Moisés ja tyo'oxytyëjk ets nimäjtsk ja y'u'unk.

Éxodo 33:14

Tä ja Dios ojts y'ëtsoyë: Këtii mmay mtajy, ëjts yam mijts kë'ëm njämyëët'atäämpy ets jëtu'un mpo'kxëty.

Jueces 6:16

Ënet yë Wintsën y'ënëmaayë: Mijts mjëkyäpëp xytyunëty jä'ä ko ëjts yajpaataanp ma mijtsën. Mijts ka'ap nëjkx xyajmëtä'äky yë Madián ja'ayëty jä'ä ko jëtu'un yë'ëjëty tä jeexyë tu'ukyë ja'ay je'eyë mëët mtsiptunyën.

2 Reyes 19:29

Tä ja Jeséas t'ënëmaay ja Ezequías: Ya'atë jëtu'un ja ijxpäjtën yakäämpy mëët ja mëti'ipë tunan jatanëpën: Ya'atë jëmëjt ets tääpë myinyën yë'ë nëjkx xykyäytyë xy'uuktë ja tsajpmok mëti'ipë kë'ëm yoonpën, kom tëkëëk jëmëjt jyëkyejpy myuunëtëty mtuunëtëty ets mnipnëtëty mkojnëtëty, xyajpëtë'knëtëty ja mpëjktä'äkyëty, jyëkajpnëp xypyäntëty xykyojtëty ja m'aay mkepyëty.

Jeremias 1:8

Ni pën xykyatsë'ëkëty, ëjts yajpataanpës mëët mijts ets n'ijx'ita'any nkëwent'ata'any. Ëjts, mëti'ipë Wintsën'ajtpën, ëjts ënaanp.

Génesis 26:3

E tyam jaakjuuky'ajtkoj ma tampë kajpnën. Ëjtsës mëët mijts nyajpaata'any ets nkënu'kxäämpy. Jä'ä ko mijts ets mëët yë m'u'unk m'ok, yë'ëjës ya'atë it naaxwiinyëtë nmo'ojantëp. Jëtu'unës ëjts npatuna'any ja käjpxytyu'unën mëti'ipës ja mteety Abraham të ntukwinwanën.

Éxodo 8:27

Paaty kopkpëky yë'ë etsës jam nëjkxtëty të'ëts'itum, tëkëëk xëëw ye'eyën jyëkämëty mëët yaajën ets jam nëjkx ja Dios ja wyintsë'kën nmo'otës, jëtu'un ijxtëm yë'ë të xytyuk'ënä'ämtësën.

Jueces 6:12

Ënet ja Wintsën ja kyukäjpxy nyipëtsëëmë jam ets y'ënëmaayë: Yë Wintsën yë'ë tyam yajpatp ma mijtsën, jotmëkja'ay.

1 Samuel 14:10

E pën xy'ënëma'ayëm ets mpa'tëjkëmëty jëtu'un njantyu'unmëty, jä'ä ko yë'ë ënety ja Wintsën nyikäjpxyp ko nmëta'aka'anëm.

1 Crónicas 9:20

Ma ënety ka'ap yajmo'otënëm jëtu'unpë ja tuunk, yë Finees yë'ë ojts nyikopk'atëtë. Wintsën kënu'kxëtëp.