Éxodo 29:43 - Biblia Dc en Mixe de Quetzaltepec

⁴³ Jamës näpyaata'anyë mëët yë Israel ja'ayëty ets ja it kënu'kxy wyë'ëmëty mëët koos ënety ëjts jap nyajpaaty.

Biblia Mixe de Quetzaltepec

⁴³ Jamës näpyaata'anyë mëët yë Israel ja'ayëty ets ja it kënu'kxy wyë'ëmëty mëët koos ënäty ëjts jap nyajpaaty.

Éxodo 29:43 ပူးပေါင်းရင်းမြစ်များ

1 Reyes 8:11

e mëët ko ënety tëë nyitujkta'ay ja tsajptëjk mëët ja yoots, ja teetytyëjkëty ka'ap ojts t'ëkjëkyäjpnë jam kyajpxta'aktëty winkon, jä'ä ko ja Wintsën ja myëj'ajt y'oyajtën tëë ënety ja tsajptëjk tyajtuktuky.

Malaquías 3:1

Yë Wintsën mëti'ipë maaytyääyëpën winë jëtu'un y'ënä'äny: Tyamës nkäxa'any yë nkäjpxynyajxpë mëti'ipë nyipëjktaakëpën ja në'ë tu'u. Ja Wintsën mëti'ipë miits m'ixtaaytyëp ajotkumonë tyëkëja'any ma ja tsyajptëjkën. Tää wyinkony ja käjpxynyajxpë mëti'ipë myëmiinpyën ja käjpxytyu'unën mëti'ipë miitsëty mtsojkën'ajtëpën.

Ezequiel 43:5

Ënet ja Wintsën ja myëk'ajtën ojts xyajpëtë'ëkyës ets xyajnëjkxyës ma ja tëja'awën tëkotytsyowpë, etsës n'ijxy ko tëë ja Wintsën ja myëj'ajt y'oyajtën tyajtuktujkta'ay ja tsajptëjk.

2 Crónicas 5:14

e mëët ko jap wyintujktëkooy tsajptëkoty mëët ja yoots nëma'a, tääts ja teetytyëjkëty ka'ap ojts t'ëkjëkyäjpnëtë wi'ix ja wintsë'kën tkë'ëyaktëty jä'ä ko ja Wintsën ja myëj'ajtën y'oyajtën tëë ënety ja tsajptëjk tyajwintuky.

Éxodo 40:34

ënät ja yoots nëma'a ojts tyajnituky ja wit tëjk ma ja näpyaatë y'ityën mëët ja Dios ets tyajtuktujktaay mëët ja myëj'ajt y'oyajtën.

1 Juan 3:2

Mëku'uktëjkëty ninu'un miits ntsoktën njawëtën, Dios ëëts tyam xy'u'unk'ajtënëp. Oy nkanija'awëmë wi'ix ok nyajpaata'anëmën, tëë nnija'awëm ko ja Jesukristë myina'any jatëkok jëtu'un nëjkx n'awinpijtëmë tä yë'ëjën; jä'ä ko nëjkxëp n'ijxëmë wi'ix y'ixëtyën.

2 Corintios 4:6

Jä'ä ko nän Dios ojts kë'ëm tni'ënä'ämë ets jyää'atëty ja kutë'kxnën akootstum, yë'ëts të tyajjajwä'kxy ja y'ajaj y'atë'kxën ma ja njoot'ajt nwinma'any'ajtëmën ets nnija'awëmëty ja Dios ja myëj'ajt jyääntyajtën mëti'ipë ja Kristë myëët'ajtypyën.

2 Corintios 3:18

Paaty ëëtsajtëm, ni'ëmukë, ka'ap n'ëkwinkujuuxë'ajtënë, jëtu'un nyajpatëmë tä tu'uk yë ijxnën ma yaj'ixyën ja Wintsën ja myëj'ajt jyääntyajtën, ni'ikyë n'awinpijt'ëtëtsëmë ijxtëm ja Wintsën y'ixëtyën. Jä'ä ko winjëpom npatëm ja Wintsën ja myëj'ajt y'oyajtën, e paaty jyëtu'unëty jä'ä ko Wintsën tyuny mëët ja Kyënu'kxymyëk'ajtën.

Isaías 60:1

Pëtë'ëk mijts Jerusalén kajpn, nätyukwinpitët ja jajën të'kxën, jä'ä ko tëë ënät mnija'tyënëm ja të'kxën jajën, ets ja Wintsën ja myëj'ajt y'oyajtën yë'ë mkutë'kxëp.

Éxodo 25:22

E jam ëëtsajtëm näpyatëmëty, jam këjxm ma ja kaaxëni'kxën ma ja tsajpjotmëtë kukäjpxy këxkojy y'itën, jam ntuknijawëty tëkokyë ja ënä'ämën tëyajtën mëti'ipës ja Israel ja'ayëty ntuknikäjxtëpën.

Éxodo 29:42

Ya'atë yojxën mëti'ipë myajktëpën nino'oky nixämpyë, u'unk ok nyëjkxëty ets jëtu'un tkë'ëyaktëty ëjts nwintuuyës jam ma yajnitëkën yë wit tëjk ma näpyaatë y'ityën, maajës näpyaata'anyë mëët mijts ets nmëkajpxa'any.

Éxodo 29:44

Nkënu'kxäämpyës ya'atë wit tëjk ma ja näpyaatë y'ityën ets näjyëtu'un ya'atë wintsë'këntyakn, nkënu'kxäämpyës näjyëtu'un yë Aarón mëët yë y'u'unk y'ëna'k ets yë'ë tyeety'atëty ets xymyëtuntëtyës.

Éxodo 40:35

Jëtu'un'äämpy ojts ka'ap t'ëkjëkyäjpnë ja Moisés jap tyëkëty ma ja wit tëjkën ma ja näpyaatë y'ityën, jä'ä ko ja yoots nëma'a jä'ä ënety jam të nyäkyo'ktaayënë tëjknëkëjxm ets ja Dios ja myëj'ajt y'oyajtën yë'ë ënety të tyajtuktujkta'ay ja tëkot.

2 Crónicas 5:13

Ënet tyëjkëtyë tu'knax xuxpë wojpë, ëëpë yaxpë; tukxoonta'aktë ja Wintsën ja xyëëw ets tyajnaxtë ja kukkajpxën ja'awëkyëtakkën; ja xuxn, ja ak ets ja pujxn awojpmujk jä'ä ja ëy tyukpa'ënantëp, jëtu'un y'ëna'antë: Win'ëw winya'axtë yë Wintsën, jä'ä ko oy yë'ë ets tsojkp ja'ap xëmëkyëjxm. Jää ma ënety jam jëtu'un y'ëwtën ënät ja Wintsën ja myëj'ajtën tkejxy jap tsajptëkoty, jëtu'un tyajnaaxkëtäky tä tu'uk yoots nëma'ajën,