Éxodo 29:38 - Biblia Dc en Mixe de Quetzaltepec

³⁸ Xëmë winjëpom xyakëty yë wintsë'kën, jam ma wintsë'këntyaknën. Yë'ë myakëp yë kupixyny mäjtsk mëti'ipë tu'ukjatynyëm yë jyëmëjtën.

Biblia Mixe de Quetzaltepec

³⁸ Xëmë winjëpom xyakëty yë wintsë'kën, jam ma wintsë'këntyaknën. Yë'ë myakëp yë kupixyny mäjtsk mëti'ipë tu'ukjatynyëm yë jyëmëjtën.

Éxodo 29:38 ပူးပေါင်းရင်းမြစ်များ

1 Crónicas 16:40

ets yë'ë tyaktëty xëmë ja wintsë'kën ma ja Wintsën ja wyintsë'këntyaknën jam ma ja kaaxë yajpaatyën, jopy tsuu, jëtu'un tä jap myinyën kuja'ay ma ja Wintsën ja nyokyën mëti'ipë tyuk'ënä'ämën ja Israel kajpn ets tpatuntëty.

Daniel 12:11

Tuk mil ja mäjtsk mëko'px ja majkta'px majk nëjkx nyäxy ja xëëw ma ënety të yaj'akajpxtukyën këtiipë ja wintsë'kën y'ëkyajyajknëty ja jëpom jëpompë yajyäkyën ets ma ënety të y'ëxëëkën ja Wintsën ja tsyajptëjk.

2 Crónicas 31:3

Kë'ëm ojts ja yajkutujkpë tyäky mëti'ipë wintsë'kën'atëpën jopyëp ets jënäkxyëëw, mëti'ipë tunëpën xëëwjoty, po'kxënxëëw, ko po'o yeeky'atëty ets tii xëëw mëjpë tyunëtëty, jëtu'un tä jap myinyën kuja'ay ma ja Wintsën ja y'ënä'ämënën kyutujkënën.

2 Crónicas 13:11

Yë'ëjëty jop tsuu yë Wintsën wyintsë'kën tmo'otë mëti'ipë nino'oky yajyajkpën ets poom. Xëmë tyaktë tsajpkääky winjëpom mëti'ipë kënu'kxyën, jam tkëxpëktë ma kaaypyäjnën ëmaaypyë; yë'ë yajmëjjëtyëp xëmë jënäkyxyëëw yë kutë'kxn mëti'ipë oytyunyën mëët yë pu'ts pujxn. Jä'ä ko ëëtsëty je'eyëmës npatuntë ja Wintsën ja y'ënä'ämën kyutujkën e miitsëty ni'ikyë të xy'ëxmajtsnëtë.

2 Crónicas 2:4

E ëjts, yë'ëtsës njaniwinma'ayëp nkoja'anyës tu'uk ja tsajptëjk, ma ëëts yë nWintsën y'itëtyën mëti'ipës nTios'ajtëpën ets yë'ë yajtuknikënu'kxëty, japts yajmo'ojëty ja aay ujts mëti'ipë pa'akxu'kpën mëti'ipë yajyajkpën no'oky xämy, ja tsajpkääky mëti'ipë yajkëxma'kxpën kaaypyäjnkëjxy, ets yajtukwintsë'ëkëty yë jëyujk ooky nino'oky nixämpyë jopy tsuu, ma po'kxënxëëwën ets ma po'o y'aanë'ëkyën ets maajaty ja xëëw tpaatyën mëti'ipë yë Israel ja'ayëty nyixëëwtuuntëpën.

Daniel 9:27

E ja tu'k sëmaanpë wyi'imyën, jää nëjkx mëët kanaak yë naax kajpn käjpxytyu'unën tuny, e sëmaanjoty jää t'akajpxtuka'any këtiipë wintsë'kën yajyäkyën. Ets tu'uk yë mëjpoky yajtuna'any ma ja wintsë'kënytyaknën ma yajyäkyën ja wintsë'kën, koonëm ja o'kën tyukja'tëtëty ja mëti'ipë ënety ja ëxëëkajtën tyuuntëkoopyën.

Esdras 3:3

Ja wintsë'këntyakn mëti'ipë ojts tkojtën ta'tspëky ojts yajxon tyaj'oyëtë, këtiipë ja mëtsip tjitëty, jopy ux ijty tyaktë ja wyintsë'kën nino'oky nixämpyë.

1 Pedro 1:19

yë'ë mëët ja Kristë nye'pyny, mëti'ipë të wyintsë'kën'atyën ijxtëm tu'uk ja kupixyny u'unkën mëti'ipë ka'ap tii ma'atpë ëxëëkpë tmëëtëtyën.

Hebreos 7:27

Ka'ap jyëtu'unëty ijxtëm ja wiinkëtypë ja teety wintsënëtyën jëpom jëpompë tyaktën ja wintsë'kën ko pyokytyuntë, ets ko ja naax kajpn näjyëtu'un pyokytyuntë. Jesús tu'k'ok ojts je'eyë twintsë'ëkë ja Dios ko ojts yë'ë kë'ëm wyintsë'kën'aty ets ja ja'ay ja pyoky ojts nimä'kxtaayë.

Juan 1:29

Komjëpom ja Juan t'ijxy ko ja Jesús myëwinkonyë ets y'ënäny: Ixtë, ya'atë jëtu'un ijxtëm ja kupixyny u'unkën, Dios wyintsë'kën mëti'ipë ja naaxwiinyëtë ja'ay yajpokywyätsëpën.

Daniel 9:21

Tamës ënety nyajnaxy ja nu'kxtakën, ko ja Gabriel të myiny, ja mëti'ipë ënety të xy'ëknimiinpënës nkuma'ayjyotyës, pojjoty të myiny kääkë'kp. Yë'ë ënety tyimpatyp ma yajyaka'anyën ja wintsë'kën jënäkyxyëëwpë.

Génesis 22:7

Kom jeknyëm ja Isaac ojts ja tyeety tyajtëy: Tatë. Tääts y'ëtsoy ja Abraham: ¿Tii mtsojkpy u'unk? Tää yë Isaac y'ëtsooy jatëkok: Ëk'ix, nmëët'ajtëm yë ja'axy ets jëën. ¿E ma ënät ja kupixyny mëti'ipë Dios mtukwintsë'ëkëjäämpyën?

Éxodo 40:29

Ets ja wintsë'këntyakn tkëëytyäky ma ja jëyujk yajnino'oktëtyën, jam winkon tpëjktäky ma ja wit tëjk yajnitëkën ma ja näpyaatë y'ityën, ojts ja jëyujk kanaak tjantyajnitoy ets näjyëtu'un ja aaytyëëm ujtstëëm tkë'ëyäjky jam ma Tiosën, tä tu'uk yë ayajk ako'onën, jëtu'un tä ënety ja Dios të tyuk'ëne'emyën.

2 Crónicas 8:13

jëtu'un tä ënety myinyën ni'ënä'ämë ma ja tëyajtënën mëti'ipë ja Moisés jyääyën: ma pokxn xëëwën: ko ja po'o pyi'k'aty ko tëkëëk'ok xyëëwtuntë winjëmëjtpë, ko ja tsajpkääky tnixëëwtuntën mëti'ipë ka'ap tsyooymyëëtëtyën, ma ja sëmaan tnixëëwtuntën ets ma ja tëjkxo'omy tnixëëwtuntën.

Esdras 3:5

ëpëky näjyëtu'un tyajktëpë ja wintsë'kën winjëpom, ma tmëjjawëtën ja po'o u'unk, ëpëky näjyëtu'un mëti'ipë ja kënu'kxy xëëw tyukwintsë'këtyëpën, ma ja Wintsën jä'ä yajtukmëjjawën ets ëpëky mëti'ipë kë'ëmwinma'any yajktëpën.

2 Crónicas 2:3

Ënet tnija'ayëy ja yajkutujkpë mëti'ipë txëëwajtpën Hiram, jampë kyukajpnëtyën Tirë, t'ënëmaay: Tun mëyajtën, ntsojkpyës ets näjyëtu'unës xy'oyjawëty tä ojts xy'oyjyawën ja nteetyës David, mijts ojts may xymyo'oy kepy ets t'oytyunëty ja kyutujkëntëjk ma jyuuky'atëtyën.

2 Crónicas 29:7

Ojts tyaj'ëtujknëtë ja tsajptëjk ma ja teetyëjk tyuntën ets ma ja wyit xyoxëty y'itën, mon pi'its ja jëën tëjk ojts wyë'ëmnë, ka'ap ja poom t'ëkyajtooynyëtë; nän ka'ap ja wintsë'kën t'ëkyajknëtë ma Wintsënën.

Ezequiel 46:13

Winjopy yajyakëty tu'uk yë kupixyny ayääkë tu'ukpë jyëmëjtën, oypyë mëkpë, yë'ë yajtukwino'ok yajtukwinxamëp yë Wintsën.

Ezequiel 46:15

Yë wintsë'kën ma yajnino'okyën ja kupixyny ets ma yajyäkyën ja ujtspajk ets ja on, jopyëp mëpaat yajyäky.