Éxodo 29:29 - Biblia Dc en Mixe de Quetzaltepec

²⁹ Yë wyit yë Aarón yë'ë nëjkx tmëwë'ëmtë yë y'u'unk y'ok, ko ënety näjyëtu'un yajkënu'kxtë ets tyeety'atëty ets jëtu'un tpa'atwa'akëtë ja ënä'ämën kuttujkën.

Biblia Mixe de Quetzaltepec

²⁹ Yë wyit yë Aarón yë'ë nëjkx tmëwë'ëmtë yë y'u'unk y'ok, ko ënäty näjyëtu'un yajkënu'kxtë ets tyeety'atëty ets jëtu'un tpa'atwa'akëtë ja ënä'ämën kutujkën.

Éxodo 29:29 ပူးပေါင်းရင်းမြစ်များ

Éxodo 40:15

Ets xytyukkuja'axta'ajëty ja on mëti'ipë yajtukkënu'kxpën winë, jëtu'un ijxtëm ja Aarón të xytyukkujaaxyën ets jëtu'un'äämpy tpa'atwa'akëtëty ja teety'ajtën etsës xymyëtuntëty.

Éxodo 30:30

Näy yë'ë ya'atë nëjkx xytyuknixijkxy yë Aarón ets y'u'unk y'ëna'k, jëtu'un nëjkx xykyënu'kxy ets yë'ë tyeety'atëty etsës xymyëtuntëtyës,

Éxodo 28:2

Oytyun yë wyit tyujkxy yë m'ajty Aarón mëti'ipë oy tsuj yajkëxë'ëkëtëpën.

Éxodo 29:28

Tääpë yë'ë nëjkx tjä'ä'atë yë Aarón ets y'u'unk y'ëna'k, ya'atë ënä'ämën xëmë jëtu'un y'ijtëwëty ma Israel ja'ayëtyën. Ya'atë wintsë'kën yë'ë yajtukniyajkëtëp yë Israel ja'ayëty, ets Dios yajtukwintsë'ëkëp; ma jëtu'un ja nämyë'oyë y'ityën.

Éxodo 29:30

Ja teety mëti'ipë ja Aarón y'u'unk'ajtyp y'ok'ajtypyën, ko tyëkëty jap tëkoty ma ja wit tëjkën ma ja näpyaatë y'ityën ets jëtu'un ja tyuunk jap tuna'any ma ja Dios ja jyëën tyëjkën, myënëjkxëp ya'atë wit ets jëtu'un tmëët'atëty wëxtujk xëëw.

2 Crónicas 13:9

¿Ix ja Wintsën ja tyeetytyëjk të xy'ijxwojptaayë, mëti'ipë ja Aarón y'u'unk'ajtyp y'ok'ajtypyën ets ja Leví ja'ayëty? Jëtu'un kë'ëm ja mteetytyëjkëty të xynyikajpxpätë tä wiinkëtypë naax kajpn y'ëtë'ëtstën. Ets ënät m'ëna'antë ko oy pën tyimminëty, miitsëty je'eyëm näkyënu'kxë xypyaata'antë, mëët yë'ë ko tmëminy tu'uk yë tsyajpkaa ets wëxtujk yë tsyajpax, oypyënëty jyëkyejpy tyeety'atëty ma ja wiinkëtypë ja awinaxën mëti'ipë ka'ap Wyintsënëtyën.