Éxodo 29:20 - Biblia Dc en Mixe de Quetzaltepec

²⁰ Tä ënät xyaj'ookëty ets wäänë xypyëjkëty yë ne'pny ets xytyukkuutsëty yë Aarón mëët yë y'u'unk y'ëna'k ma tyatskpa'ajëtyën a'oy'äämpyë, näjyëtu'un ma kyë'ëkaajëtyën a'oy'äämpyë ets ma tyekykyaajën a'oypyë, e ja ne'pny mëti'ipë natëjkëpën xijkxjëtit jam ma wintsë'këntyaknën yë pya'a nyuxën.

Biblia Mixe de Quetzaltepec

²⁰ Tä ënät xyaj'ookëty ets wäänë xypyëjkëty yë ne'pny ets xytyukkuutsëty yë Aarón mëët yë y'u'unk y'ëna'k ma tyatskpa'ajëtyën a'oy'äämpyë, näjyëtu'un ma kyë'ëkaajëtyën a'oy'äämpyë ets ma tyekykyaajën a'oypyë, e ja ne'pny mëti'ipë natëjkëpën xijkxjëtit jam ma wintsë'këntyaknën yë pya'a nyuxën.

Éxodo 29:20 ပူးပေါင်းရင်းမြစ်များ

Éxodo 29:19

Mëjwits ënät näjyëtu'un ja wiinkpë ja kupixyny ets jam ja kyë'ëjëty tkëxkontëty ja Aarón mëët ja y'u'unk y'ëna'k, ma ja kupixyny ayääkë ja kyëpajkën.

Éxodo 29:21

E ja ne'pny mëti'ipë jam wë'ëmpën wintsë'këntyakn nëkëjxm ets ja on mëti'ipë yajtukkënu'kxpën mëti'ipë natëjkëpën, mpëjkë'ëkëp ets xytyuknixijkxëty yë Aarón ets näjyëtu'un jam wyitkëjxm, ma ja y'u'unk y'ëna'kën nëjkxëp xykyënu'kxta'atë mëët tu'kë'ëyë ja wyitëty tyujkxëty.

Isaías 50:5

Yë Wintsën yë'ëjës të xymyo'oy ijxkujk ja'aykyujkën, e ëjts käjpxykyupëjkpë të nnäpyëjktä'äkyës ets ka'apës ni'ikyë të nnäyu'ts të nnäkyiiyënë.

Isaías 52:15

jëtu'un nëjkx may ja naax kajpn mëj'äämpy pyëjktä'äkyë ets nëjkx mëj'ixy t'ixtë; Ja yajkutujkpëtëjk ka'ap nëjkx wyinma'anypyaatë wi'ix tnimëtya'aktëtyën jä'ä ko nëjkxëp tja'akyukëtë ets twinmëtowtë mëti'ipë ënety ka'ap nijëna'a të tmëtowtën.

Marcos 7:33

Tääts ja Jesús ojts twoownëjkxy jam jëkämtëkë, ma ka'ap nëkooyë ja ja'ayën ets ja kyë'ë tkutijëy ma ja natpë ja tyatskën, ok ja Jesús ojts tsujywyeey ja kyë'ë ets ojts toonë ja uum ja yyä'än.

Hebreos 10:22

Tsojk nmëwinko'onëm ja Dios ëmuumtu'ukjot ets tsojk nmëpëjkëmë; wa'ats ja jot winma'any nmëët'ajtmëty ets ja jot nini'kx.

Hebreos 12:24

tëë ja Jesús xymyëwinkontë, mëët ko ja Dios të tuny ja jempyë käjpxytyu'unën ja Jesús mëti'ipë nye'pyny y'ëxmajtsën ko ojts tyäxy jyä'äy ets wäänë oy nimëtyä'äky këtiinëm ja Abel ja nye'pyny.

1 Pedro 1:2

mëti'ipëjaty ja Dios Teety ojts wyinwitsëtën tëëyëp ijxtëm yë'ë të tuknipëjktaakën. Ja Dios ja myëk'ajtën miits të mwinma'anymyo'ojëtë ets xymyëmëtowtëty ja Jesukristë ets wa'ats mwë'ëmtëty mëët ja nye'pyny. Wä'än ja Dios ni'ik mmo'ojëtë ja kënu'kxën ets ja jotkujk'ajtën.