Éxodo 29:13 - Biblia Dc en Mixe de Quetzaltepec

¹³ Ja tyiinty, ja jyot, ja myääts mjëpëjktaayëp ets ja y'on jam xynyino'okëty ma wintsë'këntyaknën.

Biblia Mixe de Quetzaltepec

¹³ Ja tyiinty, ja jyot, ja myääts mjëpëjktaayëp ets ja y'on jam xynyino'okëty ma wintsë'këntyaknën.

Éxodo 29:13 ပူးပေါင်းရင်းမြစ်များ

1 Samuel 2:16

E ko ja'ay ijty y'ëtsoy ka'ap, jëyëjp tëy n'ukno'okëtyës ja nyi'on täänëm nyakëtyës ijxtëm ja teety timtsyokyën, tääts ja tuunpë y'ëtsoy: ka'ap, mooykyës tyämyë. Pën kajtsës xymyo'oy atsip ënät yam npëjkëty.

Isaías 43:24

Ka'ap të xyjyuy ja waxk mëti'ipë pa'akxu'kpën ets jeexyë të xytyukwintsë'ëkës, ka'apës të xymyo'oy yë jëyujk on mëti'ipës nwintsë'kën'atëpën. Ni'ikyënëmës yë mpoky të xytyukyajtsipke'exy; je'eyës nëkoo të xytyuk'atsipy yë m'ëxëëktu'un m'ëxëëk kajpxën.

Isaías 34:6

Nëjkxëp ja Wintsën ja tyiypyujxn nye'pynyëtyä'äy ets y'onku'tsta'ay jëtu'un ijxtëm ko ja'ay tyaj'ookyën yë kupixyny ayääkë ets tsajppax ayääkë ma y'o'ktaknën. Mëj këjää ja Wintsën ja o'kën tëko'oyën tyaj'ita'any jam Bosrá ets jam Edom.

Isaías 1:11

Jëtu'un yë Wintsën y'ënä'äny: ¿Tiijës nyajwa'anëty yë wintsë'kën oy jënu'un may xyajmintë? Tëës xynyatsijpnë ja wintsë'kën nino'okpyë xyaktën, tä yë kupixynyën, tsajpkaajën ets tsajppaxën, ëxëëkës n'ixy yë jëyujk ne'pny.

Salmos 22:14

Jëtu'unës ëjts tä nëë nyajtstämën. Tëës yë nwaay mpajk jyäjxma'ta'ay. Jëtu'unës yë njuukyjot tä pu'unykyën tëë jap jyiiytyakta'ay njootjotyës.

Éxodo 29:25

Tä ënät ok tu'ukyë xynyino'okëty jam ma wintsë'këntyaknën, mëët ja jëyujk'ooky mëti'ipë yajno'kpën, mëti'ipë ja Dios jä'ä të yajtuknipëjktaakën, jëtu'un tä tu'uk yë wintsë'kënën mëti'ipë oy xu'kp jojkpën. Ya'atë jä'ä yajyäky tä tu'uk yë ayajk ako'onën mëti'ipë nino'oky yë Dios yajtukwintsë'këpën.

Éxodo 29:22

Tëkokyë y'on xyajjënajktaayëty mëti'ipë myëët'ajtypyën ma pyi'ixyën, ma tyiintyën ets ma jyotën; pëjkë näjyëtu'un mäjtskpë yë myëjtiinty ets y'on mëti'ipë nëkëjxy nyijuux'ajtypyën, näjyëtu'un ma ja pyuuyën a'oypyë, paatykyëjxm yajyäky ya'atë kupixyny yä'äy mëët ko ja teetyëjk ënety yajkënu'kxtë.

Éxodo 29:18

Tääts ënät ya'atë kupixyny y'ooky xynyino'okëty ma wintsë'këntyaknën, mëti'ipë yë Wintsën mtukmëjjawëpën, yë'ë ya'atë wintsë'kën nino'oky nixämpyë oypyë xyuuky jyokyën.

Éxodo 12:9

Nitu'kpoty xykyatsu'utstëty tsuxk ëkë nëëkë'ëw. Tu'kë'ëyë jëyujk tsu'utsy jëtu'unyë jëtu'un xytsyääytya'atëty mëët yë kyë'ë tyeky ets mëët yë kyëpajkëty tyiintsyëty.