Éxodo 28:39 - Biblia Dc en Mixe de Quetzaltepec

³⁹ Ma ya'atë nijän xy'oytyuna'anyën, yë'ë myajtunëp yë oywyit ets mnijo'okëp näjyëtu'un, yë nijän oywyit mtuk'oytyunëp, yë nyiwëën yajxon mëpaat yajjo'oky ijxtëm mëpaat oy kyëxë'ëkyën.

Biblia Mixe de Quetzaltepec

³⁹ Ma ya'atë nijän xy'oytyuna'anyën, yë'ë myajtunëp yë oywyit ets mnijo'okëp näjyëtu'un, yë nijän oywyit mtuk'oytyunëp, yë nyiwëën yajxon mëpaat yajjo'oky ijxtëm mëpaat oy kyëxë'ëkyën.

Éxodo 28:39 ပူးပေါင်းရင်းမြစ်များ

Salmos 45:14

Oy të yajxoxy, jam yajwoownëjkxy ma yajkutujkpën, yë'ë paye'eyëp ja to'oxy'ëna'k mëti'ipë këwent'ajtëpën, ets ja to'oxy'ëna'k mëti'ipë mëët oy nyäjyawëtyën.

Éxodo 26:36

Oytyun näjyëtu'un tu'uk yë wit'atëëytyuk mëti'ipë mtuk'atëëytyukëpën, ma jam yajnitëkën yë tsajptëjk. Jä'ä y'ixë'atëty yë nyi'ujkën: uky, tsu'unk, tsapts ets linë wit awiity. Yajxon oy tsuj jyo'oky'atëty.

Éxodo 28:4

Ya'atë wit y'oytyuntëp: katsyjyän, kejky yä'äp, nijän, tëyxyuywyit mëti'ipë nëjkx tjo'oktën, kupit ets ja wëën.

Éxodo 29:5

Ko tsyiiwta'atëty tääts yë Aarón xyoxëty mëët ja tëyxyuypyë wit ets ja kejky yä'äp, ja nijän, ets näjyëtu'un ja kejky yä'äp ets ja katsyjyän ets xywyë'ënta'atsëty ja kejky yä'äp ja nyiwëën.

Éxodo 29:6

Pëjkta'ak näjyëtu'un ja kupit jam ma kyëpajkën ets ja tsya'a mëti'ipë yajnikë'xë'kpyën ko tyeety'äty.

Éxodo 29:8

Ënëëmë näjyëtu'un ja y'u'unk y'ëna'k ets wyinkontëty. Tääts xytyukxoxtëty ja tëyxyuywyit.

Éxodo 39:27

Ja Aarón ja wyit tä'äky mëët ja y'u'unk y'ëna'k ja jyä'äjëty, mëti'ipë aak oywyitën, yë'ë ojts t'oytyuny tu'uk yë ja'ay mëti'ipë ënety yajxon nyija'apën wi'ix yë wit yajo'okyën.

Éxodo 27:16

Jäätsow ma yajnitëkën tëtujk xajpk jää tyëkëty yë wit'atëëytyuk tsu'unkpë, uky, tsapts ets awiitypë, yajxon oy tsuj jyo'oky'atëty; taxk ja nyixeny xypyëjktakëty ets näjyëtu'un ja nyi'ëjx.