Éxodo 28:36 - Biblia Dc en Mixe de Quetzaltepec

³⁶ Oytyun tu'uk yë tsya'a aakyë'ë wa'ats pu'ts pujxnpë ets jam xyajkëxkojëty tä tu'uk yë tsa'a'ajtënën, jä'ä jam xyaj'ëna'anëty: Dios ya'atë të yajmo'oy.

Biblia Mixe de Quetzaltepec

³⁶ Oytyun tu'uk yë tsya'a aakyë'ë wa'ats pu'ts pujxnpë ets jam xyajkëxkojëty tä tu'uk yë tsa'a'ajtënën, jä'ä jam xyaj'ëna'anëty: Tios ya'atë të yajmo'oy.

Éxodo 28:36 ပူးပေါင်းရင်းမြစ်များ

Zacarías 14:20

Jä'ä xëëw jampaat nëjkx yajkëxja'ay ja ayuk ma kwaay yë y'ajäänë'ëkën mëti'ipë ëna'anëpën: Wintsën të yajtuknikënu'kxë. Ets ja jëënpajk jä'pn yë'ëpaat nëjkx kënu'kxy nyäxy tä ja a'ukën mëti'ipë jam yajpatpën ma ja wintsë'këntyaknën.

Éxodo 39:30

Ojts näjyëtu'un tyaj'oyëtë yë tsya'a aak pu'ts pujxnpë, mëti'ipëjaty ënety yajwa'atsnajxypyën ets ojts jam witkëjxm jëtu'un tyajkëxkojtë tä yë ja'ay muum tii tkëxtsa'ayën, jä'ä y'ënä'äny: Dios yajmoopy.

Apocalipsis 21:27

Nijëna'a jam kyatëkëty ja ëxëëkpë ku'oypyë ets ni ja ja'ay jam kyawin'ëëntëty ets tii ëxëëk tuntëty. Yi'iyë jam tëkëjaanp mëti'ipë ja xyëëw miintëpën kuja'ay ma ja nokyën juukyajtën mëëtpë mëti'ipë myëët'ajtypyën ja Kupixyny U'unk.

1 Pedro 2:9

E miitsëty Dios të mwin'ixëtë ets m'itëty tu'kjëëky tu'kmëku'ukpën, tä tu'uk ja teety tmëtunyën ja yajkutujkpë, ijxtëm ja wa'atspë ja kajpnën mëti'ipë ja Dios jä'äniwanëpën. Ets jëtu'un tkajpxwa'kxtëty ja Dios ja y'oyajtën, mëti'ipë të myajpëtsëmëtë akootstum ets m'itëty ajajëntuuy.

Hebreos 12:14

Jotkujk itë mëët ja ja'ayëty oypyënëty ets wa'ats mjuuky'atëty. Pën ka'ap wa'ats jyuuky'äty, ka'ap ja Dios nëjkx t'ixy.

Hebreos 7:26

E jëtu'un yë Jesús, të nyäxy Mëj teety wintsën mëti'ipë ënety nyajmëyajtëmën. Yë'ë kënu'kxy, wa'ats, ka'ap poky tmëëtëty, ka'ap pyokyjä'äyëty ijxtëm ëëtsajtëmën, wäänë këjxm yë'ë y'ity këtiinëm ja tsajp.

Ezequiel 43:12

Ya'atë ënä'ämën jap tunaanp ma tsajptëjkën: Ja naax mëti'ipë nya'ëwtijtypyën ja tsajptëjk wa'ats nëjkx y'ity.

Salmos 93:5

Wintsën, yë m'ënä'ämën mtëyajtën ta'tspëky yajpaaty, Yë mwa'atsajtën yë'ë yaj'oykyëxë'kpy yë mtsajptëjk.

Éxodo 28:11

Mëti'ipë ya'atë jëtu'unpë tyuunk'atëpën, yë'ë mëti'ipë yajxon nyija'awëtëpën wi'ix winë yajtsa'ayën. Jam xyajkëxmëta'akëty ja tsaa ma të yajni'oytyunën aak pu'ts pujxn,

Éxodo 28:9

Jam xypyëjkta'akëty mäjtsk yë tsaa oypyë, jamts xykyëxjaaytya'ajëty tëkokyë ja xyëëwëty yë Israel ja y'u'unk y'ëna'k.

Éxodo 28:35

Yë Aarón xëmë tmënëjkxëty ya'atë nijän ko jap tyëkëty ma tsajptëjkën Wintsën wintum. Jëtu'un ko ënety tyëkë, ëkë ko ënety pyëtsimy yë'ë yajmëtowëp ja pujxn u'unk ko y'ëna'antëty ets jëtu'un yajtuknijawëty ko yë'ëjëty ets ka'ap y'ookëty.

Éxodo 28:37

Jam xypyëjkta'akëty ya'atë tsya'a ma kyupitën, wintuuytsyow, yë'ë mtukutsumëp yë ukypyiity xyäätsy ets ta'tspëky wyë'ëmëty.

Éxodo 29:6

Pëjkta'ak näjyëtu'un ja kupit jam ma kyëpajkën ets ja tsya'a mëti'ipë yajnikë'xë'kpyën ko tyeety'äty.

Éxodo 39:31

Ënet ojts ja pu'ts pujn jam tkëxtsumtë ma ja wit këxtëy y'ityën, mëti'ipë xyëëwajtypyën kupit; yë'ë tyukëxtsuumtë tu'uk ja ukypyiity timnikojëpë, jëtu'un ojts wyi'imy tä ënety ja Dios të tuk'ëne'emyën ja Moisés.

Isaías 23:18

E ja wit meeny mëti'ipë ënety të tpaaty të t'ixyën, jä'ä nëjkx ja Wintsën yajtukmëyoxy, ka'ap nëjkx yajpëjkë'ëk; yë'ë yajmo'ojantëp ja ja'ayëty mëti'ipë myëtuuntëpën ja Wintsën ets tukjuytyëty yë kyääky y'uukyëty ets wyit tyujkxyëty.

Éxodo 19:6

Miitsëty aakjëtu'un nëjkx mja'ay'atë tä yë teetytyëjkëtyën ma Wintsën yë kyutujktaknën, jëtu'un nëjkx njawëtë tä tu'uk yë kajpnën mëti'ipës të natyuknikënu'kxëtyën. Tukmëmëtyakta'a ya'atë aaw ayuk yë Israel ja'ayëty.

Éxodo 39:27

Ja Aarón ja wyit tä'äky mëët ja y'u'unk y'ëna'k ja jyä'äjëty, mëti'ipë aak oywyitën, yë'ë ojts t'oytyuny tu'uk yë ja'ay mëti'ipë ënety yajxon nyija'apën wi'ix yë wit yajo'okyën.

1 Crónicas 23:13

Amram jä'ä y'u'unk y'ëna'k xyëëwajtë: Aarón ets Moisés. Aarón yë'ë Dios win'ijxë ets yë'ë xëmë tyakëty ja wintsë'kën ëmaaypyë ma Wintsënën; yë'ë yajtoyëp ja poom, yë'ë kajpxta'akëp ma ja kënu'kxën xëmë t'amëtowëtyën, ja tuunk mëti'ipë ojts yajtukmëwë'ëmtën tuntëty xëmë mëët ja y'u'unk y'ëna'k.