Éxodo 28:17 - Biblia Dc en Mixe de Quetzaltepec

¹⁷ Ets jam xykyëxpëkëty yë tsaa oyëtypë, majktaxk waats xypyëjkta'akëty, ma mëtu'kwaatspën yë'ë myëët'atëp: tu'uk yë tsapts tsaa, tu'uk yë të'kxy tsyaa ets tu'uk yë tsuxktsaa.

Biblia Mixe de Quetzaltepec

¹⁷ Ets jam xykyëxpëkëty yë tsaa oyëtypë, majktaxk waats xypyëjkta'akëty, ma mëtu'kwaatspën yë'ë myëët'atëp: tu'uk yë tsapts tsaa, tu'uk yë të'kxy tsyaa ets tu'uk yë tsuxktsaa.

Éxodo 28:17 ပူးပေါင်းရင်းမြစ်များ

Éxodo 28:11

Mëti'ipë ya'atë jëtu'unpë tyuunk'atëpën, yë'ë mëti'ipë yajxon nyija'awëtëpën wi'ix winë yajtsa'ayën. Jam xyajkëxmëta'akëty ja tsaa ma të yajni'oytyunën aak pu'ts pujxn,

Éxodo 28:16

Amäjtskwitsy y'itëty ets taxktatsk, jä'ä ja pya'a myëjwiin'atëty i'px mëkoxk kë'ë'u'unk.

Éxodo 28:18

Ma ja mëmäjtsk waatspën yë'ë myëët'atëp: tu'uk yë uky tsyaa, tu'uk yë tsuxk'uky tsyaa ets yëktsuxk tsaa.

Éxodo 28:9

Jam xypyëjkta'akëty mäjtsk yë tsaa oypyë, jamts xykyëxjaaytya'ajëty tëkokyë ja xyëëwëty yë Israel ja y'u'unk y'ëna'k.

Proverbios 20:15

Jaakni'ik tsyowpaaty mëti'ipë kajpxp mëtyakpën niwijy nikejy, këtiinëm tu'kë'ëyë pu'ts pujxn ets ja tsaa tsowëtypë naaxwiinyëtë apëtsëmpyë.

Proverbios 3:15

Yë wijyajtën ni'ik yë tsyowpaaty këtiinëm jyëtu'unëty tsaa tsowpë. Nitii jëtu'un kya'oyëty ijxtëm yë wijy'ajtënën.

Proverbios 31:10

Yë to'oxytyëjk mëti'ipë winë janty'oy janty tsuj tyuunpyën, tsip yajpaaty. Ni'ik yë tsyowpaaty, këtiinëm oytyiijëty mëti'ipë tsowën.

Proverbios 8:11

Ni'ik yë wijyajtën tsyowpaaty këtiinëm jyëtu'unëty yë tsaa oyëtypë mëti'ipë tsowën, nitii mëët tkajëkyepy yaj'ijxkijpxëty mëti'ipë mëyajtpën.

Lamentaciones 4:7

Poop ijty yë jyä'äyëty yaj'ixtë këtiinëm jëtu'un pyoopëty yë tip ets këtiinëm jyëtu'unëty yë tsi'tsknëë; tsapts ijty yaj'ixtë ja jyot nyini'kxëty këtiinëm jëtu'un yë nëë jëyujk y'atääm; janty'oy kyëxë'ëktë, tä oy tsyaajën.

Ezequiel 28:13

Jam ënety Edén myajpaaty ma ja Dios tmëëtëtyën yë y'ujts tsa'am kam, mëti'ipë myëët'ajtypyën oyëtypë tsaa, tsapts tsaa, të'kxy tsyaa; yëktsuxk tsaa, pu'ts tsaa, uky tsyapts tsaa; tsu'unk tsaa, tsuxk uky tsyaa, uky tsyaa ets tsuxktsaa; yë mnantsëm ets mtatsktëy aakyë'ë pu'ts pujxn, mëti'ipë myajtuknikojëyën ma ënety ka'anëm mkojynyëmën.

Malaquías 3:17

Yë Wintsën mëti'ipë maaytyääyëpën winë, jëtu'un y'ënä'äny: Yë'ëjës yam ntuknipëjktakëp yë xëëw jëmëjt jëna'a yë'ëjëty jatëkok y'awinpitëty nnaax nkajpnës. Jëtu'un tä tu'uk yë u'unkteety u'unktaak tpa'ëyoyën yë y'u'unk myääy mëti'ipë mëmëtoowëpën, jëtu'unës mpa'ëyowa'antë yë'ëjëty.