Éxodo 28:12 - Biblia Dc en Mixe de Quetzaltepec

¹² ets jam xykyëxpëjkta'ajëty ma ja kejky yä'äp ja nyitëëyë'ëkën yë'ë ya'atë tsaa jyä'ämyätstëp yë Israel ja'ayëty. Yë Aarón xëmë tmënëjkxëty yë Israel yë xyëëw, ko jam nyäwya'këxë'ëkëtëty ma Tiosën ets jëtu'un jyä'ämyätsëtëty.

Biblia Mixe de Quetzaltepec

¹² ets jam xykyëxpëjkta'ajëty ma ja kejky yä'äp ja nyitëëyë'ëkën yë'ë ya'atë tsaa jyä'ämyätstëp yë Israel ja'ayëty. Yë Aarón xëmë tmënëjkxëty yë Israel yë xyëëw, ko jam nyäwya'këxë'ëkëtëty ma Tiosën ets jëtu'un jyä'ämyätsëtëty.

Éxodo 28:12 ပူးပေါင်းရင်းမြစ်များ

Job 31:36

nmënëjkxäämpyës mëët jot winma'any wa'atspë, etsës npëjkta'aka'any jam nkëpajkëjxmës tä kujänën.

Salmos 89:19

Ojts tu'kxëëw tu'kjëmëjt xymyëkäjpxy yë mtuunpëtëjk, jëtu'un tä ja'ay tii twin'ixyën, ets ojts xy'ënëëmë yë mja'ay mëti'ipë ënety oy mëtuunëpën: Tëës tu'uk jotmëkja'ay nwin'ixy maas yë nnaax nkajpnën, mëj'äämpyës të npëjktä'äky ets tëës nputëkë.

Éxodo 12:14

Ya'atë xëëw yë'ë tu'uk mëj'äämpy itëp, mëti'ipë ja Dios jä'ä yajtukmëjjawëpën ets xëmë jëtu'un nëjkx ja'amyetsy xyaj'itë. Ya'atë xëëw jëtu'un xyaj'itëty tä tu'uk yë ënä'ämënën mëti'ipë xëmë ijtëwëpën. Jä'ä ko yë m'u'unk m'ëna'këty kopkpëky ko nëjkx näjyëtu'un tja'amyätstë.

Éxodo 13:9

Jëtu'un ja'amyetsy xëmë xyaj'itëty tä jeexyë jam tu'uk yë ijxpäjtën xymyëët'atën mkë'ëkëjxmëty ëkë mwinpokëjxmëty, ya'atë ijxpäjtën xëmë mtukja'amyätsëtëp ets xëmë xykyajpxtëty xymyëtya'aktë ja ënä'ämën tëyajtën mëti'ipë ja Dios të tyajwë'ëmyën, mëti'ipë ojts mjuutëtën jap Egiptë mëët ja myëk'ajtën.

Éxodo 28:11

Mëti'ipë ya'atë jëtu'unpë tyuunk'atëpën, yë'ë mëti'ipë yajxon nyija'awëtëpën wi'ix winë yajtsa'ayën. Jam xyajkëxmëta'akëty ja tsaa ma të yajni'oytyunën aak pu'ts pujxn,

Éxodo 28:29

E paaty ko ënety yë Aarón jap tyëkë ma mëjtsajptëjkën mëët yë katsyjyän ets mëti'ipë winë mëët tuknipaye'eytyën, jam tnijän'atëty ets tmënëjkxëty ja xyëëw ja Israel ja y'u'unk y'ëna'k jam Wintsën wyintum ets yë'ë xëmë yajtukja'amyätstëp.

Éxodo 28:7

Mäjtsk yë nyitëëyë'ëk mäjtsk'atu'umëty.

Isaías 12:2

Yë Dios yë'ëjës xyajtsokp, yë'ëjës ntuk'ijxpejtyp, paatyës ka'ap ntsë'ëkë njawë. Yë Wintsën yë'ëjës ntsoktakn'ajtyp ets yë'ëjës xymyëjaawmoopy, yë'ëjës nwäämpy yaj'ëwaatsëpëtsëëmpë ets yajnitsokpë.

Isaías 62:6

Jerusalén, jam ma mpotsykyopkën tëëjës jam npëjktä'äky yë këwent'ajtpë, xëëny koots y'ëna'antë: Këtii m'ëmontë miitsëty mëku'uktëjkëty mëti'ipë Wintsën myëkajpxtëpën,

Isaías 9:6

Jä'ä ko tëë tyam myiny jyä'ty tu'uk ja mëxu'unk ye'etyëjkpë, tëë tyäky ja Wintsën tu'uk ja u'unk maay mëti'ipë të yajmo'oyën ja mëk'ajtën kuttujkën ets y'ënä'ämëty yajkutukëty, ets jä'ä nëjkx yajtijy: Kajpxwijpë mëti'ipë mëj këjää winë tyuunpy kyäjpxypën, mëk Dios, xëmëpë Tyeety'ätyën, mëti'ipë nyikopk'ajtypyën ja jotkujk'ajtën.

Lucas 1:54

Tëë ja Israel ja'ay tputëkë, mëti'ipë tyuunpë'ajtypyën ets ka'ap të tja'atyëkoy ja pya'ëyo'owën,

Lucas 1:72

ko tpa'ëyowa'any ja n'ap'ajtëmë, ets ko ka'ap tja'atyëkoyä'äny ja käjpxytyu'unën.

Hechos 10:4

Tääts ja Cornelio tsë'ëkë tsë'ëkë twin'ijxpejty ja tsajpjotmëtë kukäjpxy ets t'ëtsooy: ¿Tii?, Wintsën. Tää ja tsajpjotmëtë kukäjpxy y'ënëmaayë: Y'ijxyp nyija'ap yë Dios ko xyjyä'äymyetsy ets wi'ix xypyutëkën ja ëyoopëja'aytyëjkëty.

1 Corintios 11:24

Ets ojts ja Dios tkukajpxë, ënät ojts tujkwä'kxy ets y'ënäny: Ëjts ya'atë nxixy, mëti'ipë o'kpën ets miits xytyuk'oy'attëty. Mtuntëp ya'atë etsës xyjyä'ämyätstëty.

Deuteronomio 33:12

Ënet ojts tkënu'kxy yë Rubén mëët ya'atë aaw ayuk: Mëët yë'ë ko Wintsën tsyoky jyawë jotkujk mjuuky'atëty. Mëti'ipë myëët'ajtypyën mëk'ajtën, yë'ë xëmë mkëwent'atanëp. Yë'ë mkuwa'anëtëp xëmë mapaat mjuuky'ätyën.

Josue 4:7

Tääts xy'ëtsowtëty: Ëk'ix u'unk, ya'atë yë'ë nyikäjpxyp, ko tëëyëp ma ja Wintsën ja kyaaxë ojts yajmënaxyën ma ja Jordán mëjnëëjën ojts mäjtskpëky nyäwyä'kxyë ets jëtu'un'äämpy ojts të'ëts wa'ats yajmënaxy. E tyaapë tsaa nipiiwpetypë y'ityën yë'ë ijtp ijxpät ets yaja'amyätsëty mëti'ipë ojts tëëyëp tyunyën jyätyën.