Éxodo 28:11 - Biblia Dc en Mixe de Quetzaltepec

¹¹ Mëti'ipë ya'atë jëtu'unpë tyuunk'atëpën, yë'ë mëti'ipë yajxon nyija'awëtëpën wi'ix winë yajtsa'ayën. Jam xyajkëxmëta'akëty ja tsaa ma të yajni'oytyunën aak pu'ts pujxn,

Biblia Mixe de Quetzaltepec

¹¹ Mëti'ipë ya'atë jëtu'unpë tyuunk'atëpën, yë'ë mëti'ipë yajxon nyija'awëtëpën wi'ix winë yajtsa'ayën. Jam xyajkëxmëta'akëty ja tsaa ma të yajni'oytyunën aak pu'ts pujxn,

Éxodo 28:11 ပူးပေါင်းရင်းမြစ်များ

Job 19:24

Jääpëk jeexyë pën tkëxpajy muum tsaakëjxy ëkë muum yu'unk pujxnkëjxy ets jeexyë jam xëmëkyëjxm wyi'imy këxpajy.

Éxodo 28:10

Jëtu'un ojts yajkëxja'atë ijxtëm nyäpyamiinëtën naaxwiiny, tu'kpëky tëtujk yajkëxjaaytyë ets näjyëtu'un jatu'kpëky.

Éxodo 28:12

ets jam xykyëxpëjkta'ajëty ma ja kejky yä'äp ja nyitëëyë'ëkën yë'ë ya'atë tsaa jyä'ämyätstëp yë Israel ja'ayëty. Yë Aarón xëmë tmënëjkxëty yë Israel yë xyëëw, ko jam nyäwya'këxë'ëkëtëty ma Tiosën ets jëtu'un jyä'ämyätsëtëty.

Éxodo 28:21

Jä'ä ja tsaa xypyëjkta'aktëty majkmäjtsk, jä'ä ko yë Jacob yë y'u'unk y'ëna'k nyimajk mäjtsk'atë. Ma tu'ukjatypë ja tsaajën jam yajkëxtsa'ajëty ja ja'ayxyëëw, jëtu'un tä tii yajkëxtsa'ayën.

Éxodo 28:25

Ets xypyëjkta'akëty mäjtsk yë jyëjp yë piity jyo'oky, ma mäjtsk ja kyëxmëtakpäjnën ets xytyuumta'atsëty mëët yë kejky yä'äp yë nyitëëyë'ëk jam jëjp'am.

Éxodo 28:36

Oytyun tu'uk yë tsya'a aakyë'ë wa'ats pu'ts pujxnpë ets jam xyajkëxkojëty tä tu'uk yë tsa'a'ajtënën, jä'ä jam xyaj'ëna'anëty: Dios ya'atë të yajmo'oy.

Éxodo 39:13

E ma ja mëmajktaxk waatspën yë'ë myëët'ajtyp: tu'uk yë pu'ts tsaa, tu'uk yë uky tyapts tsaa ets tu'uk yë tsu'unk tsaa, ya'atë tsaa jam ojts yajpëjktakta'ay ma ja kyëxmëtakpäjnën aak pu'ts pujxnpë.

Éxodo 39:18

Tääts yajpëjktäky ja pu'ts pujxn jo'oky mäjtskëty ma mäjtsk ja kyëxmëtakpäjnën ets mëët tsuummujktë ja kejky yä'äp ja nyitëëyë'ëk wintuuytsyow.

Éxodo 39:6

Ja tsuxktsaa jam ojts yajpëjktakta'ay ma ja kyëxmëtakpäjnën ja pu'ts pujxnpë ets ma tu'ukjaty ja tsaajën jam ojts yajkëxtsa'ay ja Israel ja y'u'unk y'ëna'k ja xyëëwëty, jëtu'un tä yë noky yajtsa'ayën mëët yë tsa'ajën.

Jeremias 22:24

Jëtu'un ja Wintsën t'ënëmaay ja Jeconías, yë Joaquim yë myaank mëti'ipë jam Judá yajkutujkpën: Yë njuukyajtënës kë'ëm ntukajpxpejtyp etsës n'ëna'any: Oyxyëp jeexyë mijts jëtu'un mtimyajpatpë nkë'ëkëjxyës tä tu'uk kë'ëjiitsën mëti'ipë ja'ay tyuknokytsyääpyën, mijts je'eyëm njëpëka'any maajës yë nkë'ëjën

Zacarías 3:9

Ëjts tëëjës yë Josué ntukwinkukonë tu'uk yë mëjtsaa mëti'ipë wëxtujk yë pya'ajën, jamtsës nkëxja'aja'any tu'uk yë winma'any. Ets tu'kxëëyë nëjkx yë naax kajpn njo'tsta'ayës yë nyëë pyoky.

Efesios 1:13

Yajkukajpxëp ja Kristë, näjyëtu'un miitsëty ko të xymyëtowtë ja mëtëypyë ja aaw ayuk, oy aaw oy ayuk mëti'ipë yajnitsokpën ets xymyëpëjktë, jëtu'un ojts miitsëty mwë'ëmtë tä tii yajtsa'ayën mëët ja Dios ja jyot myëjaaw ets yë'ë mjä'ä'ata'anëtë.

Efesios 4:30

Këtii nëkoo xyajjotmaytyëkëtëty ja Dios ja kyënu'kxymyëk'ajtën, mëti'ipë të myajtuk'ijxwë'ëmtën ko Dios mjä'ä'atëtë mapaat ja nitsokën ënety tu'ukyë myajmooynyëtën.

2 Timoteo 2:19

E Dios tëë tu'uk ja potsy ëjx tpëjktä'äky ta'tspëkpyë, ma kyëxja'ayëtyën: Wa'ats ja Dios t'ixy'äty mëti'ipë jyä'ä'ajtypyën, ets Ni'ëmukë mëti'ipë kyajpxpatëpën ja Wintsën ja xyëëw, näjyëpëkëtëp ma ja ëxëëkpën.

Apocalipsis 7:2

Ojts wiinkpë tsajpjotmëtë kukäjpxy n'ijxyës ko myiny xëëwpëtsëmtsyow. Tap tmëëtëty ja Dios ja tsya'a, ja Dios mëti'ipë xëmëkyëjxm juukyajtpën ets mëk t'ënëmaay ja nimajktaxkpë ja tsajpjotmëtë kukäjpxy mëti'ipë ënety të yajmo'otën ja mëk'ajtën ets tyajkwintëkoytyëty ja naaxwiinyëtë ets ja mejy ets tiijaty jää'ajtpën naaxwiiny ets tiijaty jap mejyjotyën; jëtu'un y'ënäny: