Éxodo 25:40 - Biblia Dc en Mixe de Quetzaltepec

⁴⁰ Jëtu'un xyajkojëty tä të ntuk'ixyën ja nyi''ijxpät jap kopkëjxy.

Biblia Mixe de Quetzaltepec

⁴⁰ Jëtu'un xyajkojëty tä të ntuk'ixyën ja nyi''ijxpät jap kopkëjxy.

Éxodo 25:40 ပူးပေါင်းရင်းမြစ်များ

Hebreos 8:5

E ya'atë teetyëty jap tyuntë ma tu'uk ja tëjkën ma ja tsajpjotmëpë të nyikojtu'utyën. Ets yajnija'ap ko je'eyë të nyikojtu'uty, jä'ä ko ja Moisés ënety jam tkoja'any ja tsajptëjk, jëtu'un ojts ja Dios nyë'ëmxëty: Mëtoowkukë yajxon ets näjyëtu'un xykyojëty ijxtëm të ntuk'ixyën jam kopkëjxm.

Hechos 7:44

Ma ja të'ëts itjotmën, jam ja nteety'ajt n'ap'ajtëm ijty tmëët'atë ja po'o wit tëjk, mëti'ipë myë'ijtypyën ja käjpxytyu'un mëët ja Dios; yë'ë ja Dios tyuk'ënä'äm ja Moisés ets t'oytyunëty jëtu'un ijxtëm ënety të t'ixyën ja nyi''ijxpät.

Éxodo 26:30

Tääts ënät xyajkojëty ja tsajptëjk, tä të nmo'oyën ja nyi''ijxpät ma ya'atë tun kopkën.

Éxodo 25:9

E tääpë wit tëjk maas ntsëënëja'anyën ets tëkokyë mëti'ipë jap tëkotsyow itaanpën, timjëtu'un xy'oytyunëty tä mëti'ipë ntuk'ixäämpyën.

1 Crónicas 28:19

Tëkokyë ya'atë aak këxja'ay myiinta'ay ma tu'uk yë nokyën mëti'ipë ënety yë Wintsën kë'ëm të timnyaskajpxën ets David tkujaaytyääy, ma tnikäjpxyën wi'ix mëpaat ja Wintsën ja jyëën tyëjk yajkojy ets wi'ix ja tuunk tyu'uye'eyëty.

1 Crónicas 28:11

Ënet ja David ojts tkë'ëmo'oy ja myaank Salomón ja noky, ma myinyën këxja'ay wi'ix kyoja'anyën ja tsajptëjk ja nyitëjkëtyakn, wi'ix yajkojëtyën ja tëja'aw, ja tëkot, naak yaj'akojtuka'anyën ja tëkot mëti'ipë kënu'kxyën ets ëmaayën ets maa y'itëtyën ja Wintsën ja kyaaxë.

Éxodo 25:39

Jä'ä jam xyajtunëty oy na'i'px majktëkëëk tsimën yë wa'ats pu'ts pujxn, jëtu'un xy'oytyunëty yë mëj jëëntooytyakn ets tëkokyë jënu'un mëët tyunyën.

Éxodo 27:8

Ya'atë wintsë'këntyakn tukwa'ats xyajkojëty, aakyë'ë kepy mpëjkta'akëp, jëtu'un xyajkojëty tä të ntuk'ixyën jam kopkëjxm.

Éxodo 31:11

yë on mëti'ipë mëët winë yajkënu'kxyën ets ja poom mëti'ipë pa'akxu'kpën jap ma tsajptëjkën, yë'ë nëjkx tuunk'atë jëtu'un tä yam të ntuk'ëne'emyën.

Éxodo 36:2

Ënet ja Moisés ojts tyaxtsoy ja Besalel, ja Oholiab ets nitëkokyë ja ja'ayëty, jënu'un ënety tukjatën winë oy tyaj'oyëtëtyën, mëti'ipë ja Dios të myo'ojëtën ja wijyajtën kujk'ajtën ets ixpëkyajtën; ma ënety kë'ëm të nyäy'ëwaanëtën ko pyutëkëja'antë ma ya'atë tuunk tyu'uye'eyën.

Josue 22:28

Ëëtsëty jëtu'un të nmay të ntajtës, ko ënety pën jëna'a xy'ënëëmëtës ko ëëtsëty ets n'u'unk n'okëtyës, nëjkxëpës n'ëtsowtë: Ix, yë n'ap n'okëtyës yë'ë ojts ya'atë wintsë'këntyakn tkojtë, e kajts ojts yë'ë tuknikojëtë ets jam ja wintsë'kën yajyakëty, paatykyëjxm ojts yajkojy ets yë'ë ijxpät wya'anëty ma ëëtsajtëmën.

2 Crónicas 4:7

Ojts näjyëtu'un tyajkojy majk jëëntooytyakn jëtu'un tä ënety ni'ënä'ämë myinyën ets jap tsajptëkoty tpëjktäky, mëkoxk a'oytsyow ets mëkoxk anajnytsyow.