Éxodo 25:37 - Biblia Dc en Mixe de Quetzaltepec

³⁷ Oytyun wëxtujk yë nyikutë'kxn, jam xypyëjkta'akëty këjxm ma naje'eyë kyutë'kxëtyën wintuuytsyow,

Biblia Mixe de Quetzaltepec

³⁷ Oytyun wëxtujk yë nyikutë'kxn, jam xypyëjkta'akëty këjxm ma naje'eyë kyutë'kxëtyën wintuuytsyow,

Éxodo 25:37 ပူးပေါင်းရင်းမြစ်များ

2 Crónicas 13:11

Yë'ëjëty jop tsuu yë Wintsën wyintsë'kën tmo'otë mëti'ipë nino'oky yajyajkpën ets poom. Xëmë tyaktë tsajpkääky winjëpom mëti'ipë kënu'kxyën, jam tkëxpëktë ma kaaypyäjnën ëmaaypyë; yë'ë yajmëjjëtyëp xëmë jënäkyxyëëw yë kutë'kxn mëti'ipë oytyunyën mëët yë pu'ts pujxn. Jä'ä ko ëëtsëty je'eyëmës npatuntë ja Wintsën ja y'ënä'ämën kyutujkën e miitsëty ni'ikyë të xy'ëxmajtsnëtë.

2 Crónicas 4:20

ets ja jëëntooytyakn mëët ja nyikutë'kxn, mëti'ipë näjyëtu'un aak pu'ts pujxn mëët y'oytyunyëtyën, jampë yajpaatyën jëjp'am ma ja tëkotën mëti'ipë ëmaayën ets jap xëmë kutë'kxy ja tëkot y'itëty, jëtu'un tä ënety myinyën ni'ënä'ämë;

Salmos 119:105

Yë m'aaw m'ayuk yë'ëjës xykyutë'kxp maas nnëëye'ey ntu'uye'eyën, ets jëtu'un yë'ë tä tu'uk yë jajën të'kxënën ntu'ujotyës.

Éxodo 25:38

ets ja mëti'ipë yajtijtëpën jëënmä'tn ets ja pujxn aye'epy, aak pu'ts pujxn mëët xy'oytyunëty.

Éxodo 27:21

Yë Aarón ets y'u'unk y'ëna'k yë'ë ya'atë kutë'kxn xëmë yaj'oyëtëp ets jëtu'un tu'ktsu'um tyë'kxëty jyajëty ma ja wit tëjkën ma ja näpyaatë y'ityën mëët yë Wintsën, jëxkë'ëytsyow ma ja wit'atëëytyukën mëti'ipë y'atëëytyujkypyën ja kaaxë mëti'ipë ja käjpxytyu'unën myë'ijtypyën. Ya'atë ënä'ämën xëmëkyëjxm y'itëty ma ja Israel ja'ayëtyën ets ma ja y'ok'u'unk y'ok'ëna'këtyën.

Éxodo 30:8

Näyjyëtu'un ko jyënäkyxyëëwajnëty yajtoyëp jää ko näjyëtu'un ja kutë'kxën tjëjpkonëty. Ya'atë jëtu'unpë xëmë yaj'oytyuntëty Wintsën wyintum, tyim itëty jëtu'un kë'ëyxyëëw kë'ëyjyëmëjt.

Éxodo 37:23

Pu'tspujxn ojts tuk'oytyuny ja nyikutë'kxn, aakjëtu'un wëxtujkëty, näjyëtu'un ja mëti'ipë yajtijtëpën pujxnmä'tn ets ayä'äptexy.

Éxodo 40:24

Ojts tpëjktä'äky ja jëëntooytyakn jap ma ja wit tëjkën ma ja näpyaatë y'ityën mëët ja Dios, jëtu'un mëët nyäwyinku'ixëty ja kaaypyäjn, ëpa'tkë'ëy'äämpy ma ja tsajptëjkën.

Éxodo 40:25

Ets tyajmëjëtyääy ja kutë'kxn jam ma ja Dios ijty kyëtä'äkyën, ijxtëm ënety ja Dios të tni'ënä'ämën.

Proverbios 6:23

Mëtëy yë'ë ko yë ënä'ämën tëyajtën ets ijxpëjkën xëmë tyi'kxy jyäjy. Ko tii nyajtukmëkajpxmëty ets ko nyaj'ëëwij nyajkajpxwijmëty, jëtu'un tä ntu'upatmëtyën ma juukyajtënën.

Isaías 8:20

Wä'än jëtää jëtu'un y'ëna'antëty, je'eyëp ko ja mëti'ipë ënety nyikajpxtëpën, aakjä'ä ka'apë tyunëtyën.

Zacarías 4:2

¿Tii m'ijxyp? Ets n'ëtsooyës: Yë'ëjës n'ijxyp yë jëëntooytyakn mëti'ipë oytyunyën mëët yë pu'ts pujxn, tam tmëëtëty nëkëjxy ma yaj'atämën yë olivë on. Jam këjxm wëxtujk jam tmëët'aty yë kutë'kxn, jam jyä'ty ja on ma wëxtujk tmëëtëtyën ja nyitu'u.

Mateo 5:14

Kutë'kxpë kujajpë miitsëty yaa naaxwiiny myajpaatë. Ko tu'uk ja kajpn tunkëjxm, wa'ats kyëxë'ëky, ka'ap yu'utsy y'ity.

Lucas 1:79

ets tkutë'kxa'any mëti'ipë tsënaaytyëpën jam akootstum ma o'ktaknën, jëtu'unts xytyu'umo'omyëty ets jotkujk nyajpatmëty.

Juan 1:9

Ja kutë'kxn mëtëypyë, yë'ë miin naaxwiiny ets tkutë'kxëty ja naaxwiinyëtë ja'ay.

Juan 12:5

¿Tii ko yë pa'akxu'kpë nëë të kyayajtooky tëkëëk mëko'px denario ets jeexyë yë ëyoopëja'ay të yajtukputëkë?

Juan 8:12

Ko ja Jesús ojts jatëkok tmëkäjpxy ja mayjyä'äy, ënät y'ënëmaayëtë: Ëjts kujajp kutë'kxp ma ja naaxwiinyëtën; pën xypyamiinpës, pyaatëp ja të'kxën jajën mëti'ipë yajjuuky'ajtpën ets ka'ap nijëna'a y'ëkyajpatnëty akootstuuy.

Hechos 26:18

Mijts yam nkejxyp ets xyaj'ijxwa'kxëty ets pyëtsëmtëty ma akoots itën ets ye'eytyëty xëënytyuuy, këtiipë yajpaatëty ma ja mëjku'u yajkutukyën, yë'ë Dios pyanëjkxtëp. Jëtu'unts ja pyoky yajnimä'kxtëty ets yajmo'otëty ja kuma'ayën mëti'ipë ijtëpën ma ja Dios ja kyajpnën jä'äkyëjxm koos xymyëpëktë.

Apocalipsis 1:12

Ko jëtu'un nmëtooyës, tääjës n'ijxwinpijty ets n'ixa'anyës pën xymyëkajpxpës; ënät n'ijxpatyës wëxtujk ja jëëntooypyäjn aak pu'ts pujxn.

Apocalipsis 1:20

Ja wëxtujkpë ja matsa'a mëti'ipë të xy'ixyën n'a'oykyë'ëjotyës ets ja wëxtujkpë cera tooytyakn aak pu'ts pujxnpë, yë'ë nyikäjpxyp: Ja wëxtujkpë matsa'a, yë'ë ja niwëxtujkpë ja ayukkajpxwa'kxpë mëti'ipë ijtëpën ma ja mëpëjkpëtëjk ye'eymyuktën; ets ja wëxtujkpë cera ato'oyën, yë'ë ja wëxtujkpë ja kajpn ma ye'eymyuktën ja mëpëjkpëtëjkëty.

Apocalipsis 1:4

Yë Juan, nnijayë ja niwëxtujkpë ja kajpn ma yajpaatën ja mëpëjkpëtëjk mëti'ipë ye'eymyujktëpën jam Asia y'itjotm. Ëxajëtë ja kënu'kxën ets ja jotkujk'ajtën mëti'ipë yäjkpyën ja tëëyëmpë yajpaatyën ets mëti'ipë tää'ataanpën, näjyëtu'un ja wëxtujkpë ja Dios ja jya'awën myëk'ajtën mëti'ipë ijtëpën ma ja kyutujktaknën,

Apocalipsis 22:5

Ka'ap ja kootspë jam y'ita'any ets mëti'ipë ënety jam tsënaaytyëpën, ka'ap ja kutë'kxn tyajmëyata'antë, ni ja xëëw'an, jä'ä ko ja Wintsën, yë'ë jam kutë'kxëtëp ets yajkutukëtëp xëmëkyëjxm.

Apocalipsis 4:5

Pëmiimp ja ënääw wëtsuk ma ja kutujktaknën ets wëxtujk ja jëën jam tyoy yë'ë wyintum ijxtëm ja tsiinwatyën. Jä'ä ja Dios ja niwëxtujkpë ja jya'awën.