Éxodo 25:31 - Biblia Dc en Mixe de Quetzaltepec

³¹ Oytyun tu'uk yë mëj jëëntooytyakn mëti'ipë aak pu'ts pujxn mëët y'oytyunyëtyën, yë'ë pujxnkuwojpën mëët yajtuunk'aty. Yë y'ëjx, yë tyeky, yë y'a'ukën ets y'ääy tu'ukyë mëët nyämyatsëtëty.

Biblia Mixe de Quetzaltepec

³¹ Oytyun tu'uk yë mëj jëëntooytyakn mëti'ipë aak pu'ts pujxn mëët y'oytyunyëtyën, yë'ë pujxnkuwojpën mëët yajtuunk'aty. Yë y'ëjx, yë tyeky, yë y'a'ukën ets y'ääy tu'ukyë mëët nyämyatsëtëty.

Éxodo 25:31 ပူးပေါင်းရင်းမြစ်များ

Zacarías 4:2

¿Tii m'ijxyp? Ets n'ëtsooyës: Yë'ëjës n'ijxyp yë jëëntooytyakn mëti'ipë oytyunyën mëët yë pu'ts pujxn, tam tmëëtëty nëkëjxy ma yaj'atämën yë olivë on. Jam këjxm wëxtujk jam tmëët'aty yë kutë'kxn, jam jyä'ty ja on ma wëxtujk tmëëtëtyën ja nyitu'u.

1 Reyes 7:49

ja jëëntooytyakn mëti'ipë aak pu'ts pujxn mëët y'oytyunyëtyën japë y'ityën kënu'kxytyëkoty, mëkoxk ojts yajpëjktä'äky a'oytsyow ets mëkoxk anajnytsyow, mëët ja nyipuxnpëjy ja nyikutë'kxn ets ja nyimä'tn aak pu'ts pujxnpë mëët y'oytyunyëtyën,

Apocalipsis 1:12

Ko jëtu'un nmëtooyës, tääjës n'ijxwinpijty ets n'ixa'anyës pën xymyëkajpxpës; ënät n'ijxpatyës wëxtujk ja jëëntooypyäjn aak pu'ts pujxn.

Hebreos 9:2

Ja wit tëjk ma ja näpyaatë y'ityën jä'ä ojts yajkojy mäjtskpëky, ma ja tu'kpëkpyën jä'ä yajtijy wa'ats it. Jap ja jëëntooytyakn ijty yajpaaty ets ja pëjkpäjn ja kënu'kxypyë ma ja tsajpkääky yajkëxmä'kxyën.

Apocalipsis 4:5

Pëmiimp ja ënääw wëtsuk ma ja kutujktaknën ets wëxtujk ja jëën jam tyoy yë'ë wyintum ijxtëm ja tsiinwatyën. Jä'ä ja Dios ja niwëxtujkpë ja jya'awën.

Apocalipsis 1:20

Ja wëxtujkpë ja matsa'a mëti'ipë të xy'ixyën n'a'oykyë'ëjotyës ets ja wëxtujkpë cera tooytyakn aak pu'ts pujxnpë, yë'ë nyikäjpxyp: Ja wëxtujkpë matsa'a, yë'ë ja niwëxtujkpë ja ayukkajpxwa'kxpë mëti'ipë ijtëpën ma ja mëpëjkpëtëjk ye'eymyuktën; ets ja wëxtujkpë cera ato'oyën, yë'ë ja wëxtujkpë ja kajpn ma ye'eymyuktën ja mëpëjkpëtëjkëty.

2 Crónicas 13:11

Yë'ëjëty jop tsuu yë Wintsën wyintsë'kën tmo'otë mëti'ipë nino'oky yajyajkpën ets poom. Xëmë tyaktë tsajpkääky winjëpom mëti'ipë kënu'kxyën, jam tkëxpëktë ma kaaypyäjnën ëmaaypyë; yë'ë yajmëjjëtyëp xëmë jënäkyxyëëw yë kutë'kxn mëti'ipë oytyunyën mëët yë pu'ts pujxn. Jä'ä ko ëëtsëty je'eyëmës npatuntë ja Wintsën ja y'ënä'ämën kyutujkën e miitsëty ni'ikyë të xy'ëxmajtsnëtë.

1 Reyes 7:24

Jap ma ja nëë'apëjkënmpa'tkën ojts tnipotsë mäjtskpëky ja potsy ets t'oytyuuny yajxon, ojts tmo'oy yë y'ijxën mëti'ipë jëtu'un këxë'kpën tä tsi'iw u'unkën yi'inëm jatyëty, majkjaty tpëjktäky ma ja tu'kkë'ënuxjatypë y'ëwtityën ets tu'ukyë mëët tyajnämyätsyë ja nëë apëjkën ja y'atäämpa'tk.

1 Reyes 6:18

Ja tëkoty aakyë'ë ojts mëët y'oyëtyä'äy yë ajë kepy, tsetsypë ets xeepyë, ma tu'uktu'uk ja taaplën ojts jam tyajkëxkojtë oyëtypë pëjy ets ijxën. Kamaa ja tsaa kyakëxë'ëky mëti'ipë ënety të yajtukpotsyën.

Éxodo 35:14

ja mëj jëëntooytyakn mëti'ipë kutë'kxëpën, mëët tu'kë'ëyë jënu'un mëët tyunyën ets nyikutë'kxn, yë on mëti'ipë tuunpën ma kutë'kxnën,

Apocalipsis 2:5

Paaty mëmay mëtaj ma të mka'ayën, ja'amyäts ja Dios ets xytyuntëty ja oypyë jatëkok ijxtëm më'ëka'anyën. Pën ka'ap, ninëjkxëp yë'ë ets njëpëka'anyës ja mcera ato'oyën ma y'ityën, e ko mjootwinpitëty ka'ap jëtu'un jyatëty.

Éxodo 25:34

E ma ja nyitekyën taxk ja nyi'a'ukën jam xyajkëxkojëty, näjyëtu'un y'ixë'atëty tä tu'uk yë almendrë pëjyën, mëët yë y'ëjx ets mëët yë nyi'aay.

Éxodo 25:36

Yë y'ëjx mëët yë nyikë'ë tu'ukyë mëpaat nyämyätsyë mëët ja mëj jëëntooytyakn, aakmëët y'oytyuny'atëty yë pu'ts pujxn ets pujxnkuwojpën yë'ë yajtuk'oytyunëp.

1 Samuel 3:3

Yë Samuel jap ënety myä'äy ma ja Dios ja jyëën tyëjkën winkon ma y'ityën ja kaaxë mëti'ipë yë Dios jyä'ä'ajtypyën ets ma ja jëën tyi'kxyën.

1 Crónicas 28:15

ma yajtuk'oytyuna'anyën ja jëëntooytyakn. Ja putspujxn ets ja poop pujxn aak ojts yajkijpxta'ay jëtu'un tä ënety tyuna'anyën;

2 Crónicas 4:7

Ojts näjyëtu'un tyajkojy majk jëëntooytyakn jëtu'un tä ënety ni'ënä'ämë myinyën ets jap tsajptëkoty tpëjktäky, mëkoxk a'oytsyow ets mëkoxk anajnytsyow.

2 Crónicas 4:20

ets ja jëëntooytyakn mëët ja nyikutë'kxn, mëti'ipë näjyëtu'un aak pu'ts pujxn mëët y'oytyunyëtyën, jampë yajpaatyën jëjp'am ma ja tëkotën mëti'ipë ëmaayën ets jap xëmë kutë'kxy ja tëkot y'itëty, jëtu'un tä ënety myinyën ni'ënä'ämë;

Éxodo 31:8

ja kaaypyäjn mëët tëkokyë mëti'ipë mëët tyunyën, ja jëëntooytyakn mëti'ipë wa'ats pu'ts pujxn ets mëët tëkokyë mëti'ipë mëët tyunyën, ja poom ja wintsë'këntyakn.

Éxodo 39:37

Ja mëj jëëntooytyakn mëti'ipë aak pu'ts pujxn mëët y'oytyunyëtyën ets ja nyikutë'kxn mëti'ipë mä'kxy yajpatpën ets tu'kë'ëyë jënu'un ënety mëët tyuna'anyën, jëtu'un tä ja onën mëti'ipë mëët tyoyën ja kutë'kxn;