Éxodo 25:30 - Biblia Dc en Mixe de Quetzaltepec

³⁰ Xëmë jam xypyëjkta'akëty ma kaaypyäjnën yë tsajpkääky ëjts nwintuuyës, mëti'ipës të nyajtuknipëjktaakën.

Biblia Mixe de Quetzaltepec

³⁰ Xëmë jam xypyëjkta'akëty ma kaaypyäjnën yë tsajpkääky ëjts nwintuuyës, mëti'ipës të nyajtuknipëjktaakën.

Éxodo 25:30 ပူးပေါင်းရင်းမြစ်များ

1 Reyes 7:48

Ojts ja Salomón näjyëtu'un tni'ënä'ämë ets tyaj'oyëtëty tëkokyë ja apëjk atu'unën mëti'ipë ënety japën tsajptëkoty: Ja wintsë'këntyakn mëti'ipë oytyunyën mëët ja pu'ts pujxn ets ja pëjkënpäjn mëti'ipë oytyunyëty mëët ja pu'ts pujxnën, ma ja tsajpkääky yajpëjktä'äkyën mëti'ipë Wintsën yajtukmëyojxpën,

1 Crónicas 23:29

Yë'ë ojts yajtuknipëktë t'ixtëty tuntëty ja tsajpkääky mëti'ipë kënu'kxyën mëti'ipë janaam jatsojk tëkajtspën ja ma'kxtëypyë jam y'ityën ets t'ëxta'atëty ja tsajpmokway mëti'ipë yajyojxpën jap tsajptëkoty, ma ja tsajpkääky yaj'oytyunyën ka'apë tsyooymyëëtëtyën, ja yojxën japë y'oyën tu'tsjoty ets ja jëtsy ets tëkokyë winë mëti'ipë kijpxyjäty najxpën.

1 Crónicas 9:32

Pënëty, mëti'ipë Quehat jyä'äy'äjtypyën, yë'ë yaj'o'oyëtëp ja tsajpkääky mëti'ipë winjëpom pyijktëpen waatswitsy jam awinaxwintum po'kxënxëëwëtë.

2 Crónicas 13:11

Yë'ëjëty jop tsuu yë Wintsën wyintsë'kën tmo'otë mëti'ipë nino'oky yajyajkpën ets poom. Xëmë tyaktë tsajpkääky winjëpom mëti'ipë kënu'kxyën, jam tkëxpëktë ma kaaypyäjnën ëmaaypyë; yë'ë yajmëjjëtyëp xëmë jënäkyxyëëw yë kutë'kxn mëti'ipë oytyunyën mëët yë pu'ts pujxn. Jä'ä ko ëëtsëty je'eyëmës npatuntë ja Wintsën ja y'ënä'ämën kyutujkën e miitsëty ni'ikyë të xy'ëxmajtsnëtë.

2 Crónicas 2:3

Ënet tnija'ayëy ja yajkutujkpë mëti'ipë txëëwajtpën Hiram, jampë kyukajpnëtyën Tirë, t'ënëmaay: Tun mëyajtën, ntsojkpyës ets näjyëtu'unës xy'oyjawëty tä ojts xy'oyjyawën ja nteetyës David, mijts ojts may xymyo'oy kepy ets t'oytyunëty ja kyutujkëntëjk ma jyuuky'atëtyën.

2 Crónicas 2:4

E ëjts, yë'ëtsës njaniwinma'ayëp nkoja'anyës tu'uk ja tsajptëjk, ma ëëts yë nWintsën y'itëtyën mëti'ipës nTios'ajtëpën ets yë'ë yajtuknikënu'kxëty, japts yajmo'ojëty ja aay ujts mëti'ipë pa'akxu'kpën mëti'ipë yajyajkpën no'oky xämy, ja tsajpkääky mëti'ipë yajkëxma'kxpën kaaypyäjnkëjxy, ets yajtukwintsë'ëkëty yë jëyujk ooky nino'oky nixämpyë jopy tsuu, ma po'kxënxëëwën ets ma po'o y'aanë'ëkyën ets maajaty ja xëëw tpaatyën mëti'ipë yë Israel ja'ayëty nyixëëwtuuntëpën.

Éxodo 35:13

ja kaaypyäjn, ja nyikepy mëti'ipë yajtukpakë'ëjëpën ets tëkokyë jënu'un mëët tyunyën, yë tsajpkääky mëti'ipë ja Dios yajmoopyën,

Éxodo 39:36

ja kaaypyäjn ets tëkokyë jënu'un mëët tyunyën ja tsajpkääky mëti'ipë ja Dios yajmoopyën.

Éxodo 40:23

Ets tpëjktäky näjyëtu'un ja tsajpkääky ma ja nyikaaypyäjnën, jam ma ja Dios jam kyëtä'äkyën, jëtu'un ijxtëm ënety ja Dios të tni'ënä'ämën.

Éxodo 40:4

Jap xypyëjkta'akëty tëkoty ja kaaypyäjn ets ja mëj jëëntooytyakn, yajxon oy xynyipëjktaakëty ma kaaypyäjn y'itëtyën ets ja mëj jëëntooytyakn pëjktaktaayë ja nyikutë'kxn.

Ezequiel 41:22

jam tu'uk ja wintsë'këntyakn mëti'ipë oytyunyën mëët ja kepy, mäjtsk kë'ënux myëjwiinëty pa'apa'a jä'ä kyëjxmëty tu'kxajpk, myëët'ajtyp ja y'ëjx ets ja pya'a, kepy mëët y'oytyunyëty. Ënätës ja ye'etyëjk xy'ënëmaay. Ya'atë wintsë'këntyakn mëti'ipë jam ijtpën Wintsën wintuuy.

Malaquías 1:12

E miitsëty, ni'ikyës xyajjoot'anpëktë, maaytyëp mtajtëp jëtää, koos jyëkyejpy ixtijy nwë'ëmëtyës ets jyëkyejpy jä'ä nyajmo'ojëtyës ja kääky jë'kxy ka'apë pën t'ëk tsojknën.

Malaquías 1:7

Miitsëty yë'ë mëmiintëp maas yë nwintsë'këntyaknën ja kääky uuky mëti'ipë ka'ap wya'atsëtyën ets ni'ikyë xyajtëwtë: ¿Maatën myajmëtëkoy? Miitsëty jam xymyëtëkoytyës ma mmaytyën mtajtën ko jyëkyejpy ka'ap yajmëj ixëty yë nwintsë'këntyaknës

Mateo 12:4

Dios tyëkoty ojts tyëkë ets tkaaytyë ja tsajpkääky mëti'ipë ënety ja Dios të yajtuknipëjktaakën, ka'apë kyutukyëtyën David tkayëty ets ni myëku'uktëjk; yi'iyë ja teetytyëjkëty patëtëp tkaytyëty.

Hebreos 9:2

Ja wit tëjk ma ja näpyaatë y'ityën jä'ä ojts yajkojy mäjtskpëky, ma ja tu'kpëkpyën jä'ä yajtijy wa'ats it. Jap ja jëëntooytyakn ijty yajpaaty ets ja pëjkpäjn ja kënu'kxypyë ma ja tsajpkääky yajkëxmä'kxyën.

1 Samuel 21:4

Ënet ja teety y'ëtsooy: Yë tsajpkääky ja tap ijty, je'eyëp tëy ko yë'ë mëti'ipë kënu'kxyën ka'ap yë'ëjëty mëti'ipë oypyënëty kyääpyën. Tyam nmo'ojëty pën ja mtsiptuunpëtëjk ka'ap ja to'oxytyëjk të tmëëtko'knëtë maxtejky myëtuukë.

1 Samuel 21:5

Ënet ja David amëk jotmëk y'ëtsooy: Xëmë koos ëëts nëjkxtë muum tsiptuunpë ka'apës yë to'oxytyëjk ma n'ixtë npaatë. E oy ntijmëty je'eyës nëkoo njëtitë, yë ntsiptuunpëtëjkës wa'ats ënety yajpaatë koos ntso'ontë, e paaty tyam komë tëë kanaak xëëw nyajxnë ka'apës yowë n'a'ixë ënät pën muum yë to'oxytyëjk të t'ëkmëët'ijtpë.

1 Samuel 21:6

Jëtu'un'äämpy ojts ja teety myo'oyë ja tsajpkääky mëti'ipë kënu'kxyën, jä'ä ko ka'ap ënety jap tii mëti'ipë jëtu'unyë ijtpën, jä'ä xëëw ënety jam të yajëpëky ma ja wintsë'këntyaknën ets ja anpë të yajpëjktä'äky.