Éxodo 25:21 - Biblia Dc en Mixe de Quetzaltepec

²¹ Ënet ok xytyuk'ajupëty ja kaaxë'aaw ets jap kaaxëjoty tëë ënety jap xypyëjktä'äky ja tsaa ma ja ënä'ämën tëyajtën myinyën këxja'ay, mëti'ipë nmo'ojäämpyën.

Biblia Mixe de Quetzaltepec

²¹ Ënät ok xytyuk'ajupëty ja kaaxë'aaw ets jap kaaxëjoty tëë ënäty jap xypyëjktä'äky ja tsaa ma ja ënä'ämën tëyajtën myinyën këxja'ay, mëti'ipë nmo'ojäämpyën.

Éxodo 25:21 ပူးပေါင်းရင်းမြစ်များ

Éxodo 26:34

Tääts ënät xy'akë'ëjëty ja kaaxë, mëti'ipë ënety jap të xypyëjktä'äkyën ma tëkotën, mëti'ipë yajtijpën tëkot kënu'kxypyë.

Romanos 10:4

Jä'ä ko ja ënä'ämën tëë kyixy nyäxy, ko ja Kristë myiiny ets ja Dios kyupëkëtëty mëti'ipë mëpëjktëpën.

Éxodo 16:34

Jëtu'un tä ja Dios ënety të tmo'oyën ja ënä'ämën ja Moisés, ojts ja Aarón tu'uk ja katsy tjanty'ixy ets ojts jap tpëjkë'ëky ja maná, jap tkupëjkëy ma ja Dios ja kyaaxën ets jap ja maná ojts pëjkë'ëky wyi'imy.

Éxodo 30:6

Ja potsy ma ja wintsë'kën yajyäkyën jam xypyëjkta'akëty ma yajpaatyën yë wit'atëëytyuk, mëti'ipë jam winkon yajpatpën ma kaaxën mëti'ipë myë'ijtypyën yë käjpxytyu'unën, jëyëjp wyë'ëmëty, maas ëjts näpyaata'anyën mëët mijts.

Éxodo 40:20

Ojts ja Moisés t'apëkë ja tsaatsetsy ma myinyën ja ënä'ämën tëyajtën jap kaaxëjoty mëti'ipë myë'ijtypyën ja käjpxytyu'unën ets ja kaaxë ojts ja nyiwitsë tpëjktäky, näjyëtu'un ja nyi'akë'ë mëti'ipë yajtuk'ajupëpën ets tmënëjkxy jap ma ja Dios ja jyëën tyëjkën, ojts tkutëëytyä'äy ja wit'atëëytyuk ets t'atëëytyujky ja kaaxë, jëtu'un ijxtëm ënety ja Wintsën të tni'ënä'ämën.

1 Reyes 8:9

Jap kaaxëjoty yë'ë jap ja majkpë ënä'ämën kuttujkën mëti'ipë tsaakëjxy miinpën këxja'ay mëti'ipë Moisés y'ëxajëyën jam Horeb, jampë ojts yajkëxja'ayën ko Wintsën ja käjpxytyu'unën tuuny mëët ja Israel ja'ayëty.

2 Crónicas 23:11

Ënet ja teety Joiadá mëët ja y'u'unk y'ëna'k tyajpëtsëëmtë ja yajkutujkpë ja myaank ets tukukëëytyë ja kyujän ets tukuja'axtë ja kënu'kxy y'on. Ko tukuja'axtaaytyë ja on mëti'ipë ijty yajtukuja'axtëpën ja yajkutujkpëtëjk tääts ojts yajkënu'kxy ets nikajpxpäjtë yë'ë y'ënä'ämëty ets yajkutukëty. Tääts tyëjkëtyë yaxpë jojkpë, Wä'än yë'ë tuny.

Deuteronomio 10:5

Ënätës ojts jam ntso'onë kopkkëjxm mëët ja tsaatsetsy ma këxja'ay myinyën ja majkpë ja ënä'ämën. Japës npëjktäky kaaxëjoty, jëtu'un tääjës ënety ja Wintsën të xytyuk'ëne'emyën ets tyampaat tap ja y'ity.