Éxodo 23:7 - Biblia Dc en Mixe de Quetzaltepec

⁷ Këtii xymyëpëkëty mëti'ipë je'eyë myëku'uk wiinkjaty nyikäjpxyp nyimëtyäkpyën. Këtii xyaj'ookëty mëti'ipë ka'ap tii poky tmëët'atyën; jä'ä ko mëti'ipë pokymyëëtën ka'apës nnikajpxa'any ko ka'ap pyokymyëëtëty.

Biblia Mixe de Quetzaltepec

⁷ Këtii xymyëpëkëty mëti'ipë je'eyë myëku'uk wiinkjaty nyikäjpxyp nyimëtyäkpyën. Këtii xyaj'ookëty mëti'ipë ka'ap tii poky tmëët'atyën; jä'ä ko mëti'ipë pokymyëëtën ka'apës nnikajpxa'any ko ka'ap pyokymyëëtëty.

Éxodo 23:7 ပူးပေါင်းရင်းမြစ်များ

Génesis 18:23

Ënet ojts ni'ikyë tmëwinkony ets tyajtëëy: ¿Wi'ix myajkutëkoyäämpy jëtu'un yë wa'ats ja'aytyëjk mëët tu'knax yë ëxëëk ja'ayëtyë?

Job 22:23

Pën mijts yu'unk naxym mnäypyëjktä'äkyë ma yë'ëjën ets mwinpijtp ma ja mëti'ipë maaytyääyëpën winë ets myajjëwä'kpy yë ëxëëkpë ma mjëën mtëjkën,

Salmos 119:29

Tukukäkës ja win'ë'ënën antakën, ets yë'ëjës tukmëtsojk yë m'ijxpëjkën.

Salmos 94:21

mëti'ipë je'eyë nyikäjpxytyu'unëtyëpën yë wa'ats ja'aytyëjk ets ka'apë tii poky tuuntëkoyën, ets tyajnitukëtë ets y'ookëty.

Éxodo 20:13

Këtii myajja'ay'ookëty.

Éxodo 20:16

Këtii ëxëëkjaty tëkatsyjyäty xynyikajpx xynyimëtya'akëty yë mjëëky mëku'uk.

Éxodo 23:1

Këtii tii tëkatsyjyäty xynyipaye'eyëty ets këtii xy'apupätëty ja mëti'ipë pokymyëëtën, këtiipë tyekymya'atëty ja tëyajtën ets ja yajnipaye'eyën.

Éxodo 34:7

Oy kanaak xëëw kanaak jëmëjt nyaxëty, jyuuky'atëty yë ja'ayëty ets y'ooktëty, wiinkpë myintëty naaxwiiny, yë Dios xëmë tkuuytyuna'any yë y'aaw y'ayuk ets tsyojkën jya'awën xëmë y'ita'any. Näyjyëtu'un ja poky këtyey tnime'kxy e yë'ë ka'ap jëtu'unyë tyajninaxa'any ja mëti'ipë pokymyëëtën, jä'ä ko ja tëytyu'unën jam ja tyajnaxy ma ja u'unk ëna'kën, ok u'unk ok ëna'k ets ma ja y'u'unk y'ëna'këty ja ok u'unk ok ëna'k.

Proverbios 11:21

Tëyajtën yë'ë ko yë ëxëëk ja'ay ka'ap jëtu'unyë nyinaxa'any, kyumëtowäämpy yë pyoky. Yë wa'ats ja'aytyëjk akujk jotkujk yajpëjkta'aka'antë ëwaatsëtum.

Proverbios 17:15

Ko yajpokymye'kxy yë tuuntëkooypyë ets yajtëytyuny ka'apë pyokymyëëtëtyën; tääpë mäjtskpëky mëti'ipë Dios ka'ap nijënu'un t'oyjyawën.

Isaías 33:15

Mëti'ipë ja'ay mëtëy tii tyuunpyën, nän mëtëy winë tkäjpxy tmëtyä'äky; mëti'ipë ja'ay ka'ap jyiiky myëku'uk tëytyunyën ets mëti'ipë ka'ap tkupëkyën ja näynyamo'ojë mëti'ipë yajktëpën ja ja'ayëty, ka'apë y'oy'atën ja jyot wyinma'anyëty; mëti'ipë ka'ap tmëtowa'anyën ko pën tnikäjpxy tnimëtyä'äky ja yajja'ay'o'kën, ets tim winpi'tsp këtiipë t'ixëty ja ëxëëktu'un ëxëëk kajpxën.

Isaías 5:20

Janty mon janty tuk miitsëty myajpaatë, jä'ä ko yë'ë mtijtëp oy mëti'ipë ëxëëkën. Koots xy'ixtë ja xëënyajtën ets ja kootsajtën xëëny xy'ixtë; ja ta'ampë pa'ak xyjyawëtë ets ja pa'akpë ta'am xyjyawëtë.

Nahúm 1:3

Yë Wintsën mä'kxtujkp yë'ë ets maaytyääyëp winë, je'eyëp ko kopkpëky ko tëytyuny mëti'ipë tuuntëkoopyën. Yë Wintsën ye'epy jëtijtp tuupojjoty ets yoots nëma'a yë'ë jëtu'un jya'ap naaxwayën ma tyekpya'tkën.

Lucas 3:14

Ojts ja tsiptuunpë jënaakën tyajtëwtë: E ëëtsëty, ¿tiijës ntuntëp? Tääts ja Juan y'ëtsoowëtë: Ka'ap tii pën xypyëjkëtëty atsip ets ka'ap pën tii xytyukniwaanpätëty. Yë'ë tukjotkujk'atë ja mëju'unyëty.

Romanos 1:18

Dios yajnikëxë'kpy ja tsyip y'äkë ko tyajtsoony jam tsajpjotm ja ëyo'on ets tëytyuny ja ëxëëkja'aytyëjk ko ka'ap oy tii tnipaye'eytyë, mëti'ipë tsumy matsy yaj'ijtëpën ja oyajtën ets ja tëyajtën ets këtiipë ja ja'ay tnijawëtëty.

Efesios 4:25

Paaty tyam, këtii m'ëk'antaknëtëty, ko mmëku'uk xymyëmëtya'aktëty mëtëy tii xytyuk'ëwaanëtëty, jä'ä ko tu'ukyë n'ijtëm ijxtëm tu'ukpë ja ni'kx kopkën.

Deuteronomio 25:1

Ko nimäjtsk yë ja'ay tsyiptuntëty, nimäjtsk mëpaat jam nyëjkxtë ma ja yajkutujktaknën ets yajnipaye'eytyëty ja pyokyëty ets ja kutuunktëjkëty yë'ë nëjkx nikajpxtë pën ënety pokymyëët ets pën ka'ap.

Deuteronomio 27:25

Poky yë ja'ay wyë'ëmëty mëti'ipë yë myëku'uk nyimeenypyijkpyën ets tyaj'ook tyajtëkoyëty, oy ënety nitii poky të tkatuny. Ënet ja ja'ay y'ëtsowtëty: Oy, jëtu'un'atëp.

1 Tesalonicenses 5:22

Ixmatstë mëti'ipë ka'ap y'oyëtyën.