Éxodo 23:30 - Biblia Dc en Mixe de Quetzaltepec

³⁰ Ëjts ëtyä'äkyë'äämpyës jam nyajtsoona'antë, koonëm miitsëty ja m'u'unk m'ëna'këty nyimayëtëty yajxon ets ënety ya'atë it naaxwiinyëtë të xynyiwa'kta'atë.

Biblia Mixe de Quetzaltepec

³⁰ Ëjts ëtyä'äkyë'äämpyës jam nyajtsoona'antë, koonëm miitsëty ja m'u'unk m'ëna'këty nyimayëtëty yajxon ets ënäty ya'atë it naaxwiinyëtë të xynyiwa'kta'atë.

Éxodo 23:30 ပူးပေါင်းရင်းမြစ်များ

Deuteronomio 7:22

Jëtu'un ëtyä'äkyë'äämpy nëjkx yë Dios tääpë yë naax kajpn tyajpëtsëëmtaaynyë ma miitsëtyën, ko miits mja'ënantëpëty xyajkutëkooytya'aja'antë tsojk'am, ka'ap yë mayëtëty ets kyutëkoytyëty tsojk'am; yë jëyujkëty tsojk myäyëtëty tunkëjxm kopkëjxmëpë yajpaatën ets yë'ë nëjkx myaj'ook myajtëkoyëtë.

Josue 13:6

E ka'ap tääpë jyotmayëty, n'ëxwojpta'ajäämpyës yam yë sitonyë ja'ayëty ma Israel ja'ayëtyën ets tëkokyë jënu'un jam tsyëënëtën kopkjotm, tsyo'ontä'äky jam Líbano ets Misrefot-maim. Mijts yë'ëmës kijpxwa'kx yë it naaxwiinyëtë ets xytyuknikäkëtya'ajëty tu'ukjaty yë Israel ja'ayëty, jëtu'un tä të ntuk'ëne'emyën.

Josue 23:4

Tëës yë naax nyajwa'kxta'ay ma miitsëtyën ets aak ijxpëtsëmy të nyajwä'kxyës. Ka'ap ënät yi'iyëty të nyajwä'kxyës mëti'ipë të yajniwä'äkyën, näjyëtu'un të nyajwä'kxyës mëti'ipë ka'ap yajniwä'äkynyëmën. Tä ja mëti'ipë jam tso'ontakpën ma Jordán nëë jyënäkyën ets jyä'ty a'oytsyow ma ja Mejyën Naax'akujkpyë.

Josue 23:5

Yë Wintsën yë'ë y'ëxwojpta'ajäämpy yë ja'ayëty jampë tsyëënëtën ma tääpë it naaxwiinyëtën ets miits xyjyä'ä'atëty jëtu'un tä yë Wintsën të twinwanën.

Josue 23:9

Yë Wintsën kanaak yë naax kajpn të tyajkutëkoy mëjjëtypë miits mwintuuyëty ets tyampaat ni pën o'ktëy mkatimtyunëtë.