Éxodo 23:26 - Biblia Dc en Mixe de Quetzaltepec

²⁶ Ëjts näjyëtu'un kë'ëm ëna'anëp këtiipë m'ookëty ma ënety ka'ap tpaatynyëmën ja xëëw. Ma mnaax mkajpnën ka'ap nëjkx jyam'aty yë to'oxytyëjk mëti'ipë ka'ap ja u'unk maay tjëkyepyën tpaatëty t'ixëty, ëkë mëti'ipë u'unk'ookëtëpën.

Biblia Mixe de Quetzaltepec

²⁶ Ëjts näjyëtu'un kë'ëm ëna'anëp këtiipë m'ookëty ma ënäty ka'ap tpaatynyëmën ja xëëw. Ma mnaax mkajpnën ka'ap nëjkx jyam'aty yë to'oxytyëjk mëti'ipë ka'ap ja u'unk maay tjëkyepyën tpaatëty t'ixëty, ëkë mëti'ipë u'unk'ookëtëpën.

Éxodo 23:26 ပူးပေါင်းရင်းမြစ်များ

Deuteronomio 7:14

Miitsëty ni'ik nëjkx myajkënu'kxtë këtiinëm ja wiinkëtypë ja naax kajpn. Tëkokyë yë to'oxytyëjkëty nëjkxëp yë y'u'unk y'ëna'k tmëët'atë ets ye'etyëjktëjk aak'oy aak mëk yajpaatëty; yë mjëyujk mtsajpkaajëtyën ets mtsajppaxëty mkupixynyëty nëjkxëp oy tsuj y'u'unk'ixtë.

Job 5:26

Oy mëk nëjkx mmëjja'ayë, jëtu'un tä tsajpmok majën.

Deuteronomio 28:4

Kënu'kxy y'itëty yë m'u'unk m'ëna'k, yë mkam mtu'u ets mjëyujk mtsajpkaa, mtsajppax mkupixyny.

Job 21:10

Yë jyëyujk tsyajpkaajëty xëmë y'u'unk'ixtë ets ka'ap y'u'unk ookëtë.

Isaías 65:20

Jam ka'ap nëjkx pi'k ëna'k y'ëk'o'knëtë tsojk, yë mëjja'aytyëjk jeky nëjkx jyuuky'atë. Ja mëko'px jëmëjtpë y'ookyën tsojkën ënety y'ooky, ko pën mëko'px jëmëjt kyajuuky'atëty, poky ënety y'ity.

Salmos 144:13

Ma tëjkën, ma nyaj'ijtëmën pëjkë'ëky yë jë'kxy pëky, ujts yajpaaty; yë ntsajppax'ajtëmë ets nkupixyny'ajtëmë ni'ikyë nyimayëtë mëjwiin këjää.

Salmos 107:38

Yë'ë kyënu'kxyp ets yë'ë kë'ëm tyuknipëjktakëp ets myëjwiin kyëjääjëty yë jyëyujk tsyajpkaajëty.

Génesis 35:29

Mëjja'ay yë Isaac ojts y'o'knë tyëkooynyë, ja nimäjtskpë ja y'u'unk ojts yajnaaxtëkëty, Esaú ets Jacob.

1 Crónicas 23:1

Yë David tëë ënety myëjja'ayënë ko ojts tuknipëky ja myaank Salomón ets yë'ë yajkutukëty ma ja Israel kajpnën,

Génesis 25:8

Ënet ojts y'o'knë ma ënety të myëjja'ayënën. Jam ojts nyaaxtëkë ma ja y'aptëjk nyaaxtëkëtën tëëyëp.

Salmos 55:23

Dios mëti'ipës nTios'ajtypyën, ka'ap jeky jyuuky'ata'any yë yaja'ay'o'kpë ets win'ë'ëmpë; mijts kë'ëm myajkutukëp ets kyuka'anaxtëty jap o'kpëjutjoty, e ëjts ënät, mijts tu'ut ntuk'ijxpätäämpy.

Salmos 90:10

Tëkë'px majk jëmëjt je'eyë njuuky'ajtëmë, e pën oy jeky ntimjyuuky'ajtëmë najääjën jyä'ty majkta'pxën; e oy ënät jëtu'un njajuuky'ajtëmë jeky, ka'ap xoontä'äky nyajpatmëty oywyi'ix njaak yajnajxmëty ja xëëw jëmëjt. Yë xëëw jëmëjt tsojkyë nyäxy, näjyëtu'un ëëts'ajtëmë.

Deuteronomio 4:40

Kuuytyuntë ja y'ënä'ämën tyiyajtën mëti'ipë tyam ya'atë xëëw nmooytyëpën, jëtu'un'äämpy oy mjuuky'atëty ets ja m'u'unk m'ëna'këty, jam ma ja itjotmën mëti'ipë ja Dios mo'ojanëtëpën, nëjkxëp jam jeky mjuuky'atë.

Oseas 9:14

Wintsën, tukumëtow ijxtëm pyaat'atëtën. Yë'ë mo'o to'oxytyëjk mëti'ipë ka'ap y'u'unkpaatëtyën ets mëti'ipë ka'ap tyi'tsk komyën.