Éxodo 23:24 - Biblia Dc en Mixe de Quetzaltepec

²⁴ Këtii näjyëtu'un winë ëxëëkjaty xytyunëty ijxtëm yë'ëjëty y'ëtë'ëtstën y'ëna'antën. Këtii xywyinkoxtänëty mëti'ipë yë'ëjëty tyios'ajtëpën ets ni xykya'ëwtatëty, ni'ikyë mëpaat xytyukwop xytyukka'atsë yë nyaaxpotsyëty mëti'ipë y'ëwtajtëpën.

Biblia Mixe de Quetzaltepec

²⁴ Këtii näjyëtu'un winë ëxëëkjaty xytyunëty ijxtëm yë'ëjëty y'ëtë'ëtstën y'ëna'antën. Këtii xywyinkoxtänëty mëti'ipë yë'ëjëty tyios'ajtëpën ets ni xykya'ëwtatëty, ni'ikyë mëpaat xytyukwop xytyukka'atsë yë nyaaxpotsyëty mëti'ipë y'ëwtajtëpën.

Éxodo 23:24 ပူးပေါင်းရင်းမြစ်များ

Éxodo 20:5

Ka'ap jëtu'unpë xywyinkoxtänëty, ëkë xymyëjjaw xyjyäänty jyawëty. Jä'ä ko ëjts jëtu'un mWintsën Dios, mëti'ipë ni'äkë'ajtp ets tmo'oy ja tëytyu'unën ja taak teety ja y'ëxëëktu'un y'ëxëëkkajpxën ma ja u'unk ëna'kën ets ma ja ok'u'unk ok'ëna'kën ets ma ja ok'u'unk ok'ëna'kën ja y'u'unk y'ëna'këty, tëkëëk ets taxk najtskä'äxë paat.

Deuteronomio 12:3

Mjijtë'ktaayëtëp yë pyotsyëty ma ja wintsë'kën tyaktën, piw nuuk tuunta'atë yë tsaa ets nino'oktë yë kepy tsyetsy ets yajkutëkooytya'atë tëkokyë mëti'ipë y'ëwtajtëpën. Nitii xykyayajwë'ëmtëty mëti'ipë y'ëwtajtëpën ets jëtu'un ka'ap nijëna'a y'ëkyajja'amyäjtsnëtëty.

Deuteronomio 7:5

Yë'ë mtuntëp, tukjijtëtya'atë tukpu'ujëtya'atë yë wyintsë'këntyaknëty, yë tsaa, yë kepy tsyetsy ets awinaxy mëti'ipë y'ëwtajtëpën; yajkutëkooytya'atë yë tsaa, kepy mëti'ipë y'ëwtajtëpën ets nino'ktaayëtë y'awinaxëty.

2 Crónicas 33:9

Je'eyëp ko ja Manasés ni'ikyë ojts tnajtstujë ja Judá ja'ayëty ets ja Jerusalén ja'ayëty ets ja ëxëëk tu'u tpanëjkxtëty ets wäänëni'ik o'ktëy winë tuntëty këtiinëm ja naax kajpn mëti'ipë ojts ja Wintsën tyajkutëkoyën ko ja Israel ja'ayëty jam jyajtë.

Éxodo 32:20

Ënet ojts jam amëjaaw tnëtexy ja awinax jëtu'umpë kyëxë'ëkyën tä tsajpkaajën ets piw nuuk tuuntaay mëët yë jëën, e ja waypyë ënety të jyajta'ayën jap ojts nëëjoty tkuwëjëtyä'äy; tääts ja Israel ja'ayëty t'ënëmaay ets ya'atë ja nëë t'uuktëty.

Ezequiel 16:47

E mijts näjyëtu'un të m'ëtë'ëtsy tä yë'ëjëtyën nän timjëtu'un winë ëxëëkjaty të xytyuny. Ka'ap mkuxë ni'ik o'ktëy të m'ëtë'ëtsy.

Salmos 101:3

Nijëna'ajës yë ëxëëkpë tëkatsypë nkatuk'ijxpäta'any maas winë ntuna'anyën. N'ëxëëk'ijxypyës yë ja'ay mëti'ipë ka'ap yë Dios oy tmëtunyën; Ka'apës nkupëka'any etsës xymyëwinkontëty.

2 Crónicas 33:2

Je'eyëp ko yë'ë ka'ap ojts winë oy tuny ma Wintsënën, ojts t'ëwtaty ja tsaapotsy, ja awinax ets oynatii ka'apë Tiosëtyën; näjyëtu'un ojts winë tuny tä ja naax kajpnëtyën mëti'ipë ka'ap ja Wintsën t'ëwtatën, ja naax kajpn mëti'ipë ja Wintsën wyojpëtsëëmën ko jam jyajtë ma ja Israel ja'ayëtyën:

Éxodo 23:13

Tuntë jëtu'un ya'atë mëti'ipë të ntuk'ënëëmëtën ets nijëna'a kyapëtsëmëty ma m'aaw myä'änëtyën yë xyëëw yë wiink tios.

Éxodo 23:32

Nitiiwinma'any mëët yë'ëjëty xykyamëët'atëty ets ni yë tyiosëty.

Éxodo 23:33

Yë tyiosëty këtii jam xy'ijxta'aktëty ma mkajpnën këtiipë myajpokytyunëtëty maas ëjtsën, jä'ä ko mijts tsojk xy'ëk'ëwtajtnëty ets nëjkx yë'ë myajtu'utëkoyë.

2 Reyes 3:2

Yë'ë ëxëëk ojts winë tuny Wintsën wyintuuy, je'eyëp ko ka'ap tyimjëtu'unëty tä ja tyeety tyaakën, jä'ä ko yë'ë ojts tjijtë'ëky ja tsaapotsy ma ja Baal ënety t'ëwtatën mëti'ipë tyeety kyojën.

2 Reyes 18:4

Ojts tjijta'ay ja tëjk ma ja awinax y'itën, tyukpu'ujëtyääy ja tsaa mëti'ipë ënety tyijtëpën kënu'kxy, jëtu'unyë tpu'utaktaay ja Aserá ja y'awinax ets ja tsa'any mëti'ipë aak pujxnën mëti'ipë ënety ja Moisés të tyajkojyën; wa'ats tyajma'taay, yë'ë ijty yë Israel ja'ayëty wyino'k wyinxaamtëp mëët yë poom, jä'ä tijtë Nehustán.

Éxodo 20:3

Ka'ap wiinkpë tios xymyëët'atëty ets ënät ëjts xy'ëxtijnëty.

2 Reyes 17:8

jëtu'un ojts winë tuunëtë tä ja naax kajpn ja jyot wyinma'anyëtyën ets ja tyu'unën kyajpxënëtyën mëti'ipë ënety ja Wintsën të t'ëxwojpta'ayën ma yë'ëjëtyën; jëtu'un tä ënety myinyën kuja'ay kukeetsy ma ja ënä'ämën kutujkënën mëti'ipë ja yajkutujkpë ja'ayëty yajwë'ëmtën.

2 Reyes 17:11

timjëtu'un ojts winë t'atuunajxnëtë tä ja kajpnëtyën mëti'ipë ja Wintsën ënety të t'ëxëëk'ixtën ets ja naax kajpn mëti'ipë ënety të t'ëxwopyën; ojts twino'k twinxaamnëtë mëët ja poom, ka'apë wyintsënëtyën, tuunëtë tkajpxnëtë ja ka'apë tyuunëtyën ets tyajjoot'anpëktë jëtu'un ja Wintsën mëjwiin këjää.

2 Crónicas 14:2

Yë Asá oy ojts winë tuny ets mëtëy Wintsën wyintum, mëti'ipë Tios'ajtpën.

2 Crónicas 25:14

Ko ja Amasías ojts wyimpijnë, tëë ënety tsyiptuunta'ay mëët ja Edom ja'ayëty ets tëë ënety myëtä'äky; yë'ë ojts tjä'ä'ajta'ay ja tsaapotsy ets ja awinax mëti'ipë ënety ja Edom ja'ayëty të tmëmintën, ojts wyintsë'kën tmo'oy ets ojts t'ëwtaty.

Oseas 10:2

Mäjtsk yë Israel yë jyuukyjot të nyäwyä'kxyë, tyam kyëpätäämpy ja nyëë pyoky. Yë Wintsën yajkutëkoyäämpy yë wintsë'këntyakn ets jyijtë'ëkäämpy yë tsaatsetsy mëti'ipë kënu'kxy yajnajxtëpën.