Éxodo 23:21 - Biblia Dc en Mixe de Quetzaltepec

²¹ Këtii xymyëjëkämkä'äkëty, mëmëtowëp ets këtii xykyäjpxykyumëtoownaxëty, jä'ä ko yë'ë ëjts yë xykyutënääpy ets ka'ap nëjkx tme'kxy ja mpoky.

Biblia Mixe de Quetzaltepec

²¹ Këtii xymyëjëkämkä'äkëty, mëmëtowëp ets këtii xykyäjpxykyumëtoownaxëty, jä'ä ko yë'ë ëjts yë xykyutënääpy ets ka'ap nëjkx tme'kxy ja mpoky.

Éxodo 23:21 ပူးပေါင်းရင်းမြစ်များ

Salmos 72:19

kënu'kxy mëjjawë xëmë y'itëty yë myëjxëëw. Wä'än yë naaxwiinyëtë tyajpaaty mëët yë myëj'ajtën y'oyajtën. Ets jëtu'un tyunëtëty jyatëtëty.

Salmos 78:40

Kanaak ok ojts tkäjpxykyumëtoownaxtë yë Dios yë y'ënä'ämën ets ojts mëj këjää tyajmon tyajtuktë jam të'ëts'itjotm.

Salmos 78:56

E yë'ëjëty je'eyë ojts yë Dios Ni'ik Këjxmëpë tnëxi'ik tukxi'iktë, ets ni'ikyë tkäjpxykyumëtoownajxtë ets ka'ap tpatuuntë ijxtëm ënety ja y'ënä'ämën tyiyajtën jya'ëna'anyën.

Salmos 83:18

Jëtu'un nijawëtëty ko mijts tu'ukyë mWintsën'ajtp, ko mijts tu'ukyë Ni'ik Këjxmëpë ma tëkokyë yë naaxwiinyëtë y'ëwtityën.

Éxodo 3:14

Ënet ja Dios y'ëtsoowë: ËJTS JËTU'UN MËTI'IPË ËJTS'AJTPËN. Ets tyaa nëjkx xy'ënëëmë yë Israel ja'ayëty: Yë mëti'ipë ËJTS'AJTPËN, yë'ëjës të xykyexy ma yaa miitsëtyën.

Éxodo 32:34

E paaty, nëjkx yë naax kajpn ënëëmë wä'än jam tnëjkxtë ma të ntuk'ëwaanën; yë nkutënääpyës yë'ë mijts mtu'uwinwowanëp. Ko ënety të tpaaty ja xëëw jëmëjt jëna'a ntukumëtowa'antës ja pyokyëty, yë'ë kopkpëkyë ko nëjkx tjanty kyumëtowtë.

Éxodo 6:3

Ojtsës nnänyikëxë'ëkyë ma Abraham, Isaac ets Jacob, etsës ojts jëtu'un ja nxëëw nkë'ëyäky, Dios mëti'ipë maaytyääyëpën winë. Ëjts ka'apës nëkoo ja nxëëw ojts ntimkyë'ëyajkojy, tääjës mëtëy nxëëwatyën: Wintsën.

Isaías 42:8

Ëjts jëtu'un Wintsën, jëtu'unës ja nxëëw, ka'apës nkupëka'any ets pën wiinkpë yajmo'ojëty yë nmëj'ajt n'oyajtënës ets oynatii tios xy'ëwtatëty ijxtëmës ëjtsën.

Isaías 45:6

ets yajnijawëty naaxwiinyëtë apëtsëmy ko ka'ap maa wiinkpë jëtu'unpë tä ëjtsën, Ëjts jëtu'un tu'ukyë Wintsënajtp.

Isaías 57:15

Yë Wintsën këjxmëpë yajpaatyën, mëti'ipë winë xëëw winë jëmëjt juukyajtpën, ets jä'ä txëëwaty Wa'ats, jëtu'un y'ënä'äny: Këjxmës nyajpaaty ets jamës nyajpaaty ma kyënu'kxyëtyën, yajpatpës näjyëtu'un ma ja'ayën mëti'ipë yu'unk naxym juukyajtpën ets mëti'ipë jëëpy yaxpën, täätsës nyajjotkujktä'äky ets njotmëkmo'oy.

Isaías 7:14

Yë Wintsën yë'ë kë'ëm yakäämpy yë ijxpäjtën: tu'uk ja to'oxytyëjk tyajmëxu'unk'ata'any ja u'unk maay, ets tyajxëëwpäta'any Emanuel.

Isaías 9:5

Ja kë'ëk mëti'ipë të tukye'eytyën ja tsiptuunpëtëjkëty, mëti'ipë të yajja'ay'ooktën, jëënjoty të yajkujëpijpëtya'atë ets jap të nyitoytyë.

Isaías 9:6

Jä'ä ko tëë tyam myiny jyä'ty tu'uk ja mëxu'unk ye'etyëjkpë, tëë tyäky ja Wintsën tu'uk ja u'unk maay mëti'ipë të yajmo'oyën ja mëk'ajtën kuttujkën ets y'ënä'ämëty yajkutukëty, ets jä'ä nëjkx yajtijy: Kajpxwijpë mëti'ipë mëj këjää winë tyuunpy kyäjpxypën, mëk Dios, xëmëpë Tyeety'ätyën, mëti'ipë nyikopk'ajtypyën ja jotkujk'ajtën.

Jeremias 23:6

Ko ënety yë'ë y'ëne'emy, yë Judá ja'ayëty jotkujk nëjkx yajpaatë ets Jerusalén ja'ayëty ka'ap nëjkx tii jotmay tpaatë. Jä'ä nëjkx tijtë ja Wintsën: Yë Wintsën yë'ë xyajmëtakëm.

Jeremias 5:7

Jëtu'un yë Wintsën y'ënä'äny: ¿Wi'ix n'ëknimä'kxëty mëët ijxtëm të mtimy'ëti'ityën? Yë m'u'unk m'ëna'k tëëjës xy'ëxmajtstaaynyëtë ets ko tii nikajpxtë yë'ë tyukajpxpäjnëtëp yë xyëëw ka'apë tiosëtyën. Ojtsës nyajkaytyë mëjwiin këjää, e yë'ëjëty ka'apës të xy'ëkwinkutsë'kënëtë, wiinktsow të nyëjkxnëtë, jëtu'un tä tu'uk yë to'oxytyëjkën mëti'ipë wiink ye'etyëjk pyanëjkxypyën.

Malaquías 3:1

Yë Wintsën mëti'ipë maaytyääyëpën winë jëtu'un y'ënä'äny: Tyamës nkäxa'any yë nkäjpxynyajxpë mëti'ipë nyipëjktaakëpën ja në'ë tu'u. Ja Wintsën mëti'ipë miits m'ixtaaytyëp ajotkumonë tyëkëja'any ma ja tsyajptëjkën. Tää wyinkony ja käjpxynyajxpë mëti'ipë myëmiinpyën ja käjpxytyu'unën mëti'ipë miitsëty mtsojkën'ajtëpën.

Mateo 1:23

U'unkpaataanp tu'uk ja to'oxy'ëna'k, ets Emanuel ja y'U'unk txëëwatëty. Mëti'ipë tyijpy: Dios ëëts mëët n'ijtëm.

Mateo 17:5

Tam ënety ja Pedro jëtu'un kyäjpxy ko ja yoots mëti'ipë ajajpën nyiju'uxëtë ets jap yootsjoty yajmëtooy tu'uk ja ayuk mëti'ipë ënaanpën: Ya'atës n'U'unk'ajtyp, mëti'ipës ni'ik ntsojkpyën. Ntukxoontäkpyës yë'ë. Mëtoow'itë, mëti'ipë nyikäjpxypën.

Juan 10:30

Dios Teety ets ëjts, tu'ukyë ëëtsëty.

Juan 10:38

E pën ntuunpyës mëti'ipë yë Teetyës tyuunpyën, oy ja n'ayukës xykyamëpëktëty, yë'ë mëpëktë mëti'ipës ntuunpyën ets xynyijawëtëty ko ja Dios Teety tu'ukyë y'ity mëët ëjts ets ëjts mëët yë'ë.

Juan 5:23

e ja Dios U'unk näjyëtu'un yajwintsë'ëkëty ijxtëm ja Dios Teetyën. Pën ka'ap twintsë'ëkë ja Dios U'unk, nän ka'ap twintsë'ëkë ja Dios Teety mëti'ipë kyejxypyën ja Dios U'unk.

Efesios 4:30

Këtii nëkoo xyajjotmaytyëkëtëty ja Dios ja kyënu'kxymyëk'ajtën, mëti'ipë të myajtuk'ijxwë'ëmtën ko Dios mjä'ä'atëtë mapaat ja nitsokën ënety tu'ukyë myajmooynyëtën.

Deuteronomio 18:19

Ja ja'ay mëti'ipë ka'ap tmëpëkyën ets ka'ap tmëmëtoyën tääpë käjpxynyajxpë, mëti'ipë ënety të tnikäjpxyën ëjts yë n'aaw n'ayukës, nëjkxëpës ja n'amëtoy tiikyëjxm ko jëtu'un y'ëti'itsy.

Deuteronomio 9:7

Këtii xyjyä'äytyëkoytyëty nijëna'a, ko miitsëty ojts yë Dios xyajjoot'anpëktë jam të'ëts'itjotm. Tyimtso'ontäky ko jap mtso'ontë Egiptë ets Yaapaat je'eyëm mkäjpxykyumëtoownaxtë.

Colosenses 2:9

Ja'ayën ja Kristë ojts y'awinpity ets yaj'ixëty ja Dios ma yë'ëjën,

Hebreos 12:25

Näkyëwent'atëtë, mëmëtowtë ja Dios. Mëti'ipë ja Dios kyamëmëtoowtën ko ojts jyamëkajpxëtë yaa naaxwiiny, kyëpäjtë jä'ä. Näyjyëtu'un nëjkx njajtëm pën npäjxëm mëti'ipë xymyëkajpxëmën tsajpjotm.

Hebreos 3:16

¿Pën ojts ja Dios tnipëtë'ëktë oy tjamëtoowtë ja y'aaw y'ayuk? Yë'ë mëti'ipë ja Moisés wyoowpëtsëëmën jap Egiptë, ¿këtiijë?

Josue 24:19

E ja Josué tyaa y'ëtsoowëtë: Miitsëty ka'ap xyjyëkyäptë Dios xymyëtuntëty. Jä'ä ko wa'ats yë'ë ets ni'äkë'ajtp; ko pën je'eyë kyäjpxykyutëjy ets pyokytyuny, ka'ap jëtu'unyë tnani''ijxnaxy.

1 Juan 5:16

Ko pën ja myëku'uk t'ixëty ko tam pyokytyuny ets jä'ä ja poky mëti'ipë ka'ap yaj'ookyën, tuknija'amyätsëtë ja Dios ets ja Dios yajjuuky'atëtëty, ënät jëtu'un pën jä'ä ja poky mëti'ipë ka'ap yaj'ookyën. Jä'ä ko tää poky mëti'ipë yaj'o'kpën, ko pën tääpë jëtu'unpë poky tuny, ka'ap tjëkyepy ja Dios yajtuknija'amyätsëty.

Apocalipsis 1:8

Ëjts tso'ontakp ets ëjts jëjpkëjxp jëtu'un ja Wintsën Mëti'ipë Maaytyääyëpën Winë y'ënä'äny, mëti'ipë tyam ijtpën, mëti'ipë tëëyëp ijtën ets mëti'ipë itaanpën.

Apocalipsis 2:8

Yë'ë yajnija'ayëp yë tsajpjotmëtë kukäjpxy jampë yajpaatyën Esmirna: Jëtu'un y'ënä'äny mëti'ipë tso'ontakpën ets mëti'ipë tyukjëjpkëjxypyën, mëti'ipë o'kën ets mëti'ipë të jyuukpyikyën jatëkok.

Apocalipsis 3:7

Nnijayë yë tsajpjotmëtë kukäjpxy jampë yajpaatyën Filadelfia: Jëtu'un y'ënä'äny mëti'ipë wa'atsën, mëtëyën, mëti'ipë myëët'ajtypyën ja David ja y'ëwatsn; ka'apë pën mëpaat tyaj'ëtukyën mëti'ipë yë'ë yaj'ëwatsypyën ets mëti'ipë yë'ë yaj'ëtujkpyën ka'ap mëpaat pën tyaj'ëwa'atsy:

Jueces 13:18

E ja Wintsën ja kyukäjpxy tyaa y'ëtsooy: ¿Wi'ix ko xynyijawëja'any yë nxëëwës? Yë'ë yu'utsyës nmëët'aty.