Éxodo 22:8 - Biblia Dc en Mixe de Quetzaltepec

⁸ E ko ja mä'tspë kyayajpaatëty, ënät yajwoownëjkxëty Dios wintum ja ja'ay mëti'ipë kutëjk'ajtpën ets yaj'ixëty pën ka'ap yë'ëjëty të tyu'utsy mëti'ipë ja myëku'uk jyä'ä'ajtypyën.

Biblia Mixe de Quetzaltepec

⁸ E ko ja mä'tspë kyayajpaatëty, ënät yajwoownëjkxëty Tios wintum ja ja'ay mëti'ipë kutëjk'ajtpën ets yaj'ixëty pën ka'ap yë'ëjëty të tyu'utsy mëti'ipë ja myëku'uk jyä'ä'ajtypyën.

Éxodo 22:8 ပူးပေါင်းရင်းမြစ်များ

Deuteronomio 16:18

Nikajpxpätë yë ja'ayëty mëti'ipë kutuunk'atëpën ma ja naax kajpnën mëti'ipë yë Wintsën mo'ojanëtëpën ets yë'ë myëku'uk tnikopk'atëty ets tnipaye'eytyëty yajxon ja jyiiky myëku'uk ja nyëë pyokyëty ets ja y'amay jyotmayëty.

Éxodo 22:28

Ka'ap yë Dios nijëna'a xy'ëxëëktijëty ëkë xypyokëty, näjyëtu'un ka'ap nijëna'a xy'ëxëëktijëty ëkë xypyokëty ja mëti'ipë nyikutuunk'ajtypyën yë mnaax mkajpn.

Éxodo 21:6

Ënet ja wintsën tmënëjkxëty ja tyuunpë jam Dios wintum ets jam tyajmëjwa'kpätëty ma ja tyëjk'aawën ets tyajjujtëty yë tyatsk mëët tu'uk yë xu'uny, jëtu'un wyë'ëmnëty xëmëkyëjxm ma yë'ëjën.

Salmos 82:1

Dios yë'ë tyu'uwinwoopy ja käjpxy mëtyä'äky ma ja nätyu'ukmukë y'ityën jam tsajpjotm, ets tnipaye'eyä'äny tëkokyë winë wi'ixjaty pën të tyuny të kyäjpxyën:

1 Crónicas 23:4

Jamts yajmëtyoowpëtsëëmtë ni''i'px taxk mil mëti'ipë wyintänëtëpën ja tuunk ma ja tsajptëjk kyoja'anyën, tëtujk mil mëti'ipë nyipaye'eytyëpën ets nyiwintsën'atëpën.

Éxodo 22:9

Pën jyä'äniwäämpy tu'uk yë tsajpkaa, ëkë krukts, ëkë kupixyny, ëkë wit tujkxy, ëkë oy tyimtiijëty, mëti'ipë të tyëko'oyxyëtyën ets y'ëna'anëty ko yë'ë tjä'äjëty, tääpë nimäjtsk yë ja'ayëty mëpaat yajwoownëjkxtë jam Dios wintum ets jam yajnijawëty pën pokykya'ap; e mëti'ipë ënety pokykya'apën kujkwä'kxy nëjkx tnikujuuypyäjnë ja mëti'ipë ënety yajtsiptaktëpën.

1 Reyes 8:31

Ko ënety pën ja jyiiky myëku'uk tmëtëkoy ets tuknikajpxa'anëty mëët ja mxëëw ma mwintsë'këntyaknën jap tsajptëkoty,