Éxodo 22:23 - Biblia Dc en Mixe de Quetzaltepec

²³ Jä'ä ko pën jamëtën ëxaty xytyuny ets t'amëtow tpëjktsowtëty ja putëjk pupäjtën maas ëjtsën, ëjts ninëjkxäämpyës yë'ëjëty etsës mputëkëja'antë.

Biblia Mixe de Quetzaltepec

²³ Jä'ä ko pën jamëtën ëxaty xytyuny ets t'amëtow tpëjktsowtëty ja putëjk pupäjtën maas ëjtsën, ëjts ninëjkxäämpyës yë'ëjëty etsës mputëkëja'antë.

Éxodo 22:23 ပူးပေါင်းရင်းမြစ်များ

Job 34:28

Koonëm yë ëyoopëja'aytyëjk ojts ya'axtë jyoktë ets mëti'ipë ënety yajtëytyuuntëpën ets Dios tmëtooy.

Job 35:9

Ma ëxëëk yajtuntën jam jyë'ëtë ya'axtë yë naaxwiinyëtë ja'ay ets tja'ixta'atë pën putëkëtëpën ma ja kumeenyjyä'äytyëjk ëxëëk tyunëtën;

Salmos 10:14

Tëë mijts kë'ëm xy'ixy wi'ix ëxëëk y'ëtë'ëtstën y'ëna'antën. Tëë kë'ëm xy'ixy ets mijts ënät mpatëp wi'ix xytyukkumëtoy. Jam ma mijtsën myintë ka'apë tjëkyepy nyäkyuwa'anëtëtyën; mijts mputëjkëp yë ku'ooky u'unk.

Salmos 140:12

Ëjts wa'atsës nnijawë ko yë Wintsën nyipaye'epy yë ëyoopëja'aytyëjk ets pyutëjkëp yë ja'ay mëti'ipë moonp tujkpën.

Salmos 145:19

Yë'ë kyuuytyuunpy ets yaj'atëëpy yë tsyojkën ma ja'ayën mëti'ipë mëjja'aw jaanty ja'awëyëpën. Ko y'amëtoyë yë putëjk pupäjtën, yë'ë ënätyë tmëtoy ets tyajtso'oky.

Salmos 18:6

Maas ënety jotmayjoty nyajpaatyën, jääjës të nmëkäjpxy yë Wintsën, tëë yë Dios n'amëtoyës yë näypyutëkë. Tëë tmëtoy koos të nmëkäjpxy ma tsyajptëjkën. Koos mëk të nyä'äxy të njoky tëë tyatsk tuk'akonë.

Salmos 68:5

Dios, mëti'ipë ijtpën ma tsyajptëjkën, yë'ë nyiteety'äjtyp yë ku'ooky u'unk ets yë'ë näjyëtu'un pyutëjk pyupejtyp yë ku'ookytyo'oxy.

Éxodo 22:27

Jä'ä ko wi'ix nija'awëmëty wä'änxyëp ënety yi'iyë tu'uk twit'aty, mëti'ipë nätyukniju'uxëpën e ko xykyamo'ojëty ¿tii nëjkx tnatukma'ay? Ko nëjkx xy'amëtoy xypyëjktsoy ja putëjk pupäjtën, yë'ë nëjkxëp mputëkë, jä'ä ko ëjts nnija'apës wi'ix ja'ay pya'ëyoy nyajts'ëyowën.

Lamentaciones 5:3

Ku'ooky u'unk ëëtsëtynyë, ka'apës pën yë nteetyëty; ku'ooky to'oxytyëjkën ja ntaakëtyës të wyë'ëmnë.

Lucas 18:7

E yë'ë ënät ja Dios, ¿këtii jëtää tnipaye'eyëty ja jyä'äy mëti'ipë të twin'ixyën, mëti'ipë xëëny koots ja'amyäjtsëpën? ¿Wä'än jëtää jeky tyaj'ëwxitëtyë?

Deuteronomio 10:18

Mëti'ipë nyipaye'epyën ja ku'ooky'u'unk ku'ookytyo'oxy ets mëti'ipë myoopyën ja wyit tyujkxy ja jaaypyaat jaaypyo'kxy; mëti'ipë yajpatëpën ma miitsëtyën.

Deuteronomio 15:9

Këtii jëtu'unpë ëxëëk jot ëxëëk winma'any xypyaatëty ets m'ëna'anëty: Tyam ya'atë wëxtujk jëmëjtpë kya'pxanë ma jëtu'unyë nu'kxy yajnime'kxyën. Paaty ka'apës yam tii pën ntuknu'kxa'any ets ka'ap tii ja mjëëky mëku'uk xytyuknu'kxa'anëty. Jä'ä ko pën jëtu'un mijts mja'ay'äty, yë'ë nëjkxëp yë Wintsën tuk'ëwaanë ets ja jëtu'unpë pokytyu'unën nëjkx nyäxy.

Deuteronomio 24:15

Jä'ä xëëw ma mëtunëtën xymyëjuytyëty ma ja xëëw tyun'akëtaknën, mijts mnija'ap ko ja ëyoopëja'ay yajmëyäjtyp ja wit meeny. Paaty ënätyë xymyëjuyëty ets tmëët'atëty tii nyijuuky'atëpën. Jä'ä ko pën ka'ap ënätyë xymyëjuy, yë'ë nëjkxëp ja Wintsën tuk'ëwaanë ets miits mpokytyëkëtëty.

Santiago 5:4

Ja mtuunpëtëjk mëti'ipë ka'ap të xymyëjuytyën, mëti'ipë të tyajpëtë'ëktën ja mpëjktä'äkyëty, yë'ë jëëytyak nu'kxtaktëp ets miitsëty ëxëëk mjatëty mkëpätëty; e tëë ja Wintsën mëti'ipë maaytyääyëpën winë tmëtoy ko jyiiytya'ak nyu'kxta'aktë.