Éxodo 22:18 - Biblia Dc en Mixe de Quetzaltepec

¹⁸ Këtii xyajwë'ëmëty juuky yë to'oxytyëjk, mëti'ipë kajpxpojkpën, myaj'ookëp ënätyë.

Biblia Mixe de Quetzaltepec

¹⁸ Këtii xyajwë'ëmëty juuky yë to'oxytyëjk, mëti'ipë kajpxpojkpën, myaj'ookëp ënätyë.

Éxodo 22:18 ပူးပေါင်းရင်းမြစ်များ

Isaías 19:3

Jëtu'unës nëjkx nyaj'akumon nyajjotkumonëtë, ka'ap nëjkx jëtu'un tyunyë jyätyë ijxtëm ënety të tjatuknipëjktaakëtën. Ënet nëjkx jam winë tyajtëwtë ma y'awinaxëtyën, ma ja nasja'apëtyën, ma ja o'kpë anëmën ets ma ja patooy panajxpëtyën.

Jeremias 27:10

Ijxtëm mja'ënë'ëmxëtën nëkoo je'eyë mwin'ëënëtë, je'eyëm nëjkx tsumy matsy myajmënëjkxtë wiink naax wiink kajpn ets xit ko'ow ntuunta'aja'antës ets jam m'ooktëty muum.

Jeremias 27:9

Paaty n'ënëëmëtë këtii nëkoo xymyëpëjkëtëty yë y'aaw y'ayuk tääpë käjpxynyajxpëtëjkëty, najtsja'apëtëjkëty ets ja'ayëty mëti'ipë yajkuma'aynyiwijtëpën; yë'ëpaat mëti'ipë kajpxpojktëpën, mëti'ipë yajmëtoopën tii t'akajpxtën mëti'ipë tunan jatanëpën; mëti'ipë ënantëpën ets ka'ap mnäkyë'ëyakëtëty ma ja Babilonyë yajkutujkpën.

Hechos 19:19

Näyjyëtu'un mëti'ipë ijty patooy panajxtëpën, ojts ja nyoky tyajmintë ets tnino'ktë ma ja mayjyä'äyën. Ko ojts yajmaaypyëtsimy jënu'un ja noky tsyoowpaatyën, jä'ä wyimpëtsëëmy wëxtyikxy majk mil aakyë'ë poop pujxn.

Gálatas 5:20

y'ëwtajtëp mëti'ipë ka'ap Tyiosëtyën, patooy panajxtëp, atsip a'äkë jyuuky'atë, mëtsip'ajtëp, pojën jyoot'anpëktë mëët yi'inëm tii, kyë'ëm oyajtën y'ixtaaytyëp, yajnäwya'kxëtëp ja ja'ay, ëpëky nyäpyëjkta'akëtë,

Deuteronomio 27:21

Poky yë ja'ay wyë'ëmëty mëti'ipë yë jëyujk myëëtko'knääpyën, jëtu'un tä jeexyë tu'uk yë to'oxytyëjk tmëëtko'knë. Ënet ja ja'ay y'ëtsowtëty: Oy, jëtu'un'atëp.

Apocalipsis 22:15

Ka'ap jap tyëkëtëty mëti'ipë ëxëëk ja'ay'ajtëpën, patooy panajxpë, ëxëëktuunpë, yaja'ay'o'kpë, mëti'ipë y'ëwtajtëpën ja awinax ets mëti'ipë yi'iyë tsyojkën'ajtëpën ja ënëëmëtyä'äky.

1 Samuel 28:3

Tääpë jëmëjt ja Samuel tëë ënety y'o'knë, ko y'o'ky mëk ja Israel ja'ayëty ojts tnijë'ë tniya'axtë, jam tyajnaaxtëjkëtyë Ramá ma myiinyën naaxwiiny. Yë Saúl ojts tëkok t'ëxwojpta'ay ja najtsja'apëtëjkëty ets mëti'ipë myëkajpxtëpën ja o'kpë.

1 Samuel 28:9

Tääts ja to'oxytyëjk y'ëtsoowë: Mijts wa'ats xynyijawë wi'ix yë Saúl y'ëti'itsyën. Tëë wa'ats t'ëxwojpta'ay yë ja'ay mëti'ipë najtsja'awëtëpën ets mëti'ipë o'kpë yajmëtyaktëpën. ¿Wi'ix ko xy'amëtoyës ets ntunëtyës ja mëti'ipë je'eyë n'ëkku'o'kënëpës?