Éxodo 22:17 - Biblia Dc en Mixe de Quetzaltepec

¹⁷ Oy ënety ja tyeety ka'ap jyayaka'anyë, ja ye'etyëjk kwanë ko tkuyakëty ja to'oxytyëjk, jëtu'un ijxtëm ënety ja to'oxy'ëna'k tu'uk yajkukëpetyën mëti'ipë ka'ap ja ye'etyëjk tmëëtsëënënëm.

Biblia Mixe de Quetzaltepec

¹⁷ Oy ënäty ja tyeety ka'ap jyayaka'anyë, ja ye'etyëjk kwanë ko tkuyakëty ja to'oxytyëjk, jëtu'un ijxtëm ënäty ja to'oxy'ëna'k tu'uk yajkukëpetyën mëti'ipë ka'ap ja ye'etyëjk tmëëtsëënënëm.

Éxodo 22:17 ပူးပေါင်းရင်းမြစ်များ

Génesis 23:16

Ojts ja Abraham tkupëky jënu'un ënety tsyoowpaatyën ja it naaxwiinyëtë ets ojts tim kyujuy ja nyaax ja Efrón, ma ënety jam nimay yajpaatën ja Hit ja'ayëty, mëët yë poop pujxn meeny, aak kijpxtä'äky nu'unjaty ënety jye'emtyëtyën.

Génesis 30:20

ets y'ënäny: Tiosës yë mëj kuma'ayën të xymyo'oy, e tyam ënät yë nye'etyëjkës ni'ikyë xytyoka'anyës, mëtëtujkës yë u'unk ntuk'ixy, paaty jëtu'un ya'atë pi'k u'unk jä'ä txëëwata'any Zabulón.

Génesis 34:12

Oy jëtu'un kyayajtukjuuky'äty, e ëjts ënaanpës jëtu'un nyaka'any, nyakëpës näjyëtu'un näynyamo'ojë ma miitsëtyën, ko xy'a'ixëtëty ets npëkëtyës n'uukëtyës mëët yë kiixy.

Deuteronomio 18:10

Ma miitsëtyën ni pën yë y'u'unk tkakë'ëyakëty ets nyitoyëty ëkë wyintsë'kën'atëty. Ka'ap mëpaat pën tuunk'aty yë xëëwmääpyë tuunk, najtsja'awëk, ëkë kajpxpojkën.

Deuteronomio 22:29

yë ye'etyëjk kopkpëky ko nëjkx tkuyäky tkukëpety mëti'ipë ënety të tunyën. Jä'ä nëjkx tmo'oy ja u'unkteety wëxtyikxy majk ja meeny, aakyë'ë poop pujxn meeny. Jä'ä ko tëë ënety tyaj'ëxëëktëkë ja to'oxytyëjk, kopkpëky ko nëjkx twoy ets tmëëtsëënëty ets ka'ap tjëkyäpëty t'ëxmatsëty nijëna'a.

1 Samuel 18:25

Saúl jä'ä ënety wyinmay ko ja David yajka'ajäämpy ets y'ookëty ma ja filistejë ja'ayëtyën, paaty y'ëtsooy: Ënëëmëtë yë David ko jëtu'un tä jeexyë tyekyën mëti'ipë tëë yaj'ijxwë'ëmyën, ko pën pyëka'any, ëjts mëti'ipë ënä'ämpën jëtu'unës yam n'ëna'any ko ni'ikë oy yë'ë tyakëty tu'kmëko'px yë filistejë ja'ayëty, je'eyëp ko ookynyë ets tnëtsujktaayëty yë ye'etyëjk'ajtënëty yë nyi'ak, jëtu'untsës ëjts ntukjotxäämëty ja nmëtsiptëjkës.

1 Samuel 28:3

Tääpë jëmëjt ja Samuel tëë ënety y'o'knë, ko y'o'ky mëk ja Israel ja'ayëty ojts tnijë'ë tniya'axtë, jam tyajnaaxtëjkëtyë Ramá ma myiinyën naaxwiiny. Yë Saúl ojts tëkok t'ëxwojpta'ay ja najtsja'apëtëjkëty ets mëti'ipë myëkajpxtëpën ja o'kpë.