Éxodo 21:34 - Biblia Dc en Mixe de Quetzaltepec

³⁴ Ja mëti'ipë ënety nyiwintsën'ajtypyën ja nëëjut, yë'ë jëtu'un kyujuyëp ja jëyujk tsajpkaa ma ja nyiwintsënën, e ja jëyujk'ooky oy ja tmëwë'ëmëty.

Biblia Mixe de Quetzaltepec

³⁴ Ja mëti'ipë ënäty nyiwintsën'ajtypyën ja nëëjut, yë'ë jëtu'un kyujuyëp ja jëyujk tsajpkaa ma ja nyiwintsënën, e ja jëyujk'ooky oy ja tmëwë'ëmëty.

Éxodo 21:34 ပူးပေါင်းရင်းမြစ်များ

2 Samuel 12:6

Ets taxk'oknipety mëpaat tkujuy ja kupixyny, jä'ä ko ka'ap ninu'un ja pa'ëyo'ow najts'ëyo'owën të tmëët'aty.

Éxodo 21:33

Ko pën yë nëëjut ëwa'ats tyajwë'ëmëty ëkë ko jam pën je'eyë tajynyëm ets jëtu'unyë ëwa'ats t'ëxmatsëty ets jap kyënaxëty yë tsajpkaa, ëkë krukts.

Éxodo 21:35

Pën tu'uk yë tsajpkaa kyä'py yë myëku'uk mëti'ipë wiink ja'ay niwintsën'ajtëpën ets tkukaapëty, ja juukpyë nëjkxëp ja yajtooky ets ja nyimeeny këëkujkm tjä'ä'ajtëtëty ets näjyëtu'un ja nyitsu'uty mëti'ipë ënety të yajkukääpyën.

Éxodo 22:14

Pën y'amëtoopy ënu'kxy tu'uk yë jëyujk ets y'o'kxëtëty, ëkë tsyëtyutëty wyintëkoyëty, ma jam ka'ap yë wyintsën y'ixyën. Ja ja'ay mëti'ipë ënety të jyëyujk'ënu'kxyën, nëjkxëp tnikëpäjtu'uty ja jëyujk ma ja wyintsënën ko ënety të tsyëtyuty të wyintëkoy.

Éxodo 22:3

E pën jääts ënety të y'ooky ma të xyiinyënën, jä'ä nëjkxëp ja yajnipaye'ey. Ja mëti'ipë ënety të tyony të myeetsyën, kopkpëky ko tkujuuytya'ajëty, ja mëti'ipë ënety të tmeetsyën. E ko ja meeny tkamëët'atëty mëti'ipë tyukujuyëpën kë'ëm nyätyookëtëty ets jëtu'un tkëpätëty ja mëti'ipë ënety të tmeetsyën.

Éxodo 22:6

Ko pën yë toyëjëën tyajkä'äkëty ets muum tyoyëty yë tsajpmokam, ëkë mëti'ipë muum nipëjkpety yajpatpën, ëkë mëti'ipë jam je'eyë yoonpnëmën. Ja ja'ay mëti'ipë ënety të yajtoyëke'ekyën, yë'ë nëjkx tkëpäjta'ay ja pëjktä'äky, mëti'ipë ënety të wyintëkoyën.

Proverbios 6:31

jää tëy ko yajkupaatë ma jam myeetsyën, kwanë ko nëjkx tyajwinpijta'ay ets ëpëky wëxtujk'ok tyajni'ikëty mëti'ipë ënety të tony të tmeetsyën, ets nëjkxëp tyajktaaynyë mëti'ipë ënety myëët'ajtypyën.

Ezequiel 33:15

ets tyajwinpijta'ajëty ja mëti'ipë ënety ja ja'ay të myo'oyën ko winë të tnipaye'ey ets mëti'ipë të tmeetsyën; tkuuytyunëty ja tëyajtën ma ka'ap ja ëxëëkpë t'ëktuunëty; tääpë ja'ay nëjkxëp jyuuky'äty ets ka'ap y'ooka'any.