Éxodo 20:8 - Biblia Dc en Mixe de Quetzaltepec

⁸ Mja'amyätsëp xëmë yë po'kxënxëëw ets jää yë Dios xymyëjjaw xyjyäänty jyawëty.

Biblia Mixe de Quetzaltepec

⁸ Mja'amyätsëp xëmë yë po'kxënxëëw ets jää yë Tios xymyëjjaw xyjyäänty jyawëty.

Éxodo 20:8 ပူးပေါင်းရင်းမြစ်များ

Génesis 2:2

Kom wëxtujk xëëw yë Dios tyaj'apatëtyääy tu'kë'ëyë jënu'un ënety të tyajkojyën ets ojts pyo'kxy.

Génesis 2:3

Ënet ojts tkënu'kxy ja mëwëxtujkxëëwpë ets ojts tnikäjpxy ko wa'ats mëpaat y'ity, jä'ä ko jää ojts pyo'kxy ko tyuuntaay ma ënety winë të tyajkojy të tpëjktä'äkyën.

Nehemías 13:15

Jä'ä xëëw näjyëtu'un n'ijxyës ko jam ma Judá kajpnën tam ijty ja'ay mëti'ipë po'kxënxëëwëtë nëjkx y'uvë winteenyën mëti'ipë tsatsym nyëë yajpëtsëëmpyën, tam mëti'ipë nëjkxpën muum kamjotm tsajpmoktsëëmpë, tam mëti'ipë jyëyujk yajnëjkxypyën tsatsym tsyëëmpë, higo tsëëmpë ets tiijaty jam tyukpatsëëmtëp ets nän po'kxënxëëwëtë jam winë tsëëmnëjkxnëtë Jerusalén. Ënet ntuk'ënëmaaytyës ets ojts ntuk'ojtës wi'ix jä'ä po'kxën xëëw tyo'ktëpë yajktëpë.

Nehemías 9:14

Ojts xytyukni''ixë ets tpo'kxtëty ja po'kxënxëëw, ojts xymyo'oy ja ënä'ämën tëyajtën ets ijxpëjkën mëtëypyë, mëti'ipë kyë'ëyajkën ja Moisés.

Éxodo 23:12

Tëtujkxëëw mtunëty ets jää xyajwintu'upëkëty winë. E ko wyëxtujkxëëwpätëty, jää mpo'kxëty, jëtu'un näjyëtu'un pyo'kxëty ja mjëyujk, yë mtuunpë ets mjaaypyaat mjaaypyo'kxy.

Éxodo 31:12

Ënet ja Dios ojts tmëkäjpxy ja Moisés ets t'ënëmaay:

Éxodo 35:1

Ënet ja Moisés ojts tmëkajpxmujkta'ay ja naax kajpn ets t'ënëmaay: Yë Tiosës të xytyuk'ëne'emy ets ya'atë yajkuuytyunëty:

Isaías 56:2

Jotkujk ja'ay yajpaaty mëti'ipë pyanëjkxypyën ya'atë tëyajtën ets mëti'ipë kyuuytyuunpyën tëy tëtä'äky, mëti'ipë po'kxpën po'kxënxëëwëtë ets ka'ap jää tii ëxëëk tuny tkäjpxy.

Isaías 58:13

Mwinkutsë'ëkëp ja po'kxënxëëw; këtii jää mtookëty myakëty ma tääpë xëëwën wa'atspë. Xoontakën xëëw xyajnaxëty, kënu'kxypyë mëti'ipë Wintsën xyëëwajtypyën ets ma pyäätyën yajmëjjawëty. Mmëjja'ap ënety ko ka'ap jää mtookëty myakëty, ets ko ka'ap jää yë'ë xy'ijxpaatëty wi'ix ja meeny xyaj u'unk'atëty ets wi'ix mnäyajkumeenytya'akëtëty.

Jeremias 17:21

Jëtu'un yë Wintsën y'ënä'äny: Ko po'kxënxëëw, këtii jää tii xypyatsëmtëty ets këtii nëkoo tsëmy kë'ëy xyajnaxtëty ma tëjkëtyaknën ma Jerusalén kajpn yajnitëkën, mijts myaj'antijtëp ets jotkujk mjuuky'atëty.

Jeremias 17:22

Këtii nëkoo tsëmy kë'ëy xymyëtsoontëty ma mjëën mtëjkëtyën ko po'kxënxëëw ets ka'ap tiituunk jää xytyuntëty. Ma tääpë xëëwën ëjts jää xymyëj jawëtëp jëtu'un tääjës ojts n'ënëëmëtën yë m'ap m'okëty.

Jeremias 17:24

Ëjts Wintsën, jëtu'unës n'ëna'any: Ja'aykyukëtë, mëmëtoowtëkës, këtii tsëmy kë'ëy xymyënaxtëty po'kxënxëëw ma Jerusalén kajpn yajnitëkën; tääpë xëëw kënu'kxy mëpaat nyäxy ets nitiituunk jää kyayajtunëty.

Ezequiel 20:20

mëjjawëtëp ets wa'ats xyajnaxtëty yë npo'kxën nxëëwës; yë'ë wa'anëp ijxpäjtën ma miitsëtyën ets ma ëjtsën; jëtu'un xynyijawëtëty koos jëtu'un Wintsën, mëti'ipë m'ëwtajtëpën.

Deuteronomio 5:12

Mja'amyätsëp yë po'kxënxëëw ets jää yë Wintsën xymyëjjawëty, jëtu'un tä yë mWintsën Dios të mtuk'ëne'emyën.