Éxodo 20:6 - Biblia Dc en Mixe de Quetzaltepec

⁶ E mëti'ipës xytsyojkp xyjya'apën ets tpatuny ja n'ënä'ämënës ntëyajtënës, mëj këjääjës yë ntsoky njawë ets winë xëëw winjëmëjt n'oyjyawëja'anyës.

Biblia Mixe de Quetzaltepec

⁶ E mëti'ipës xytsyojkp xyjya'apën ets tpatuny ja n'ënä'ämënës ntëyajtënës, mëj këjääjës yë ntsoky njawë ets winë xëëw winjëmëjt n'oyjyawëja'anyës.

Éxodo 20:6 ပူးပေါင်းရင်းမြစ်များ

Nehemías 1:5

Ënätës n'ënëmaay: Dios mëti'ipë ijtpën tsajpjotm, ja mëjpë jaantypë ets kutsë'ëkëpë, ko xypyatuny ja mkäjxytyu'unën ma ja ja'ayën mëti'ipë mtsojkëpën ets pyatuumpyën ja m'ënä'ämën mtëyajtën;

Salmos 103:17

Yë Wintsën yë tsyojkën jya'awën xëmë y'ity ma ja'ayën mëti'ipë mëmëtoowëpën ets wiinkutsë'këyëpën; yë tyiyajtën ka'ap nijëna'a kyixy ma ja'ayëtyën jënu'un nyajtsmin nyaskä'äxëtën.

Éxodo 34:7

Oy kanaak xëëw kanaak jëmëjt nyaxëty, jyuuky'atëty yë ja'ayëty ets y'ooktëty, wiinkpë myintëty naaxwiiny, yë Dios xëmë tkuuytyuna'any yë y'aaw y'ayuk ets tsyojkën jya'awën xëmë y'ita'any. Näyjyëtu'un ja poky këtyey tnime'kxy e yë'ë ka'ap jëtu'unyë tyajninaxa'any ja mëti'ipë pokymyëëtën, jä'ä ko ja tëytyu'unën jam ja tyajnaxy ma ja u'unk ëna'kën, ok u'unk ok ëna'k ets ma ja y'u'unk y'ëna'këty ja ok u'unk ok ëna'k.

Proverbios 3:1

U'unk maay, këtii xyjyä'äytyëkoyëty yë n'ijxpëjkënës. Pëjkë'ëk ma mjot mwinma'anyën yë n'ënä'ämënës,

Jeremias 32:18

Kanaak najtskä'äxë mijts ja mtsojkën mja'awën xyaj'ity, je'eyëp ko mtëytyuunpy ja ja'ay mëti'ipë tyeety tyaak pyojkpyën. Dios mëjpë ets mëti'ipë maaytyääyëpën winë, jä'ä mijts mxëëwajtyp Wintsën mëti'ipë maaytyääyëpën winë.

Daniel 9:4

Ets ja Wintsën të nmëkäjpxyës, jëtu'unës të nmëmaaywyätsy: Wintsën, Dios mëti'ipë maaytyääyëpën winë, mëti'ipë pyatuumpyën mëti'ipë të nikäjpxyën ets myajk ja ijxpät ko mijts mtsoky mjawë ma ja'ayëtyën mëti'ipë pyatuuntëpën ja m'ënä'ämën mtëyajtën:

Juan 14:15

Pën xytsyojktëpës miits, mpatuntëp ja n'ënä'ämënës.

Juan 14:21

Pën kyupëjkpy ja n'ënä'ämënës ets pyatuumpy, yë'ë yajnikëxë'kpy koos xytsyoky, ets pën xytsyojkpës, tsokanëp ja nTeetyës ets ntsokäämpyës näjyëtu'un ets nnänyikëxë'ëkanëp ëjts ma yë'ëjën.

Hechos 2:39

Miits yë Dios të mtukwinwanëtë mëët yë m'u'unk m'ëna'këty ets jënu'un yë naaxwiinyëtë ja'ay mëti'ipë jëkämpaat tsënaaytyëpën, ni'ëmukë mëti'ipë ja Wintsën wyinwitsäämpyën.

Deuteronomio 4:37

Ojts tsoky tjawë miits ja m'ap m'okëty ets yë'ë wyin'ijx ja m'ap m'ok ja y'u'unk y'okëty, paatykyëjxm ojts jap tjuuty Egiptë mëët ja mëk'ajtën.

Deuteronomio 5:29

Jëtu'un jeexyë xëmë myäytyë tyajtë etsës jeexyë xywyinkutsë'ëkëtë ets tpatuntëty yë n'ënä'ämënës ntëyajtënës winjëpom, ko jeexyë y'ëkjëtu'un'aty janty jotkujk jeexyë jyuuky'atë winë xëëw winë jëmëjt ets näjyëtu'un ja y'u'unk y'ëna'këty.

Deuteronomio 7:9

E paaty ja'amyätstë, këtii xyjyä'äytyëkoytyëty ko yë Wintsën mëti'ipë mTiosajtëpën, yë'ë tëy jaanty, mëti'ipë kyuuytyuunpyën ja y'aaw y'ayuk oy kanaak yë xëëw jëmëjt tyimnaxëty, ma ja mëti'ipë tsojkëyëpën ja'awëyëpën ja y'ënä'ämën tyiyajtën.

Santiago 1:12

Akujk jotkujk ja ja'ay mëti'ipë amëk jotmëk myëtënääpyën ja ëyo'on jotmay; ko tuknaxëty ja ëyo'on yë'ë kyuma'ayën'atäämpy ja juukyajtën mëti'ipë Dios të tukwinwanën ja mëti'ipë tsojkëpën.

1 Juan 4:19

Paaty ja Dios ntsojkëm, jä'äkyëjxm ko yë'ë jëwyiin të xytsyojkëm.

1 Juan 5:3

Ko ja Dios ntsojkmëty, ja y'ënä'ämën ënety npatu'unëm ets ja y'ënä'ämën ka'ap tsyiptä'äky,

2 Juan 1:6

Tsojkën ja'awën ënety yajmëët'ajtp ko yajpatuny ja ënä'ämën tëyajtën, yë'ë jëtu'un ënä'ämën'ajtp ko nätsyojk näjya'awëmëty ijxtëm të xynyijawëtën.