Éxodo 20:5 - Biblia Dc en Mixe de Quetzaltepec

⁵ Ka'ap jëtu'unpë xywyinkoxtänëty, ëkë xymyëjjaw xyjyäänty jyawëty. Jä'ä ko ëjts jëtu'un mWintsën Dios, mëti'ipë ni'äkë'ajtp ets tmo'oy ja tëytyu'unën ja taak teety ja y'ëxëëktu'un y'ëxëëkkajpxën ma ja u'unk ëna'kën ets ma ja ok'u'unk ok'ëna'kën ets ma ja ok'u'unk ok'ëna'kën ja y'u'unk y'ëna'këty, tëkëëk ets taxk najtskä'äxë paat.

Biblia Mixe de Quetzaltepec

⁵ Ka'ap jëtu'unpë xywyinkoxtänëty, ëkë xymyëjjaw xyjyäänty jyawëty. Jä'ä ko ëjts jëtu'un mWintsën Tios, mëti'ipë ni'äkë'ajtp ets tmo'oy ja tëytyu'unën ja taak teety ja y'ëxëëktu'un y'ëxëëkkajpxën ma ja u'unk ëna'kën ets ma ja ok'u'unk ok'ëna'kën ets ma ja ok'u'unk ok'ëna'kën ja y'u'unk y'ëna'këty, tëkëëk ets taxk najtskä'äxë paat.

Éxodo 20:5 ပူးပေါင်းရင်းမြစ်များ

2 Samuel 21:1

Ma ja David ënety y'ëne'emyën, ojts jam yë yuu xëëw y'ity tëkëëk jëmëjt. Ënet yë David ojts yë Wintsën tuk'ëwaanë ets y'ëtsoowë: Yë yuu xëëwpaaty yë jyää'aty, jä'ä ko yë Saúl ojts nanëkoo may tyaj'ooky yë Gabaón ja'ayëty.

2 Samuel 21:6

yë'ëjës ntsojktëp etsës niwëxtujk yë jyä'äy xytyukkë'ëtëkëtëty, etsës jam ntëyë'ëktëty Wintsën wyintum jam Guibeá ma ja Saúl tnitänën, ja Saúl mëti'ipë yë Wintsën kë'ëm wyin'ijxën. Ja yajkutujkpë ojts tkupëky ja mëti'ipë yajtukmëmëtyakën,

1 Reyes 19:10

Tä ja Elías y'ëtsooy: Mijts Wintsën mëti'ipë maaytyääyëpën winë, yë'ëjës nmëkja'ap ets yë'ë ko ni'ikyë, paatyës yam nikäjpxy ko yë Israel ja'ayëty tëë tja'atyëkooynyëtë ja käjpxytyu'unën mëti'ipë tyuuntën mëët mijts, tëë tjijta'atë ja mwintsë'këntyakn ma myajmëjjawën ets tëë tyaj'o'kta'atë ja mtuunpëtëjk. Ëjtsyë atu'uk të njaakwë'ëmyës juuky, ets nän tääjës nyajpaajëtity etsës näjyëtu'un xyaj'ooka'antë.

1 Reyes 21:29

¿Tëë xy'ixyë wi'ix yë Ahab yë jootwinpijtën të tmëët'atyë ets wi'ix ëmaay amutsk të nyäpyëjktä'äkyë ma ëjtsënë? Mëët yë'ë ko të mjootwinpity ets ëmaay amutsk të mnäypyëjktä'äkyë ma ëjtsën, yë'ë ets jyiiky myëku'uk ka'apës wi'ix ntuna'any ma tyam jyuuky'ätyën, jäänëm tëy nëjkx ja ëyo'on nyajkëtä'äkyës ko ënety yë'ë ja myaank jyuuky'äty.

2 Reyes 17:35

Ko ja Wintsën tuuny ja käjpxytyu'unën mëët yë'ëjëty, ojts tuk'ëne'emy: Këtii wiink tios xy'ëwtatëty ets xymyëjjawëtëty, ka'ap xymyo'otëty yë wyintsë'kën.

2 Reyes 23:26

Yë Josías ojts winë oy tjatuny, ja Wintsën kä'äpyëm xye'emy ja tsyip y'äkë, mëët tä ënety mëj këjää të tyimmëtëkoyën ja Manasés ma ja Judá ja nyaax kyajpnën.

2 Reyes 5:18

Tu'kjëjpës je'eyë Wintsën tyam n'amëtoy etsës xypyokymyä'kxëty: Yë'ë ko ënety yë nwintsënës jam nyijkxy ma Rimón yë tsyajptëjkën ets nëjkx jam yë Rimón t'ëwtata'any, jä'ä ko yë'ë jam nyäkyutijyë maas nkejkyën ets kopkpëky koos ëjts näjyëtu'un näkyuxtënaaytya'akëtëty jap ma tääpë tsajptëjkën, yë'ëjës mpëjktsoopy etsës yë Wintsën xypyokymyä'kxëty.

2 Reyes 5:27

Paaty, mëët ko jëtu'un ja winma'any të xypyääty, ja pu'uts pa'am mëti'ipë ja Naamán të tmëët'atyën jam ënät pyäjta'ajëty ma mnini'kxën ets ma m'u'unk m'ëna'kën winë xëëw. E paaty ko ja Guehazí, tim je'eyë jam tsyo'ony, tëë ënety ja pu'uts pa'am nyäpyataayënë, je'eyë yaj'ijxkojnë poop këëynyë jä'ä yowë pixyny.

2 Crónicas 25:14

Ko ja Amasías ojts wyimpijnë, tëë ënety tsyiptuunta'ay mëët ja Edom ja'ayëty ets tëë ënety myëtä'äky; yë'ë ojts tjä'ä'ajta'ay ja tsaapotsy ets ja awinax mëti'ipë ënety ja Edom ja'ayëty të tmëmintën, ojts wyintsë'kën tmo'oy ets ojts t'ëwtaty.

2 Crónicas 7:19

E pën miitsëty xymyëjëkämkäktëpës ets ka'ap xy'ëktuunëtë jëtu'un tä ja n'ënä'äm ntëyajtënës jyaminyën, ni'ikyë ja wiinkpë ja wintsën xypyanëjkxtëjkënëtë,

Job 21:19

Jëtu'un yë käjpxy y'ënä'äny: ko u'unk ëna'k kyëpejtyp ko yë taak teety kyamëtä'äky. E yë ja'ay mëti'ipë pokytyuunpë yë'ë mëpaat tkëpety yë pyoky ets ëxëëk jyatëty kyëpätëty.

Job 5:4

Yë y'u'unk y'ëna'k ni pën kyaputëkëty. Ko yë yajkutujkpëtëjk pyaye'exyëty yë pyoky, ni pën kyapukajpxëty.

Salmos 109:14

Wä'än yë Wintsën tja'amyetsy wi'ix yë tyeety ojts tyuuntëkoy kyajpxtëkoyën, ets ka'ap nijëna'a tjo'tsëty ja tyaak ja nyëë pyoky.

Salmos 78:58

Ojts tyajjoot'anpëktë mëët ja wintsë'këntyakn, ma ja wiink tios t'ëwtatën,

Salmos 79:8

Këtiis xytyukkëpätëty ja nyëë pyokyëty ja n'ap n'okëtyës; wä'änës tsojk tminy ja myu'unkjot myu'unk winma'any, jä'ä ko ëëtsëty tëë nmëjaawkëjxta'atës.

Salmos 81:15

Mëti'ipë myëtsip'ajtëpën yë Dios, tsë'ëkë mëët jeexyë të wyë'ëmta'atë, ma të yajtëytyuntën, tsa'ay jeexyë të wyë'ëmtë.

Éxodo 23:24

Këtii näjyëtu'un winë ëxëëkjaty xytyunëty ijxtëm yë'ëjëty y'ëtë'ëtstën y'ëna'antën. Këtii xywyinkoxtänëty mëti'ipë yë'ëjëty tyios'ajtëpën ets ni xykya'ëwtatëty, ni'ikyë mëpaat xytyukwop xytyukka'atsë yë nyaaxpotsyëty mëti'ipë y'ëwtajtëpën.

Éxodo 34:14

Këtii wiinkëtypë wintsën xy'ëwtatëty, jä'ä ko yë Dios ni'äkë'ajtp yë'ë, jä'ä xyëëwajtyp Ni'äkë'ajtpë.

Proverbios 8:36

e koos pën xy'ëxmatsy, jëtu'un tä jeexyë atsë'ëkëtuuy nyäpyëjktä'äkyën; pënës xy'ëxëëk'ijxp, o'kën tsyojkën'ajtyp.

Isaías 44:15

Tam mëti'ipë ja'axy'ataanpën; tam mëti'ipë jëën yajtukno'okaanpën ets ja'ay xyamëty; tam mëti'ipë tsajpkääky tyukë'ëwäämpyën; ets tam mëti'ipë awinax tyuktsätsäämpyën ets ja'ay t'ëwtatëty.

Isaías 44:19

Ka'ap nijënu'un myäytyë tyajtë ets ka'ap nijënu'un wyinma'anypyaatë, paaty ka'ap jyä'äkyukëtë ets ka'ap tukjatë wi'ix y'ëna'antëtyën: Kujkwä'kxy ya'atë kepy të nja'axy'ätyës, ets ko të tyooytyä'äky täätsës yë tsajpkääky të ntukyajkë'ëy, tëëjës tsu'utsy ntuktsa'ay etsës të ntukkay; e ja kepy mëti'ipë të nyatëkën yë'ëjës mëët yë awinax të nyajkojy, paaty yë mëti'ipës n'ëwtajtypyën, kepy yë'ë.

Jeremias 2:9

Paaty n'ëna'anyës, ëjts mëti'ipë Wintsën'ajtpën: Nyajpëtë'ëkäämpyës tu'uk ë'ënën ma miitsëtyën ets ma m'u'unk m'okëtyën.

Jeremias 32:18

Kanaak najtskä'äxë mijts ja mtsojkën mja'awën xyaj'ity, je'eyëp ko mtëytyuunpy ja ja'ay mëti'ipë tyeety tyaak pyojkpyën. Dios mëjpë ets mëti'ipë maaytyääyëpën winë, jä'ä mijts mxëëwajtyp Wintsën mëti'ipë maaytyääyëpën winë.

Ezequiel 18:19

Nëjkxëp xyajtëwtë: ¿Wi'ix ko yë u'unk ëna'k ka'ap tkukëpätë ja teety ja pyoky? Paatykyëjxm jyëtu'unëty jä'ä ko ja u'unk ëna'k ojts tuntë mëti'ipë mëtëyën ets mëti'ipë wa'atsën, ojts tpatuny ja ënä'ämën tëyajtën; paaty mëtëy ko jyuuky'ata'any.

Ezequiel 18:2

¿Wi'ix ko jam Israel je'eyëm yë käjpxy y'ënä'äny: Ko yë teety taak yë tsatym xun tjë'kxtë y'u'unk tëtsxëmimëtëp?

Ezequiel 20:7

Ets n'ënëmaaytyës ko wä'än t'ëxmajtsta'atë yë tyiosëty mëti'ipës n'ëxëëk'ijxypyën ets ka'ap nëkoo tpanëjkxtëkëtëty yë awinax japë Egiptë yajpaatyën, jä'ä ko ëjts mëti'ipë Wintsën'ajtpën, ëjts yë xyTyios'ajtëp.

Ezequiel 39:25

Paaty ëjts maas nWintsën'atyën, jëtu'unës yam n'ëna'any: Tyam mpa'ëyowa'anyës nitu'kë'ëyë yë Israel kajpn, yë Jacob yë y'u'unk y'ok. Ëjts nyajkutukäämpy ets wyimpitëty oy ja jyuuky'ajtënëty, etsës nimëkta'aka'any twinkutsë'ëkëtëty wa'atspë nxëëwës.

Ezequiel 8:3

Tëë ja ja'ay ja kyë'ë xynyimëjxajyës ets të tmatsy ja nwaayës. Ënet ja Dios ja myëj'ajtën të xyajpëtë'ëkyës etsës pojjoty të xyajnëjkxy, etsës ja Dios të xytyukwin'ixy xyajnëjkxyës jam Jerusalén, jam të xypyëjktä'äkyës ma yajnitëkën ja naax kajpn, anëkëjxytsyowpë, ma yajpaatyën ja awinax mëti'ipë ëxëëk yë Dios t'ixyën.

Daniel 1:2

Wintsën ojts kë'ëm tyajkutuky ets Nabucodonosor tmatsëty yë Joaquim ets yë'ë ojts näjyëtu'un tyajkutuky ets Nabucodonosor tyajpëtsëëmta'ajëty jap tsajptëkoty ja apëjk atu'unën mëti'ipë ja Dios jyä'ä'ajtypyën ets jap tpëjktaktaay ja Dios ja y'apëjk y'atu'unën ma ja kyë'ëm tsajptëjkën ma jap y'ityën kanaak ja tios mëti'ipë y'ëwtajtypyën;

Daniel 3:18

E oy tkatuunpëty jëtu'un tä ëëts yam n'ëna'antën, mijts yë'ë mnijawëp ko ëëtsëty ka'apës tääpë awinax n'ëwtata'antë ets ka'apës nwinkoxtänëja'antë mëti'ipë të xy'oytyunyën mëët yë pu'ts pujxn.

Nahúm 1:2

Yë Wintsën ni'äkë'ajtp yë'ë ets nitsiptuunp: Ni'äkë'ajtp ma ja ja'ayëtyën mëti'ipë ëwa'ktujkëpën ets tyukjoot'anpëjkpy yë myëtsiptëjk.

Mateo 4:9

ets y'ënëmaayë: Nmooytya'ajëp ya'atë kajpn pën xywyinkuxtënääpyës ets xy'ëwtajtpës.

Juan 15:18

Ko miits mka'oy'ixëtëty ja mëti'ipë yajtuuntëpën ja naaxwiinyëtë winma'any, jëtu'un xynyijawëtëty koos ënety jëyëjp të xykya'oy'ixtë.

Juan 7:7

Mëti'ipë ka'ap ja Dios nijawëtën ka'ap tjëkyepy miits m'ëxëëk'ixëtëty; je'eyëp koos xy'ëxëëk'ijxtëpës yë'ëjëty, jä'ä koos nnikäjpxy ko ka'ap tii oy tuntë.

Juan 9:2

Ets ja y'ijxpëjkpëtëjk yajtëëwëtë: Wintsën, ¿tii ko ya'atë ye'etyëjk ojts myëxu'unk'aty wiints? ¿Tyaak tyeety jëtää poky myëët'ajtyp ëkë kyë'ëmpoky jëtu'un kyujajtëpë?

Romanos 1:30

Nyikajpx nyimëtyaktëp ëxëëkjaty ja myëku'ukëty, myëtsip'ajtëp ja Dios, ëxëëk kajpxtëp, mëjjëtëp patëtëp, amëj akëjxm, myëwinma'anypyaat'ëtëtstëp ja ëxëëkpë, ka'ap ja tyaak tyeety tmëmëtowtë,

Romanos 8:7

Pën myääytyëp tyajtëp mëti'ipë ja ni'kx kopk tsyojkpyën, myëtsip'ajtëp ja Dios, jä'ä ko ka'ap ja Dios ja y'ënä'ämën tsojkëtë ets ka'ap tpatuunëtë.

1 Corintios 10:22

Ëkë ¿yë'ë Wintsën nyajjoot'anpëka'anëmë? ¿Wäänë mëj jëtää ja winma'any nmëët'ajtëm këtiinëm yë'ëjë?

Deuteronomio 32:21

Yë'ëjëty je'eyës xëmë xyajjoot'anpëktë. Jä'ä ko ënätyë wiink wintsën tpanëjkxtëkëtë, ëxëëkës njanäjyawëty, ko yë'ë tmëjjawëtë ka'apë wyintsënëtyën. E kajts wyi'ixëty oy ko jyëtu'unëty, nëjkxëp yë ja'ay ëxëëk tyunëtë mëti'ipë jëtu'unyë jëtijtëpën, ka'apë yajnijawën maajën kyukajpn'atë, nëjkxëp yajtsipkä'äxëtë yë ja'ay mëti'ipë ka'ap ninu'un jyä'äkyukën.

Deuteronomio 32:41

Koos ënety tëë ntuknipëjktaakë, etsës ja ëyo'on nyaj'ita'any, ets jëtu'un ja nëë poky nipaye'eyëtyës, ëxëëkës nëjkx ntuny ja nmëtsiptëjkës, ets ntukumëtowa'antës, mëët wi'ixës të xytyimtuntën. Ja mëti'ipës ënety xy'ëxëëk'ijxypyën, ëxëëkës nëjkx nyajjaty nyajkëpety.

Deuteronomio 4:24

Jä'ä ko miits yë mWintsën Tiosëty, yë'ë Dios mëti'ipë ni'akë'ajtpën. Ko tii tka'oy'ixy, jëtu'un yë jyoot'anpëky tä tu'uk yë mëj jëën tyajtooytyä'äyën winë.

Deuteronomio 5:10

E mëti'ipës xytsyojkp xyjya'apën ets pyatuumpy ja n'ënä'ämënës ntëyajtënës, mëkës ntsoky njawë ets ka'ap tsyojk'amëty, kë'ëyxyëëw kë'ëyjyëmëjt jëtu'un.

Deuteronomio 5:9

Ka'ap xywyinkoxtänëty ets ka'ap xymyëjjawëty, jä'ä tu'ukyës ëjts nWintsën'aty mëti'ipë mTios'ajtypyën. Ëjts Dios mëti'ipë ni'akë'ajtpën, ntëytyuunpës ja nyëë pyoky ja taak teety ma ja y'u'unk y'ëna'këtyën ets mëtëkëëk mëmajktaxk najtskä'äxëpë.

Deuteronomio 6:15

Jä'ä Ko yë Wintsën mëti'ipë miits mTiosajtëpën, mëti'ipë yajpatpën mëët miitsëty jä'ä yë Wintsën mëti'ipë ni'akë'ajtpën; tsojk mtukjoot'anpëkëtëty ets myajkutëkoyëtëty ko xykyamëmëtowtëty.

Deuteronomio 7:10

E mëti'ipë ëxëëk'ijxëpën, poj'am tyajkutëkoy. Yë'ë ka'ap tyajpo'oxy ets tukukëpety ja ja'ay mëti'ipë ëxëëk'ijxëpën.

Santiago 4:4

Miitsëty, mëti'ipë ja Dios të y'ëxmatstën, ¿tii këtii xynyijawëtë ko ja Dios ka'ap tsoky ets ja naaxwiinyëtë winma'any n'atsojkmëtyë? Oy tyimpënëty mëti'ipë ja naaxwiinyëtë winma'any y'atsojkpyën, ja Dios myëtsipëjkpy.

Josue 23:16

Pën ka'ap xypyatuntë ja Wintsën ja kyäjpxytyu'unën. Ko miitsëty wiink tios xy'ëwtajnëtëty ets xywyinkoxtënaaynyëtëty, yë Wintsën mëj këjää nëjkx mtukjoot'anpëkëtë ets ka'ap mnimä'kxëtëty; wa'ats myajkutëkooytya'ajëtëty koonëm mkëxtëty yaa naaxwiiny naaxkëjxy ma ya'atë it naaxwiinyëtë të mo'ojëtën.

Josue 23:7

Këtii ja mjot mwinma'anyëty nëkoo xyajjo'optëty mëët ja ja'ayëty yaapë tsyëënëtën. Këtii yë tyios xy'ëwtajtëtëty, këtii xymyëmëtowtëty, këtii xyëëw xykyajpxpatëtëty ets ni jää xykyakajpxpaatëty ko tii xyajtëytyëkëtëty.

Josue 24:19

E ja Josué tyaa y'ëtsoowëtë: Miitsëty ka'ap xyjyëkyäptë Dios xymyëtuntëty. Jä'ä ko wa'ats yë'ë ets ni'äkë'ajtp; ko pën je'eyë kyäjpxykyutëjy ets pyokytyuny, ka'ap jëtu'unyë tnani''ijxnaxy.

Jueces 2:19

E ko ja ja'ay y'o'knë mëti'ipë ënety tsip'ixyën ets tëë ja nyaax kyajpn twinye'ey ënätyë ijty jatëkok ja wyinma'any tyajtëkoytyë ets ni'ik o'ktëy winë tuntë këtiinëm ja y'ap y'okëty, t'ëwtatë ja wiink tios ets tmëtuntë. Ninu'un ënety tkatimy'ëxmatstë ja y'ëxëëktu'un y'ëxëëkkajpxënëty ets ja y'ëxëëkjot y'ëxëëk winma'anyëty.