Éxodo 20:24 - Biblia Dc en Mixe de Quetzaltepec

²⁴ Paaty yam n'ënëëmëtë ets xy'oytyuntëty tu'uk yë wintsë'këntyakn, yë naax mtukpotstëp ets jamts xymyo'otëtyës yë mjëyujk mtsajpkaajëty ets xynyino'oktëty, jëtu'un'äämpy ntu'unmëty ja nay'ëëw'oy näykyajpx'oyë. Ëjts minaanpës ma miitsëtyën ets nkënu'kxa'antë, oy jëtu'un tyimmaa'atëty maas ënety ntsokyën etsës ja nxëëw mëj jaanty y'itëty.

Biblia Mixe de Quetzaltepec

²⁴ Paaty yam n'ënëëmëtë ets xy'oytyuntëty tu'uk yë wintsë'këntyakn, yë naax mtukpotstëp ets jamts xymyo'otëtyës yë mjëyujk mtsajpkaajëty ets xynyino'oktëty, jëtu'un'äämpy ntu'unmëty ja nay'ëëw'oy näykyajpx'oyë. Ëjts minaanpës ma miitsëtyën ets nkënu'kxa'antë, oy jëtu'un tyimmaa'atëty maas ënäty ntsokyën etsës ja nxëëw mëj jaanty y'itëty.

Éxodo 20:24 ပူးပေါင်းရင်းမြစ်များ

Génesis 12:2

Ëjts nyajkojäämpyës mëjpë ja naax kajpn mëët ja m'u'unk m'ok. Mijts nkënu'kxäämpyës mëjwiin këjää ets mëj'äämpy nyaj'ita'any ets mëët mijtskyëjxm kënu'kxy nëjkx may yë ja'ay y'itë.

2 Samuel 6:12

Ko ja David yajtukmëmëtyäky wi'ix ënety ja Obed-edom mëj këjää jam ja näkyënu'kxë tpaatyën ma jyëën tyëjkën ets ma yë'ëjën, ënät ojts nyijkxy akujk jotkujk ets jam tmëtsoona'any ja kaaxë ets tyajnëjkxa'any jam Jerusalén.

1 Reyes 8:29

Ni''ijxkëta'ak ya'atë tsajptëjk xëëny koots ma të xynyikäjpxyën ko jap myajpata'any. Mëtoow'it ja jëëytyak nu'kxtakën mëti'ipë ya'atë mtuunpë yam yajnajxypyën.

1 Reyes 8:43

Mëtoow'ijtëp ja y'aaw y'ayukëty jam tsajpjotm ma myajpaatyën ets mo'ojëp mëti'ipë ënety m'amëtoow mpëjktsoowëpën. Jëtu'un tu'kë'ëyë ja naax kajpn tnijawëtëty ja mxëëw ko myëkëty ets mwinkutsë'ëkëtëty jëtu'un tä Israel naax kajpn mwinkutsë'ëkëtën ets nëjkx tnijawëtë ko yaa ja mxëëw yajmëjjawë, ma ya'atë tsajptëjkën, mëti'ipë yam të yajkojyën.

1 Reyes 9:3

ets y'ënëmaayë: Tëës nmëtoy wi'ix të mkajpxtä'äkyën ets wi'ix të mjëëytyä'äky të mnu'kxtä'äkyën; tyaapë tsajptëjk mëti'ipë të xykyojyën, tëëjës yam nkënu'kxy maas ja xëëw xëmë yajja'amyätsëtyën. Xëmës nkëwent'ata'any ets xëmës nja'amyätsa'any.

2 Reyes 5:17

Ënet ja Naamán y'ënäny: Pën ka'ap xykyupëky, ëjts yë'ëjës yam n'amëtowäämpy ets xy'a'ixëty wä'änës yë naax mäjtsk jëyujk n'ëkpatsëmy mëti'ipë yaajën ma Israel nyaaxjotmën; jä'ä ko tëëjës ntuknipëjktaakë ko ka'apës n'ëk'ëwtatanë oynatii awinax ka'apë wyintsënëtyën ets ka'apës oynatii wintsë'kën n'ëkmo'ojanë, yi'iyë tëy mëti'ipë Wintsën'ajtpën.

2 Crónicas 12:13

Roboam ojts tyajmëktä'äky ja kyutujktakn ets yi'iyëm ojts jam y'ëne'emy. Wixtyikxytyu'ukt ënety ja jyëmëjt ko tyëjkëy yajkutujkpë, majkmokx mäjtsk jëmëjt jam yajkutujky Jerusalén. Ja kajpn mëti'ipë ja Wintsën wyin'ijxën ets yë'ë tkajpn'ata'any ma tu'kë'ëyë yë Israel kajpnën. Jä'ä ijty yë Roboam yë tyaak xyëëwajtyp Naamá, jam Amón kyukajpnëty.

2 Crónicas 6:6

e ëjts ojtsës nwin'ixy yë Jerusalén ets jam yajmëjjawëty yë nxëëwës ets nwin'ijyxës yë ntuunpës David ets yë'ë tu'uwinye'eyëty yë naax nkajpnës.

2 Crónicas 7:16

jä'ä ko tëëjës kë'ëm ya'atë it naaxwiinyëtë nwin'ixy, tëëjës kë'ëm nkënu'kxy ya'atë njëën ntëjkës, ma y'itëtyën ja'amyetsy winë xëëw winë jëmëjt ja nxëëwës. Xëmës nmëët'ata'any, nkëwent'ata'any winë xëëw winë jëmëjt.

Esdras 6:12

Ja Wintsën mëti'ipë wyin'ijxën ja Jerusalén kajpn ets yë'ë tjä'ä'ata'any, nëjkxëp tyajkutëkoy ja naax kajpn mëti'ipë ënety ëxëëk tunanëpën ets mëti'ipë yajjotkëjxëpën ma ja tsajptëjk jam Jerusalén tuunk'atën. Ëjts Darío, mëti'ipë yajkutujkpën, jëtu'unës ya'atë ja ënä'ämën mpëjktä'äky. Yajpatunëp jëtu'un tääjës yam nikäjpxyën.

Nehemías 1:9

e ojts näjyëtu'un xynyikäjpxy pën ëëts jootwinpijtëpës ets mpatuuntëpës ja m'ënä'äm mtëyajtën ets oy ëëts axit ako'owë ënety nyajpaatë, koos mpatuntëty ja m'ënä'ämën mtëyajtën, mijts jamës nëjkx xyajtsoontë ets xyajmintës jatëkok ma ja kënu'kxypyën ja naax kajpn ma mijts xywyin'ijxyën ets jam ja mxëëw y'itëty ets yaja'amyatsëty.

Salmos 101:2

Ëjts tëy tëtä'äkyës njuuky'ata'any. ¿Jëna'ajës xynyimina'any? Oy winë ntuna'any nkajpxa'anyës maas nyajkutukyën.

Salmos 122:2

Jerusalén, tëës nja'të ma mkajpn yajnitëkën.

Salmos 128:5

Yë Wintsën yë'ë mkënu'kxëtëp jam Sión, m'ixëp ko ënety ja Jerusalén kajpn akujk jotkujk yajpaaty mapaat mjuuky'ätyën.

Salmos 134:3

Wä'än yë Wintsën mkënu'kxëtë jam ma Sión kopkën mëti'ipë yajkojën yë tsajp ets naaxwiinyëtë.

Salmos 74:7

Tëë jap yë jëën tpëjkta'aktë tsajptëkoty; ka'ap nijënu'un yë winkutsë'kën të tmëët'atë ma mtsajptëjkën, tëë yajxon tim nyaaxkujijtëtya'atë.

Salmos 76:2

Yë tsyajptëjk jam yajpaaty ma Sión kopkën, jam Jerusalén;

Salmos 78:68

pën tëy ojts twin'ixy, ja Judá ja y'u'unk y'ëna'k ets ja Sión kopk mëti'ipë oy tsyojkpy jya'apën.

Éxodo 10:25

Tä ja Moisés y'ëtsooy: Ni'ikyë mëpaat xymyo'otë ja mjëyujk mtsajpkaa, mëti'ipës ja Dios ntukwintsë'ëkëtëpën, mëti'ipës nwintsën'ajtëpën.

Éxodo 18:12

Ënet ja Jetro ojts tu'uk tyaj'ooky yë jëyujk ets tnino'oka'any jam Dios wyintum, tmëjjawëja'any ets tkënu'kxyjyawëja'any ja Dios, ëpëky ojts tkë'ëyäky yë näyoxë. Ënet yë Aarón ets ja mëjja'aytyëjkëty, mëti'ipë nyimëjja'ay'ajtëpën ja naax kajpn ojts jam nyëjkxtë kääpyë ukpë mëët ja Moisés ja myë't Dios wintum.

Éxodo 20:25

E pën m'oytyuuntëp yë wintsë'këntyakn mëti'ipë tsaajën, këtii yë'ë xyajtuntëty mëti'ipë tëë yajpuxy yajtsetsyën. Jä'ä ko yë tsaa mëti'ipë tëë yajpuxy yajtsetsyën ka'ap yë y'ëkwa'ats'ajnë ets tu'uk yë wintsë'këntyakn yajtuk'oytyunëty.

Éxodo 24:4

Yë Moisés ojts tjaaypyäjta'ay tëkokyë mëti'ipë ënety ja Dios të tnikäjpxyën, ko kyomjëpom'ajty, tsojk ojts myä'äypyëtë'kojy ets t'oytyuuny tu'uk yë wintsë'këntyakn jam ma kopk'ëjxën, majkmäjtsk ojts ja tsaa tkoontä'äky jëtu'un ijxtëm ënety ja Israel ja'ayëty ja tyeety y'apetyën nimajkmäjtskpë.

Éxodo 24:5

Ënet ojts tuk'ëne'emy ja ëna'ktëjkëty ets tyaj'ooktëty ja tsajpkaa ets jä'ä tukwintsë'ëkëtëty ja Dios, jëtu'un'äämpy ja nay'ëëw'oy näykyajpx'oyë tuntëty mëët yë'ë.

Éxodo 27:1

Oytyun tu'uk yë wintsë'këntyakn, taxk yë pya'a xyajkojëty tu'knax, yë'ë myajtunëp yë acacië kepy, jä'ä pya'a myëjwiin'atëty tu'kxajpk ja kujkm ets xyajkëjxm'atëty mäjtsk kë'ënux ja tu'ktsa'atsy.

Isaías 64:5

Mijts m'oyjya'ap yë ja'ay mëti'ipë akujk jotkujk winë oy tyuunpyën, ets jyä'ämyejtsyp mëti'ipë mijts mtsojkpyën yajtunëty.

Malaquías 1:11

Oymyaanaax myaakajpnëty aakyë'ë oypyë xymyooytyëpës yë wintsë'kën ets aak'oy tyaktë yë pyoomëty mëti'ipës xytyukwintooytyëpën.

Mateo 18:20

Jä'ä ko ma nimäjtsk nitëkëëk ja'ay yajpaatyën ëjts nxëëwkyëjxmës, tamës ëjts itkujky nyajpaaty.

Mateo 28:20

ets xytyuk'ijxpëktëty wi'ix tpatuntëtyën tu'kë'ëyë mëti'ipë miitsëty të ntuk'ënä'ämtën. E ëjts jëtu'unës n'ëna'any ko yajpaataanpës xëmë ma miitsëtyën mapaat yë naaxwiinyëtë jyää'atyën.

Deuteronomio 12:11

Ja it naaxwiinyëtën mëti'ipë ënety ja Wintsën të twin'ixyën ets jam yajpaata'any, nëjkxëp ja wyintsë'kën xymyo'otë mëti'ipës yam të nikäjpxyën. Nëjkxëp xytyukwintsë'ëkëtë ja jëyujk mëti'ipë myaj'ooktëpën ets xynyino'oktëty. Nëjkxëp näjyëtu'un xymyo'otë yë ayajk ako'onën ets tu'kpëkpyë yajëpëkyën ma ja majk pëkpyën ets ayajk ako'onën mëti'ipë të xytyukwinwanëtën ets xymyo'oja'antë.

Deuteronomio 12:21

Pën ja it naaxwiinyëtë jëkäm wyi'imy ma ënety ja Wintsën të twin'ixyën, miitsëty mjëkyäjptëp yë tsajpkaa ets tsajppaxy xyaj'ooktëty ets xytsyu'utstëty, mëti'ipë ja Wintsën mooyëtëpën, ma ënety jam myajpaatën.

Deuteronomio 12:5

Ma miits yë mja'ayëtyën, yë Wintsën nëjkxëp twin'ixy tu'uk yë it naaxwiinyëtë ma nëjkx yaj'ëwtatyën, e miitsëty jam nëjkx mnëjkxtë.

Deuteronomio 14:23

Mëti'ipë ënety mpupëjktëpën oy yë'ëjëty yë tsajpmok, tsatym nyëë, ëkë on; ëkë wä'än yë'ëjëty ja më''ëka'anypë myinyën naaxwiiny, ejxtëm ja mjëyujk mtsajpkaajëtyën, mtsajppaxëty, ëkë mkupixynyëty, jam nëjkx xytsyu'utstë xyjyë'kxtë jam wyintum ma ja mWintsënëtyën, ma ja it naaxwiinyëtën mëti'ipë ënety yë'ë kë'ëm të twin'ixyën ets jam yaj'ëwtat yajmëjjawëty. Jëtu'un'äämpy xytyukjatëty wi'ix mëpaat ja Wintsën xëmë xywyinkutsë'ëkëtën.

Deuteronomio 16:11

Jëtu'un nëjkx ja Wintsën tu'uk ja myëjxëëw xyaj'apaatëtë jam ma ja it naaxwiinyëtë kë'ëm të twin'ixyën ets ja xyëëw jam yaja'amyätsëty; ko tyaapë xëëw xyaj'apaatëtëty, tam'ajtp ënety ja m'u'unk m'ëna'këty, mëtuunpë, Leví ja'ayëty, jaaypyaat jaaypyo'kxy, ku'ooky'u'unkëty ets ku'ookytyo'oxëty.

Deuteronomio 26:2

Ja aaytyëëm ujtstëëm, ëkë ja aaypyajk ujtspajk mëti'ipë ënety ëka'any myajpëtë'kpyën, yë'ë mwin'ixëp yë oyëtypë tsujëtypë ets jap xy'apëkëty ma tu'uk yë katsyën, tääts xymyënëjkxëty jam ma ja it naaxwiinyëtën, mëti'ipë yë mWintsën ënety kë'ëm të twin'ixyën, ko jam yë xyëëw yaj'ëwtatëty yaja'amyätsëty.

Deuteronomio 7:13

Nëjkxëp mtsokëtë mjawëtë, mkënu'kxëtë ets myajmëj myajmayëtë; nëjkxëp tkënu'kxy ja m'u'unkëty m'ëna'këty, mpëjktä'äkyëty, mjë'kxyëty mpëkyëty, mka'ayënëty m'ukënëty, m'uukyëty mtojkxëty ets ja mjëyujk mtsajpkaajëty jam ma ja it naaxwiinyëtën ma ojts Dios ja m'ap m'ok tukwinwanën.

1 Timoteo 2:8

Ntsojkpyës ets ja ja'ay tja'amyätstëty ja Dios oymyaatsowëty, ets ja kyë'ë tyujkxajtëty ma ja Tiosën mëët ja oyjyot oywyinma'any ets ka'ap myëëtëty ja tsip äkë.