Éxodo 20:17 - Biblia Dc en Mixe de Quetzaltepec

¹⁷ Këtii xy'atsojkëty yë mmëku'uk yë jyëën tyëjk, këtii xy'atsojkëty yë tyo'oxytyëjk, këtii xy'atsojkëty yë myëtuunpë kyupëjkpë ye'etyëjkpë, to'oxytyëjkpë ets ni xykya''atsojkëty yë tsyajpkaa ets kyërukts ets tëkokyë ma tmëët'atyën winë.

Biblia Mixe de Quetzaltepec

¹⁷ Këtii xy'atsojkëty yë mmëku'uk yë jyëën tyëjk, këtii xy'atsojkëty yë tyo'oxytyëjk, këtii xy'atsojkëty yë myëtuunpë kyupëjkpë ye'etyëjkpë, to'oxytyëjkpë ets ni xykya''atsojkëty yë tsyajpkaa ets kyërukts ets tëkokyë ma tmëët'atyën winë.

Éxodo 20:17 ပူးပေါင်းရင်းမြစ်များ

Génesis 14:23

ko ka'apës tii ntonëty mëti'ipë mijts mjä'ä'ajtypyën, ni yë'ë piity tu'kpoty nkatonëtyës ni yë'ë po'o tu'ktsuky, mëti'ipës jeexyë yë nkë'ëk ntuk'oytyuunpyën, këtiipë ok m'ëna'anëty ko mijts të xyajkumeenytyä'äkyës.

Génesis 3:6

Ënet ja to'oxytyëjk t'ijxy, ko ja ujtstëëm janty'oy kyëxë'ëky ets janty oyjyë'kxnë. Tää tu'uk tnëtujky ets ojts tjë'kxy. Jä'ä ko y'atsojkpy ja këpetyajtën. Ojts tmo'oy näjyëtu'un ja nyiye'etyëjk ets ojts tjë'kxy.

Génesis 34:23

Tu'kë'ëyë mëti'ipë yë'ë myëët'ajtëpën ets jyëyujkëty njä'ä'ata'anëm ëëtsajtëm näjyëtu'un. Je'eyëp ko ëëtsajtëm n'ëna'anmëty oy'atëp, tääts yë'ëjëty yaa wyë'ëma'antë tsënääpyë.

Job 31:1

Ëjts tëëjës kë'ëm njot nwinma'any npëjktä'äky ko ka'apës n'atsoka'any yë to'oxytyëjk mëti'ipë nätyu'uk'ajtpën.

Job 31:9

Pën tëëjës yë to'oxytyëjk nätyukmëmëtä'äkyë ëkë pën tëëjës yë nmëjëën nmëtëjk yë tyo'oxytyëjk n'ix'ijx npa'ijxë,

Salmos 10:3

Yë ëxëëk ja'ay oy tnimëtyä'äky kë'ëm mëti'ipë tsyojkpyën; ja'ay mëti'ipë atsojkpën pyojkpy ets y'ixtijpy yë Dios.

Salmos 119:36

Mijts myajkutukëp etsës yë njot nwinma'any tsojkën'atëty yë m'ënä'ämën mtëyajtën ets këtii yë'ë ja wit meeny mëti'ipë ja win'ë'ënën mëët yajpaatyën.

Proverbios 4:23

Yajxon winë oy xymyëmay xymyëtajëty ko tii xytyuna'anëty, jä'ä ko jëtu'un xytyunëty jotkujk mjuuky'atëty.

Proverbios 6:29

Mëti'ipë näyajkujo'pëpën mëët yë wiink to'oxytyëjk, ëxëëk tmëjata'any.

Eclesiastés 4:8

tu'u yë naaxwiinyëtë ja'ay nätyu'ukpë jyuuky'ätyën, ka'apë y'u'unk y'ëna'kën ets ka'apë myëkä'äxën, ka'apë pyo'kxyën nitu'knu'un ets yi'iyë myëmääpy myëtäjpy wyit myeeny ets nijëna'a kyanäyajtëyë: ¿tiijës ko nëkooyë ntimy tyäty nyäyajtunyë? ¿Pën n'amëtu'unëp? ¿Tiijës ko ka'ap näyyajpo'kxyë? Ya'atë nän natëkë winma'any yë'ë ets je'emty yë oy.

Isaías 33:15

Mëti'ipë ja'ay mëtëy tii tyuunpyën, nän mëtëy winë tkäjpxy tmëtyä'äky; mëti'ipë ja'ay ka'ap jyiiky myëku'uk tëytyunyën ets mëti'ipë ka'ap tkupëkyën ja näynyamo'ojë mëti'ipë yajktëpën ja ja'ayëty, ka'apë y'oy'atën ja jyot wyinma'anyëty; mëti'ipë ka'ap tmëtowa'anyën ko pën tnikäjpxy tnimëtyä'äky ja yajja'ay'o'kën, ets tim winpi'tsp këtiipë t'ixëty ja ëxëëktu'un ëxëëk kajpxën.

Isaías 57:17

Mëët ko yë Israel pyokytyuny, ojtsës tëkok njoot'anpëky, ojtsës ntukëpety etsës ntimy'ëxmajtsy; e yë'ë ni'ikyë ojts wyinma'any mëk tpëjktä'äky ets ëxëëk y'ëtity y'ënäny.

Jeremias 22:17

Mijts yi'iyë mmëmääpy mmëtäjpy wi'ix ja wit meeny xypyaatëty mëët ja antakën; myaj'o'k ja ka'apë tii poky tunyën ets o'ktëy xytyuny xy'ënëëmë ja mnaax mkajpn.

Jeremias 5:8

Jëtu'un tä këwaaytyeety y'ayä'äxyën, jëtu'un të nyäpyëjktakënëtë ko t'ijxëtë myëku'uk tyo'oxytyëjk.

Ezequiel 33:31

Ets jëtu'un ja nnaax nkajpnës mniminyë ets nyaaxwäätstë mijts mwintuuy, jëtu'un tä xëmë tuunk'atën ets tmëtoow'ita'antë ja n'aaw n'ayukës. Je'eyëp ko ka'ap tpatuntë. Jëtu'un t'akajpxëtë janaam jatsojk tä ja'ay tkuuy'iyën yë nätsyok näjyawë, e ma jyot wyinma'anyëtyën, yi'iyë myëmaay myëtajtëp wi'ix wit meeny tpaatëty t'ixtëty.

Miqueas 2:2

Y'atsojktëp yë naax kam ets jyä'äpëjktëp; y'atsojktëp ets mya'tstëp yë jëën tëjk. O'ktëy tuntë yë jyiiky myëku'uk mëët yë y'u'unk y'ëna'k, mëti'ipë ja naax kam jyä'ä'ajtypyën ets mëti'ipë të yajtukumayën.

Habacuc 2:9

Janty mon janty tuk mijts myajpaaty, ko ja mjëën mtëjk të xyaj'uty mëët yë mëti'ipë të xymyeetsyën ets mjanäyajtso'oka'anyë ma atsë'ëkëtuuy m'ityën.

Mateo 20:15

ëjts kë'ëm xypyatp wi'ixës nyajtuunkpaata'any yë nmeenyës, ¿këtiijë? ¿Ëkë yë'ë xytyukka'oy'ijxpës koos oy tii ntunyë?

Mateo 5:28

E ëjts jëtu'un miits nëëmëtë, pën ja to'oxytyëjk y'ixk'ajtyp, tëë ënety tyajtëkoy ja wintsë'kën ma ja pëjkën ukën jyootjoty wyinma'anyjoty.

Lucas 12:15

Näyjyëtu'un y'ënäny: Näkyëwent'atëtë ets ka'ap tii xy'atsoktëty, ka'ap yë'ëjëty yajjuuky'äty ko tii may'äämpy yajmëëtëty.

Lucas 16:14

Ja fariseë ja'ayëty mëti'ipë ja meeny yi'iyë y'atsojktëpën. Tam ënety tmëtowtë, paaty ja Jesús je'eyë nëxik tukxiktë.

Hechos 20:33

Ka'apës nijëna'a të n'atsoky yë wit meeny, pu'ts pujxn ëkë wit xox,

Hechos 5:4

¿Tii këtii mijts xyjyä'äjëty ja naaxë? ets ko të xytyooky, ¿këtii myijtsëty xyjyä'äjëty ja nyimeenyë? ¿Tii ko jëtu'un të mwinma'anypyääty? ka'ap nyaaxwiinyëtë ja'ayëty xywyin'ëëny, Dios jëtu'un të xywyin'ëëny.

Romanos 13:9

Jëtu'un ja ënä'ämën y'ënä'äny: ka'ap xyajtëkoytyëty ja nyiwintsë'kën ja pëjkën ukën, ka'ap myajja'ay'ookëty, ka'ap mmäätsëty, ka'ap mmëku'uk nyaax kyam xy'atsojkëty. Tu'kë'ëyë ya'atë ets wiinkëtypë ja ënä'ämën, ënät tsyoowtëjkëtyä'äy ko yajpatuny ja ënä'ämën mëti'ipë ënaanpën: Tsok ja mjëëky mmëku'uk ijxtëm kë'ëm mnätsyokyën.

Romanos 7:7

¿E jyëkyejpy n'ëna'anmëty ko jyää'aty ja ënä'ämën paaty jyää'aty ja pokyë? Niwi'ix'äämpy. Je'eyëp ko ja ënä'ämën jeexyë kyaka'ty, ka'ap jeexyë ëjts nijawë tii poky'ajtp. Ka'apës jeexyë të nijawë ko tii yaj'atsoky poky yë'ë, ko jeexyë ka'ap ja ënä'ämën y'ënä'äny këtii m'atsokëty.

1 Corintios 6:10

Këtii myajwin'ëëntëty, jä'ä ko jam ma ja Dios ja kyutujktaknën ka'ap yajpaata'antë mëti'ipë jyot nyini'kx yajktëpën, mëti'ipë tsaatsetsy, kepy tsyetsy y'ëwtajtypyën, mëti'ipë ka'ap yë nyiye'etyëjk ëkë tyo'oxytyëjk twintsë'ëkën, ëkë mëti'ipë ato'oxyën, ëkë mëti'ipë myëye'etyëjk pyijkpyën y'ukpyën.

Efesios 5:3

Miitsëty mëti'ipë ja Dios ja'ay'ajtëtëpën jëtu'un mjuuky'attëty ijxtëm pyaat'atyën ko myajpaatë ma ja Dios ja kyajpnën, yë'ëpaat ka'ap xynyimëtya'aktëty ma ja ye'etyëjk to'oxytyëjk kanaak tmëët'atën oypyënëty ëkë ma ëxëëk tuunk tyajtu'uye'eytyën.

Efesios 5:5

Tëë miits xynyijawëtë ko pën ja wiink to'oxytyëjk tmëët'aty ets tam yë tyo'oxytyëjk, ëkë ko ja to'oxytyëjk tmëët'aty ja wiink ye'etyëjk ets tam ja nyiye'etyëjk, ëkë ko pën ja ëxëëkpë tuny tkäjpxy, ëkë nëkoo tii kë'ëmwinma'any t'ëwtaty, ka'ap jam yajpaata'any ma ja kutujktaknën mëti'ipë ja Kristë ets ja Dios jyä'ä'ajtëpën.

Deuteronomio 5:21

Ka'ap yë mëku'uk yë tyo'oxytyëjk xy'atsojkëty. Ka'ap xy'atsojkpëty yë jyëën tyëjk, kyam tyu'u, myëtuunpë kyupëjkpë, jyëyujk tsyajpkaa ets tëkokyë tii myëët'ajtypyën, nitii xykya''atsojkëty.

Deuteronomio 7:25

Nëjkxëp xynyino'kta'atë ja y'awinaxëty, mëti'ipë mëët ja pu'ts pujxn ets ja poop pujxn nyikoyëtyën. Ko xy'ixtëty jëtu'un, këtii xytyontëty ets xyjyä'ä'atantëpëty. Jä'ä ko yë Wintsën y'ëxëëk'ijxyp jëtu'unpë.

Filipenses 3:19

yë'ëjëty ëxëëk nëjkx kyukëxë. Jam ja wyinma'any tpëjkta'aktë ma ja kääky uukyën; yë'ë nätyukmëjpëjktakëtëp mëti'ipë jeexyë tsyuktsëtyuuntëpën. Yi'iyë myääytyëp tyajtëp mëti'ipë yaa naaxwiinyëtën.

Colosenses 3:5

Yajkutëkoonyëtë tu'kë'ëyë ja naaxwiinyëtë winma'any: Ijxtëm ja ëxëëktu'un ëxëëk kajpxën, ëxëëk winma'any, ëxëëk atsojkën ets meeny atsojkën mëët ko ja'ay ja meeny t'atsoktë, ja meeny tios'ajtëp ets ka'ap Tiosëty.

Hebreos 13:5

Këtii meeny xy'atsoktëty, tukjootkujk'atë mëti'ipë mmëët'ajtëpën, jä'ä ko tëë ja Wintsën y'ënä'äny: Nijëna'a mijts nka'ëxmatsan'any ets nijëna'a nkaja'atyëkoyä'äny.

Josue 7:21

Mëti'ipë jam winë të yajpaatyën ma Jericó kajpnën, tu'ukës yë mëjwit të n'ixy janty'oy mëti'ipë kojpën Babilonyë, mäjtsk tsim naxy ja poop pujxn meeny, tu'kkäpy yë pu'ts pujxn, jä'ä jye'emtyëty naxy kujkmtsim. E ëjts janty këjääjës të n'ixy, paatyës të ntony, jamës të nmënëjkxy maas yë ntëjkën etsës të nitajy ntëjk'itkujkyës. Ja poop pujxn pa'tkë'pës të npëjktä'äky.

1 Samuel 12:3

E tsyaatsës miits xymyëët'atës: Miits mnija'awëtyëp pën tëëjës pën yë jyëyujk tsyajpkaa npëjkë, pën tëëjës pën nkamëj'ixy ëkë ëxëëk ntuny n'ënëëmë, ëkë pën tëëjës ja wit meeny ja'ay npëjkë, maas ëjts ntuk'oy'ätyën; pën tëëjës ëxëëk ja'ay ntuny oypyënëty, ëkë tëëjës ja'ay wit meeny muum xytyukwin'ëëny maajës ja ëxëëkpë ntunyën, jyëkyejpyës xytyukwinmëtowtëty Dios wintum ets yajkutujkpëwintuuy mëti'ipës yë'ë të twin'ixyën. Ëjts jëjp'ixyës nyajpaaty ets nkumëtowëtyës pën jamës muum të nkamëtä'äky.

1 Samuel 15:19

¿E wi'ixts ko ënät ja y'ënä'ämën të xykyumëtoownaxy? ¿Wi'ix ko të xyjyä'äpëjkpë mëti'ipë ja mëtsip të xypyëjkën ets ënät winë tëkatsy xytyuny Wintsën wintuuy?