Éxodo 20:15 - Biblia Dc en Mixe de Quetzaltepec

¹⁵ Këtii mtonëty mmäätsëty.

Biblia Mixe de Quetzaltepec

¹⁵ Këtii mtonëty mmäätsëty.

Éxodo 20:15 ပူးပေါင်းရင်းမြစ်များ

Éxodo 21:16

Pën ja myëku'uk myëkekpy ets tookëty, ëkë tmëët'atëty jam ma jyëën tyëjkën, kopkpëky ko näjyëtu'un y'ookëty.

Proverbios 11:1

Dios ka'ap t'oyjyawë ko tii kä'pxy kyayajkijpxy, yë'ë oyjya'ap ko tii kä'pxy yajkijpxy.

Amós 3:10

Jëtu'un yë Wintsën y'ënä'äny: Yë'ëjëty ka'ap tnijawëtë wi'ix tii oy tuntëtyën; jap tyajnipätë ma kyutujkëntëjkëtyën mëti'ipë ja'ay pyëjkëtëpën atsip.

Miqueas 7:3

Yi'iyë yaj'ijxpëjktëp wi'ix ëxëëkpë tuntëtyën, yë wintsëntëjkëty mëk tpatëkëtë kyuma'ayënëty, yë yajkutujkpëtëjk pojën yajtukwin'ëëntë meeny, yë ja'ayëty mëti'ipë mëk'ajtën kuttujkën myëët'ajtëpën jëtu'un y'ëtë'ëtstë y'ëna'antë tä tyimjot tyimwinma'anyëtyën ets ka'ap ja naax kajpn tyajjotkujk'atë.

Mateo 15:19

Jä'ä ko jootjoty tsyoony ja ëxëëk winma'any, ënät ja ja'ay yaja'ay ooktë, tyajma'atë ja pëjkën ukën, nyämyëëttsëënëtë nixim niyam, myäätstë, y'anta'aktë ets nixim niyam nyäwyinkajpx nyäjyëjpkajpxëtë.

Mateo 19:18

¿Mëti'ipë? Ets ja Jesús y'ëtsooy: Ka'ap myajja'ay'ookëty, ka'ap ja pëjkën ukën ja nyiwintsë'kën xyajtëkooyëty, ka'ap mmäätsëty, këtii pën xynyi'antaakëty,

Mateo 21:13

ets t'ënëmaay: Jëtu'un kuja'ay myiny: Yë ntëjkës jä'ä yajtijëty Dios mëkajpxtakn e miitsëty jä'ä të xyaj'awinpijnëtë mä'tstakn.

Juan 12:6

Judas ka'ap yë'ëkyëjxmëty jëtu'un y'ënä'äny ko ja ëyoopëja'ay tpa'ëyoy, yë'ëkyëjxm ko myeetsy. Yë'ë ënety ja meeny apëjkën kyë'ë'am'ajtyp ets xëmë tpukony mëti'ipë jap pyëjkë'kpyën.

Romanos 13:9

Jëtu'un ja ënä'ämën y'ënä'äny: ka'ap xyajtëkoytyëty ja nyiwintsë'kën ja pëjkën ukën, ka'ap myajja'ay'ookëty, ka'ap mmäätsëty, ka'ap mmëku'uk nyaax kyam xy'atsojkëty. Tu'kë'ëyë ya'atë ets wiinkëtypë ja ënä'ämën, ënät tsyoowtëjkëtyä'äy ko yajpatuny ja ënä'ämën mëti'ipë ënaanpën: Tsok ja mjëëky mmëku'uk ijxtëm kë'ëm mnätsyokyën.

1 Corintios 6:10

Këtii myajwin'ëëntëty, jä'ä ko jam ma ja Dios ja kyutujktaknën ka'ap yajpaata'antë mëti'ipë jyot nyini'kx yajktëpën, mëti'ipë tsaatsetsy, kepy tsyetsy y'ëwtajtypyën, mëti'ipë ka'ap yë nyiye'etyëjk ëkë tyo'oxytyëjk twintsë'ëkën, ëkë mëti'ipë ato'oxyën, ëkë mëti'ipë myëye'etyëjk pyijkpyën y'ukpyën.

Efesios 4:28

Pën ijty mä'tspën, ka'ap y'ëkmä'tsnëty wä'än je'eyë tnitunë tii tsyojkpyën, wä'än tyajtuny ja kyë'ë ets tii tpaatëty mëti'ipë myo'ojëpën ja ëyoopëja'aytyëjk.

Deuteronomio 24:7

Ko tu'uk yë Israel ja'ay yajnijawëty ko tëë myëku'uk tkukä'ptuta'ay ets tyaj'awinpita'any ëyoopë mëtuunpë, ëkë tooka'any; tääpë ja'ay mëti'ipë ënety ja myëku'uk jëtu'un të tunyën, kopkpëky ko nëjkx tku'ookë jëtu'unpë ja tuuntëko'oyën. Jëtu'un'äämpy ka'ap yaj'ijxta'akëty ja nëë poky ma miitsëtyën.

Deuteronomio 5:19

Ka'ap mtonëty määtsëty.

1 Tesalonicenses 4:6

Ka'ap pën ja myëku'uk ja tyo'oxytyëjk twin'ë'ënëty, jä'ä ko Dios tu'kë'ëyë tukumëtoowta'aja'any mëk'äämpy mëti'ipë jëtu'un ëtëtstëpën; ijxtëm të ntuk'ëwaanëtën janaam jatsojk.