Éxodo 20:13 - Biblia Dc en Mixe de Quetzaltepec

¹³ Këtii myajja'ay'ookëty.

Biblia Mixe de Quetzaltepec

¹³ Këtii myajja'ay'ookëty.

Éxodo 20:13 ပူးပေါင်းရင်းမြစ်များ

2 Reyes 21:16

Ëpëky ja nëë poky mëti'ipë ja Manasés tyuktuunën ja Judá ja'ay ets mëti'ipë yë'ë kë'ëm tyuunën Wintsën wyintum; këjää ojts ja ja'ay tyaj'ok tyajtëkooynyë ka'apë tii poky tmëëtëtyën jam Jerusalén.

2 Crónicas 24:22

Ja Joás ojts tja'atyëkooynyë ja oypyë ja tu'unën kajpxën mëti'ipë ënety ja teety Joiadá të tnajtstunën, ja Zacarías ja tyeety, mëti'ipë ojts kyäjpxyën ko y'o'këtäky ets y'ënäny: Yë Wintsën yë'ë yam y'ijxyp winë ets yë'ë nyija'ap wi'ix winë tnipaye'ey.

Éxodo 21:12

Pën yë myëku'uk yajtsëtyujtyp yajwintëkoopy ets tyaj'ookëty, kopkpëky ko näjyëtu'un y'ookëty.

Éxodo 21:14

E pën tëë ënety ja myëku'uk timtyukjoot'anpëjkpë ets paaty të tyaj'ooky, kopkpëky ko xy'ëxtaaytya'akëty oy ënety muum të jyatimnyëjkxnë, ëkë të jyanäyu'tsyënë maas yë nwintsë'këntyaknën, ko xypyaatëty näy timjëtu'un nëjkx xyaj'ooky.

Éxodo 21:20

Ko pën twopëty yë tyuunpë ye'etyëjkpë ëkë to'oxytyëjkpë mëët tu'uk yë kepy ets tyaj'ookëty, kopkpëky ko nëjkx tkumëtoy mëët ko ënety të yaja'ay'ooky.

Éxodo 21:29

E pën jëtu'unëtën ënety ja tsajpkaa tyimjëyujk'ajtpë je'eyë xëmë kyaapa'any, ko jëtu'un ënety pën tyaj'ooky, nëjkxëp ja tsajpkaa kuka'atsy y'ooky ets näjyëtu'un ja nyiwintsën, pën jyanija'ap ënety ko jëtu'un ja tsyajpkaa jyëyujk'aty ets ka'ap tjotmayjyawë.

Éxodo 23:7

Këtii xymyëpëkëty mëti'ipë je'eyë myëku'uk wiinkjaty nyikäjpxyp nyimëtyäkpyën. Këtii xyaj'ookëty mëti'ipë ka'ap tii poky tmëët'atyën; jä'ä ko mëti'ipë pokymyëëtën ka'apës nnikajpxa'any ko ka'ap pyokymyëëtëty.

Proverbios 1:11

Wä'änxyëp m'ënë'ëmxëtëty: Pamiintëk ëëtsëty, ets nyajpë'o'kmëty muum yë ja'ay ajotkumonë ko n'aye'eyëmëty.

Proverbios 1:18

Yë ja'ayëty jëtu'unpë tii tuntën, kë'ëm nyätyukni'oytyunëtë yë o'ktakn, ets jyuuky'ajtënëty ëtsë'ëkëtuuy tpëjkta'aktë.

Isaías 26:21

Jä'ä ko ja Wintsën jap pyëtsëma'any ma yajkutukyën ets tpaye'eyä'äny ja nëë poky ma ja naaxwiinyëtë ja'ayëtyën; ja naaxwiinyëtë ka'ap tjëkyepy tkuyu'utsëty ja y'o'kpë, kopkpëky nyitë'kxa'any pën ënety të y'ookyën.

Jeremias 26:15

Je'eyëp tëy ko yajxon xytyimwinmaytyëty: pën xyaj'o'ktëpës, miitsëty ets nitëkokyë ja'ayëty mëti'ipë kunaax kukajpnëtyën pokymyëët nëjkx wyë'ëmta'atë mëët ko ënety të xyaj'ooktë tu'uk ja'ay mëti'ipë ka'ap tii poky tmëëtëtyën; jä'ä ko ëjts Wintsënës të xykyexy ets miitsëty ntukmëtowtëty ya'atë aaw ayuk mëti'ipë të xymyëtowtën.

Mateo 19:18

¿Mëti'ipë? Ets ja Jesús y'ëtsooy: Ka'ap myajja'ay'ookëty, ka'ap ja pëjkën ukën ja nyiwintsë'kën xyajtëkooyëty, ka'ap mmäätsëty, këtii pën xynyi'antaakëty,

Marcos 10:19

Mnija'ap ja Dios ja y'ënä'ämën, mëti'ipë ënaanpën: ka'ap myajja'ay'ookëty, ka'ap xyajwintsë'këntyëkoyëty ja pëjkën ukën, ka'ap mmäätsëty, ka'ap pën xynyi'antaakëty, mwintsë'ëkëp ja mtaak mteety.

Lucas 18:20

Mnija'ap ja Dios ja y'ënä'ämën mëti'ipë ënaanpën: ka'ap xyajtëkoyëty ja nyiwintsë'kën ja pëjkën ukën, ka'ap myajja'ay'ookëty, ka'ap mmäätsëty, ka'ap m'anta'akëty ets wintsë'ëkë ja mtaak mteety.

Hechos 16:28

Ko ja Pablo t'ijxpaty ko nyäyaj'ooka'anyë, tääts mëk t'ënëmaay: Ka'ap wi'ix mnätyunëtëty. Aak tyap ëëtsëty ni'ëmukë.

Hechos 28:4

Ko ja kukajpn t'ijxtë ko ja tsa'any jam tyiinyë ma ja Pablo ja kyë'ëjën, tääts nyäy'ënanëtë: Ya'atë ja'ay, yaja'ay'o'kpë ënät yë'ë. Oy të jyapëtsëmy juuky mejyjoty, yë Dios yë nyipaye'eyën yë'ë ka'ap y'ëxmatsyë ets jyuuky'atëty.

Romanos 13:9

Jëtu'un ja ënä'ämën y'ënä'äny: ka'ap xyajtëkoytyëty ja nyiwintsë'kën ja pëjkën ukën, ka'ap myajja'ay'ookëty, ka'ap mmäätsëty, ka'ap mmëku'uk nyaax kyam xy'atsojkëty. Tu'kë'ëyë ya'atë ets wiinkëtypë ja ënä'ämën, ënät tsyoowtëjkëtyä'äy ko yajpatuny ja ënä'ämën mëti'ipë ënaanpën: Tsok ja mjëëky mmëku'uk ijxtëm kë'ëm mnätsyokyën.

Gálatas 5:21

tyukmëtsip'ajtëp oytyiijëty ja myëku'uk, uktëp mukëtëp, ajëën akax jyä'äy'atë ets kanaakpëky tii ëxëëk tuntë. Tyam miits jatëkok ntukja'amyätstë ijxtëm të ntuk'ëwaanëtën, pën ya'atë tyuuntëp kyajpxtëp, ka'ap tyëkëja'antë ma ja Dios ja kyutujktaknën.

Deuteronomio 5:17

Ka'ap myajja'ay'ookëty.

1 Timoteo 1:9

Näy nija'awëm ko ka'ap yë'ëjëty ja ënä'ämën të yajtuknipëjktaakëtë mëti'ipë ja oypyë tyuuntëpën. Yë'ë të yajtuknipëjktaakëtë mëti'ipë ëxëëk ja'ay'ajtëpën, mëti'ipë kakäjpxymyëtoowtëpën, mëti'ipë ja Dios kyamëjpëjktaktëpën, mëti'ipë pokyjyä'äyëtyën, mëti'ipë y'ëxëëk'ijxtëpën ja Dios ja jyä'ä, mëti'ipë ka'ap twintsë'ëkëtën ja Dios, mëti'ipë ja tyaak tyeety yaj'o'ktëpën, mëti'ipë yajja'ay'o'ktëpën,

Santiago 2:11

Jä'ä ko Dios tëë y'ënä'äny: ka'ap xyajtëkoytyëty ja nyiwintsë'kën ja pëjkën ukën, näjyëtu'un të y'ënä'äny: ka'ap myajja'ay'ookëty. Jëtu'unts, ko pën yajja'ay'ookëty, oy tkayajkwintsë'këntyëkoy ja pëjkën ukën, tëë ënety ja ënä'ämën tmëtëkooytyä'äy.

Santiago 2:13

Pën ja myëku'uk ka'ap tpa'ëyoy, näjyëtu'un ja Dios ka'ap pya'ëyowa'anyë; pën ja myëku'uk pya'ëyoopyën, yë'ë ja oyajtën pyatäämpy ko ënety ja paye'eyën y'ity.