Éxodo 20:12 - Biblia Dc en Mixe de Quetzaltepec

¹² Mwinkutsë'ëkëp yë mteety mtaak ets jëtu'un jeky mjuuky'atëty yaa naaxwiiny naaxkëjxy, ja juukyajtën mëti'ipë yë mWintsën Dios mmooyëpën.

Biblia Mixe de Quetzaltepec

¹² Mwinkutsë'ëkëp yë mteety mtaak ets jëtu'un jeky mjuuky'atëty yaa naaxwiiny naaxkëjxy, ja juukyajtën mëti'ipë yë mWintsën Tios mmooyëpën.

Éxodo 20:12 ပူးပေါင်းရင်းမြစ်များ

Colosenses 3:20

U'unk ëna'këty, mëmëtowtë ja mtaak mteetyëty ko tii mtuk'ënä'ämëtëty, jëtu'un ja Wintsën tsoky.

Deuteronomio 5:16

Wintsë'ëkë yë mtaak mteety jëtu'un tä yë mWintsën të tni'ënä'ämën, jëtu'un jeky ets jotkujk mjuuky'atëty ma ja naax kamën mëti'ipë ja mWintsën mo'ojanëpën.

Marcos 7:10

Jä'ä ko ja Moisés y'ënäny: wintsë'ëkëtë mtaak mteety, ets pën ja tyaak tyeety pyojkpy, ookëp yë'ë.

Proverbios 30:17

Mëti'ipë ja'ay ja tyeety y'ëxëëk'ijxypyën ets je'eyë ja tyaak tnëxi'iky tukxi'iky ko myëjja'ayënë, tääpë jëtu'unpë ja'ay nitëjkëyëp ets lut tsyu'tspëtsë'ëmxëtëty yë wyiin ets witsn y'awoon y'apotëtëty.

Lucas 18:20

Mnija'ap ja Dios ja y'ënä'ämën mëti'ipë ënaanpën: ka'ap xyajtëkoyëty ja nyiwintsë'kën ja pëjkën ukën, ka'ap myajja'ay'ookëty, ka'ap mmäätsëty, ka'ap m'anta'akëty ets wintsë'ëkë ja mtaak mteety.

Mateo 19:19

wintsë'ëkë ja mtaak mteety ets tsok yë mmëku'uk ijxtëm kë'ëm mnätsyokyën.

Proverbios 20:20

Mëti'ipë ja'ay pyojkpyën yë tyaak tyeety, kupi'its kukoots y'ooka'any ets atsë'ëk ajawë.

Éxodo 21:17

Pën pyojkpyën yë tyeety tyaak, kopkpëky ko y'ookëty.

Marcos 10:19

Mnija'ap ja Dios ja y'ënä'ämën, mëti'ipë ënaanpën: ka'ap myajja'ay'ookëty, ka'ap xyajwintsë'këntyëkoyëty ja pëjkën ukën, ka'ap mmäätsëty, ka'ap pën xynyi'antaakëty, mwintsë'ëkëp ja mtaak mteety.

Éxodo 21:15

Pën yajtsëtyujtyp yë tyaak tyeety, kopkpëky ko y'ookëty.

Deuteronomio 32:47

Ya'atë aaw ayuk ka'ap tjëkyepy namaa natii xyjyawëtëty, ya'atë ënä'ämën yë'ë nëjkx myajjuuky'atëtë ko xypyatuntëty. Ko xytyuntëty ijxtëm y'ëne'emyën, jeky nëjkx mjuuky'atë ma ja it naaxwiinyëtën jampë yajpaatyën nëë awinaxy, ma Jordán mëjnëëjën, mëti'ipë miitsëty mniwa'akantëpën.

Proverbios 3:16

Ja wijyjyä'äy pyätyp ja juukyajtën mëj këjää, ets näjyëtu'un ja wijyjyä'äy pyätyp ja wit meeny mëj këjää.

2 Reyes 2:12

Ko ja Elisejë jëtu'un t'ijxy, ënät mëk yujk'ënany: Tatë, Tatë, ma të m'ityën jëtu'un tä maytsyiptuunpën ma Israel kajpnën. Ko jëtu'un tyuuntaay jyajtaayë, yë Elisejë ka'ap ojts maa t'ëk'ijxnë ja Elías. Ënet ja Elisejë ojts nyätyuknijääntu'utyë ja nyijän ets tukë'tsëy kujkwä'kxy.

Deuteronomio 4:40

Kuuytyuntë ja y'ënä'ämën tyiyajtën mëti'ipë tyam ya'atë xëëw nmooytyëpën, jëtu'un'äämpy oy mjuuky'atëty ets ja m'u'unk m'ëna'këty, jam ma ja itjotmën mëti'ipë ja Dios mo'ojanëtëpën, nëjkxëp jam jeky mjuuky'atë.

Deuteronomio 25:15

Ko tii xykyijpxtëty ets xytyiytyëty, mëtëy mëpaat winë xytyiytyë xykyijpxtë. Jëtu'un'äämpy yë Wintsën jeky myajjuuky'atëtëty ma ja it naaxwiinyëtën, mëti'ipë myajmo'ojantëpën.

Malaquías 1:6

Jëtu'un Wintsën mëti'ipë maaytyääyëpën winë t'ënëmaay yë teetytyëjkëty: Yë u'unk ëna'k wyintsë'këtyëp yë tyaak tyeetyëty ets tuunpëtëjkëty wyinkutsë'këtyëp yë wyintsënëty. E ëjts, mijts xytyeety'ajtëpës, ¿tiijës ko xykyawinkutsë'ëkëtë? Pën ëjts miitsëty xyWyintsën'ajtëp, ¿wi'ixës ko xykya mëj ixtë? Miitsëty ni'ikyë xy'ixtijnëtës ets m'ëna'antë: ¿Maaxë mkayajmëj ixy?

Proverbios 30:11

Tää ja'ay mëti'ipë pyojkpyën yë tyeety, ets tyaak ka'ap oy t'ëkmëkajpxnë.

Proverbios 28:24

Jëëky mëku'uk nyäxy yë ja'ay ma yajja'ay'o'kpën mëti'ipë ja tyaak tyeety tyoompy mye'tsypyën ets ënät y'ënä'äny ko ka'ap tii poky tuny.

Proverbios 15:5

Yë tsuuja'ay ka'ap tkupëky ko tyeety kyajpxwijyë; e mëti'ipë kyupëjkpyën kajpxwijën wijyajtën yajnikëxë'kpy.

1 Reyes 2:19

Jëtu'un ojts ja Betsabé jam jyänty nyijkxy mëtyakpë mëët ja yajkutujkpë Salomón ets t'amëtowa'any jëtu'un tä ënety ja Adonías të y'ënë'ëmxëtyën. Tä ja yajkutujkpë wyä'ätsë'ky ma ja y'ënyääypyäjnën ko t'ijxy ja tyaak jä'ä myiny ets ni'ënä'ämëy ets tmëmintëty tu'uk ja ënyääypyäjn tääts jam ja tyaak y'u'unyëty, tä jam nyaaxwe'tsy ja Betsabé a'oytsyow,

Efesios 5:21

Näjyä'äkyukëtë nixim niyam jä'ä ko Kristë xywyintsë'ëkëtë.

Deuteronomio 4:26

Ëjts tyamës yajxon ntimnyikäjpxy, yë tsajp ets naax yë'ëjës mpëjktäkpy ijxpë tuunpë, ko miitsëty ënätyë nëjkx mkutëkooytya'atë jam ja ma it naaxwiinyëtën mëti'ipë mjä'äpëkantëpën jamtsow nëë'awinm ma Jordán mëjnëëjën. Ka'ap nëjkx jeky xytyukjuuky'atë tääpë naax kam, wa'ats mkëjxta'atëty.

Deuteronomio 5:33

Yë'ë ja në'ë tu'u panëjkxtë mëti'ipë ja Dios të mtukni''ixëtën ets jëtu'un jotkujk mjuuky'atëty jeky ma ja it naaxwiinyëtën mëti'ipë ja Wintsën të mmo'ojëtën ets xyjyä'ä'atëty.

Deuteronomio 6:2

Jëtu'un'äämpy nëjkx ja mWintsënëty mëj'äämpy xypyëjkta'aktë. Ets xypyatuntëty ya'atë ënä'ämën tëyajtën mapaat mjuuky'atën yaa naaxwiiny naaxkëjxy, näjyëtu'un ja m'u'unk m'ëna'këty, m'u'unk m'okëty ets ja mjuukyajtën yontëty jyäktëty.

Deuteronomio 11:8

Yë'ë mpatuntëp yë ënä'ämën tëyajtën mëti'ipë tyam të nmo'otën ets mëkta'aktëty, jëtu'unts akujk jotkujk xytyimniwa'aktëty ja it naaxwiinyëtë mëti'ipë nmo'ojantëpën.

Deuteronomio 11:9

Ets jëtu'un'äämpy nëjkx jam jeky mtsëënëtë mjuuky'atë, ma ja it naaxwiinyëtën mëti'ipë ojts ja Wintsën tukwinwanën ja m'ap m'okëty ets ja y'u'unk y'ëna'këty, jam jëtu'un ma ja jë'kxy pëky ka'ap y'ëmaaytyä'äkyën.

Deuteronomio 21:18

Ko pën yë myaank kyamëtowëty ets kyäjpxykyumëtoownaxëty, oy wi'ix ja tyeety tyaak jya'ënë'ëmxëty ets oy jyatëytyunëtëty ets ni yë'ë tkamëjpëjkta'akëty.

Deuteronomio 27:16

Poky yë ja'ay wyë'ëmëty, mëti'ipë ka'ap ja tyeety tyaak tmëj'ixy t'mëjpëjktä'äkyën. Ënet ja ja'ay y'ëtsowtëty: Oy, jëtu'un'atëp.

Proverbios 17:6

Yë mëjja'aytyëjk yë'ë tyukmëjnajxtëp yë y'ok'u'unk y'ok'ëna'k; yë u'unk ëna'k yë'ë tyukmëjnajxtëp tyeety tyaak.

Jeremias 35:7

Ojts näjyëtu'un t'akajpxtuky ko ka'apës mëpaat njëën ntëjk nkojtë ets ka'apës mëpaat ni'iptë nkojtë ëkë npäntë nkojtë oynatii ujts ijxtëm yë tsatsymyën. Jëtu'un ojts xy'ënëëmëtës ko je'eyë mëpaat ëëts nnänyikämëtë, jëtu'unts jeky njuuky'atëtyës yaa naaxwiiny maas njëtitën tä jaaypyaat jaaypyo'kxyën.

Jeremias 35:18

Ojts näjyëtu'un yë Jeremías t'ënëëmë yë Recab ja'ayëty: Yë Wintsën mëti'ipë maaytyääyëpën winë, mëti'ipë yë Israel ja'ayëty Tyios'ajtëpën, jëtu'un y'ënä'äny: Miitsëty mëët ko yë'ë xypyatuntë ja ënä'ämën mëti'ipë ja m'ap m'ok Jonadab ojts mtukmëwë'ëmëtën.

Ezequiel 22:7

Yë ja'ayëty mëti'ipë tsënaaytyëpën ma mijtsën ka'ap twinkutsë'ëkëtë yë tyaak tyeetyëty; ëxëëk tuntë yë jaaypyo'kxy, yaj'ëyoowtëp yë ku'ooky u'unk ets ku'ookytyo'oxy.

Génesis 48:12

Ënet yë José tjëwooy yë myaank, ma ja tyeety yë kyoxën ets nyaaxkooy twinkutsë'ëkë jëtu'un ja tyeety.

Génesis 50:12

Yë Jacob yë y'u'unk y'ëna'k ojts jëtu'un tkuuytyuunta'atë ijxtëm ënety yë'ë kë'ëm të tni'ënä'ämën ets të t'amëtoyën.

Rut 3:6

Ja Rut ojts jam nyijkxy ma ja Booz ja kyamën ets jëtu'un tuuny tä ja tyaakxyäkxy ënety të y'ënë'ëmxëtyën.

1 Samuel 22:3

Jam ja David tsyo'ony ets ojts nyijkxy Mizpá ma ja Moab ja y'itjotmën, ënät t'ënëmaay ja yajkutujkpë ja jampë y'ëne'emyën: Wintsën, mijts yam nmënu'kxtäkpy ets xy'a'ixëty wä'än yë nteety ntaakës yaa t'itë ma mnaax mkajpnën koonëmës yajxon nijawëty tii yë Wintsën tyunäämpyën mëët ëjts.