Éxodo 19:19 - Biblia Dc en Mixe de Quetzaltepec

¹⁹ E ja jëtu'unpë yajmëtoyën, tä ja pujxnxuxn y'ënä'änyën ni'ikyë ënety jyänty myëktä'äky; ënät ja Moisés ojts tyëkë mëtyakpë mëët ja Dios, ja Dios ja y'aaw y'ayuk jëtu'un yajmëtoy tä ënääw y'ënä'änyën ko y'ëtsoy.

Biblia Mixe de Quetzaltepec

¹⁹ E ja jëtu'unpë yajmëtoyën, tä ja pujxnxuxn y'ënä'änyën ni'ikyë ënäty jyänty myëktä'äky; ënät ja Moisés ojts tyëkë mëtyakpë mëët ja Tios, ja Tios ja y'aaw y'ayuk jëtu'un yajmëtoy tä ënääw y'ënä'änyën ko y'ëtsoy.

Éxodo 19:19 ပူးပေါင်းရင်းမြစ်များ

Nehemías 9:13

Ko jam jyajtë ma ja tun kopk txëëwatyën Sinaí, jam xynyijënäjky ets mëët mkäjpxy mmëtyäky; ojts xymyo'oy ja aaw ayuk oypyë ets ja ijxpëjkën mëtëypyë ets ja ënä'äm ja kuttujkën mëti'ipë jaantyëtypë.

Salmos 81:7

Jam mijts të xymyëkäjpxyës ma ënety ëxëëk mjaty mkëpetyën, e tëë nyajtso'oky; jap ojts n'ëtsoy jokjoty yootsjoty ma ja ënääw yä'äxy jyokyën; ojts näjyëtu'un nwinma'any'ixy wi'ix mja'ay'ätyën ma ja Meribá nëëjën.

Éxodo 19:13

E ja jëtu'unpë ja ja'ay ni pën mëpaat jëtu'unyë tkakë'ënixajy, yajkuka'atsëp ëkë yajkuti'pxëp, ka'ap mëpaat pën tyajtëy pën ja'ay ënety ëkë pën jëyujk tsajpkaa, ja jëtu'unpë ka'ap mëpaat wyi'imy juuky. Yë ja'ayëty ënätnëm tjëkyäpëty jam pyätëty ma ja kopkën, ko ënety tmëtowtë yajtukxu'uxy ja kupixynwyaj.

Éxodo 19:16

Ko tyëkëëkxëëwpejty, ënät ojts yajmëtoy y'ënaantä'äky y'ëtëtstä'äky yë ënääw wëtsuk ets nyäkyo'ktaayë jam kopkkëjxm yë yoots nëma'a, je'eyë yaj'ijxnë koots pëmiinë, e ko yajmëtoowpaty, jëtu'un tä ja'ay yë pujxnxuxn mëk tukxu'uxyën, ënät ojts yë tsë'ëkë tyuktëjkëtya'ajëtë ja ja'ayëty.

Deuteronomio 4:36

Jam ojts tsajpjotm kyukajpxnaxy ets ojts mkajpxwijëtë, yaa naaxwiiny ojts mtuk'ixëtë ja myëj'ajt y'oyajtën ets mëj jëënjoty ojts mëkajpxëtë.

Deuteronomio 5:22

Ya'atë ja aaw ayuk mëti'ipë ja Wintsën mëk nyikajpxën jëën'akujky, ma ënety ja yoots yëkëm kyëxë'ëkyën ets miitsëty aak mtam'ajtëp jam kopk'ëjxm. Ko myëtyaktaay, ka'ap ojts wi'ix y'ëk'ënanë, ja tëyajtën jam ojts tkëxja'ay ma ja mäjtskpë ja tsaatsetsyën etsës ojts xymyo'oy.

Hebreos 12:19

ni ja xuxn ojts xykyamëtowtë, ni ja Dios ja y'aaw yo'kn. Mëti'ipë myëtoowtë ja aaw yo'kn ojts tmënu'kxta'aktë ja Moisés këtiipë y'ëkmëkajpxënëtëty,

Hebreos 12:21

Atsë'ëk ajawë ojts t'ixtë. Yë'ëpaat yë Moisés y'ënäny: Tsëyuupyës mëët ja tsë'ëkë.