Éxodo 19:18 - Biblia Dc en Mixe de Quetzaltepec

¹⁸ Jam ma ja kopkën jok jam yaj'ijxp pyëtsimy, mëët ko ënety ja Dios jam të kyëtä'äky jëënjoty. Ja jëënjok jam jantypëtsëëmp kopkkëjxm tä jëëntooytyaknjoty yë jëënjok pyëtsimyën ets ja kopk janty yu'kxtsënääpy.

Biblia Mixe de Quetzaltepec

¹⁸ Jam ma ja kopkën jok jam yaj'ijxp pyëtsimy, mëët ko ënäty ja Tios jam të kyëtä'äky jëënjoty. Ja jëënjok jam jantypëtsëëmp kopkkëjxm tä jëëntooytyaknjoty yë jëënjok pyëtsimyën ets ja kopk janty yu'kxtsënääpy.

Éxodo 19:18 ပူးပေါင်းရင်းမြစ်များ

Génesis 11:5

Ënet ojts ja Wintsën tniku'ijxnaxy ja naax kajpn ets ja mëjpotsy mëti'ipë ënety ja naaxwiinyëtë ja'ay ëka'any kyojtso'ontaktëpën.

Génesis 15:17

Ko ënety të tsyu'ujënë ets koots kyëxë'knë. Ënet ojts t'ixy tu'uk tsijtk, jëënjok jap pëtsëëmp. Ets tu'uk t'ijxy yë jëënyä'änk, jam nyäxy ma ja jëyujk ookyën.

Génesis 19:28

Ënet ojts jam nyas'ixë Sodomë ets Gomorra ets ma pya'ajën nyuxën ets t'ijxy ko jam yë jëënjok pyëti'iky ijxtëm jeexyë tsijtkjoty yë jëën tyoyën.

Nehemías 9:13

Ko jam jyajtë ma ja tun kopk txëëwatyën Sinaí, jam xynyijënäjky ets mëët mkäjpxy mmëtyäky; ojts xymyo'oy ja aaw ayuk oypyë ets ja ijxpëjkën mëtëypyë ets ja ënä'äm ja kuttujkën mëti'ipë jaantyëtypë.

Salmos 104:32

Ko t'ixy yë naaxwiinyëtë, ënätyë yu'kxpëky; jëënjok ënätyë tim napëtsëëmp tunkëjxm kopkëjxm ko tmëyu'kxë.

Salmos 114:4

Yë tun kopk jëtu'un ojts nyëput yujkputë tä kupixyny u'unkën ets tä tsajppax u'unkën.

Salmos 114:7

Tsëtyuy mijts naaxwiinyëtë Dios wintum, mëti'ipë Jacob y'ëwtajtypyën.

Salmos 144:5

Wintsën tyam n'amëtoy npëjktsoy ets mnäy'awijtstu'utëtëty jam tsajpjotm ets mjënakëty, ton yë tun kopk wä'än yë jok jam tpëtsëmy;

Salmos 18:9

Tëë jam tsajpkëjxm nyäy'awijtstu'utyë, ets yaa naaxwiiny të kyëtä'äky. Jap tyekpya'tkë'p yoots nëma'a jap të kyëxë'ëky.

Salmos 68:9

Mijts Dios, tëë xyajtu'uy xyajpojy mëj këjää, ets të xyajxooky ja naaxwiinyëtë ma ënety tsyë'ëtsëtyën ets jëtu'un jatëkok y'ajämë.

Salmos 77:18

Yajmëtoop ja m'ënääw ma pojxujtykyën; ets ja wëtsuk tyukjajëtyääpy ja naaxwiinyëtë, ënät ja naaxwiinyëtë të tyëkëtë yu'kxpë mëët ja ujx.

Salmos 77:19

Ojts yë mnajxtakn xyajni'ëwaatsë mëjnëëjoty; ojts xytyuknaxy kanaak yë nëëmejy, e ni pën të tkapaaty ja mtu'u'ateeny.

Éxodo 19:13

E ja jëtu'unpë ja ja'ay ni pën mëpaat jëtu'unyë tkakë'ënixajy, yajkuka'atsëp ëkë yajkuti'pxëp, ka'ap mëpaat pën tyajtëy pën ja'ay ënety ëkë pën jëyujk tsajpkaa, ja jëtu'unpë ka'ap mëpaat wyi'imy juuky. Yë ja'ayëty ënätnëm tjëkyäpëty jam pyätëty ma ja kopkën, ko ënety tmëtowtë yajtukxu'uxy ja kupixynwyaj.

Éxodo 19:17

Ënet ja Moisés twoowtso'ontaay tu'kë'ëyë ja ja'ayëty, ma ënety jam tsyëënëtën ets ojts tukninëjkxy ja Dios ets jam wya'ak'o'oyëtyääytyë ma ja kopk'ëjxën.

Éxodo 20:18

Nitëkokyë yë Israel ja'ayëty y'ijxtaaytyë ko ojts ja ënääw wëtsuk y'ëti'itsy y'ënä'äny, ko ja pujxnxuxn mëk jyänty xyuxy ets ko ja jëënjok tyajnitujktaay ja tun kopk. Ojts ja ja'ayëty may tsyë'ëkëtë ets ka'ap ojts nëkooyë wyinkontë ma kopkën.

Éxodo 24:17

Yë Dios yë myëj'ajt y'oyajtën jëtu'un ojts t'ixtë yë Israel ja'ayëty jam kopkkëjxm, tä tu'uk yë jëënën mëti'ipë tsääpyën no'kpën.

Éxodo 3:2

Jam ojts yë Dios yë kyukäjpxy nyänyikëxë'ëkyë tä tu'uk yë jëënën, jëtu'un yaj'ixy toopy yowë jam ma zarsa kepyën. Ënet yë Moisés yajxon tja'ijxwa'atsany ja jëën mëti'ipë jam yä'ämpën kepykyëjxm, e ja zarsa kepy ka'ap tii jyätyë ets ka'ap tyoy.

Éxodo 34:2

Nänyi''ixët näjyëtu'un ets jopy tsojk mpa'tëkëty ma Sinaí kopkën, jam jopy näpyatëmëty ma kopk kupi'tykyën.

Isaías 6:4

Ko ja mëto'owën jëtu'un të yajmëtoowpaaty, ënät ja tsajptëjk të tyëkë yu'kxypyë ets të tyuktujkta'ay mëët ja jok.

Isaías 64:1

Jääpëk jeexyë xykyë'ëtswä'kxy yë tsajp ets mkëta'akëty naaxwiiny ets xyajyu'kxypëjkta'ajëty ja tun kopk,

Jeremias 4:24

Ojts n'ixyës yë kopk ko yu'kxtë, aakjëtu'un ja tun kopk aak tsëtyuuytyëp.

Habacuc 3:6

Jëtu'un yë naaxwiinyëtë jyänty yu'kxy ko wya'akwë'ëmy; tsë'këp yë naax kajpn ko muum tku'ijxkëtä'äky; tim jijtääpy yë tun kopk, tim ma'tääpy yë kopk mëti'ipë jääyëmën; e yë Wintsën yë nyë'ë tyu'u ijtëëp yë xëmë.

Zacarías 14:5

e miitsëty jamtsow nëjkx mkä'äktë ma ja olivë kopk mäjtskpëky të nyäwyä'kxyën mëti'ipë jampaat ja'ajtpën Asal, awinmtsow. Jëtu'un nëjkx mkä'äktë tä tëëyëp kyäktën yë m'ap m'okëty ko ja naaxwiinyëtë ojts mëk yu'kxy ma ënety yajkutukyën yë Ozías, mëti'ipë jam ënä'ämpën Judá. Ets nëjkx myiny yë Wintsën mëët yë tyuunpëtëjk mëti'ipë ënety oy të myëtunyën.

Mateo 24:7

Jä'ä ko tsiptunantëp ja naax kajpn nixim niyam naaxwiinyëtë apëtsëmy. Itaanp ja yuu xëëw ets ja naaxwiinyëtë yu'kxa'any xiitsow yaatsow.

Deuteronomio 33:2

ets y'ënäny: Jam Sinaí yë Wintsën të tsyoony; mëti'ipë të xykyutë'kx të xykyujajëmën maju'unëm ntso'onëmën jam Seir, jampaat të tyi'kxy ma Parán kopkën ets të nyäxy Meribá-cadés; ma y'a'oykyë'ëjën xytyuknimi'inëm ja ënä'ämën tëyajtën.

Deuteronomio 4:36

Jam ojts tsajpjotm kyukajpxnaxy ets ojts mkajpxwijëtë, yaa naaxwiiny ojts mtuk'ixëtë ja myëj'ajt y'oyajtën ets mëj jëënjoty ojts mëkajpxëtë.

Deuteronomio 5:22

Ya'atë ja aaw ayuk mëti'ipë ja Wintsën mëk nyikajpxën jëën'akujky, ma ënety ja yoots yëkëm kyëxë'ëkyën ets miitsëty aak mtam'ajtëp jam kopk'ëjxm. Ko myëtyaktaay, ka'ap ojts wi'ix y'ëk'ënanë, ja tëyajtën jam ojts tkëxja'ay ma ja mäjtskpë ja tsaatsetsyën etsës ojts xymyo'oy.

Deuteronomio 5:4

Yë Wintsën yajxon ojts wa'ats tyimkäjpxy jam kopkkëjxm wiinxë jëjpxë jëënjoty.

2 Tesalonicenses 1:7

ets miits myajpo'kxëtëty ma tyam m'ëyowtën, näjyëtu'un tä ëëtsëtyën. Jää nëjkx jëtu'un jyäty kyëpety ko ënety ja Jesús myiny mëët ja y'anklëstëjk kutujkënmëëtpë jam tsajpjotm.

2 Tesalonicenses 1:8

Yë'ë nyiminäämpy ets tukumëtowa'any mëti'ipë ja Dios ka'ap tmëmëtowtën ets ka'ap tpatuntën ja oy aaw oy ayuk ma ja Wintsën Jesukristë yajnimëtyä'äkyën.

Hebreos 12:18

Miitsëty ka'ap ojts tii xymyëwinkontë, ijxtëm ja Israel ja'ayëtyën, mëti'ipë yajtoonpën ets mëti'ipë toopyën jëënjoty, ma ënety kyootsëtyën ets ma ënety myëkpojyën;

Hebreos 12:26

Ko ja Dios ojts kyäjpxy kopkëjxm, ojts yu'kxy ja naaxwiinyëtë, e tyam jëtu'un y'ënä'äny: Nyajyu'kxäämpyës jatëkok ja naax; je'eyëp ko ka'ap yi'iyëty naax, näjyëtu'un ja tsajp.

2 Pedro 3:10

Ko ënety ja Wintsën myiny, jëtu'un nëjkx myiny ijxtëm ja mä'tspën tsuu koots tyëjktëkën. Ënet ja tsajp nëjkx mya'ta'ay, pëmiimpën nëjkx yajmëtoy, näjyëtu'un nëjkx tyooytyëkooytyä'äy mëët yë jëën ets ja naaxwiinyëtë mëët tu'kë'ëyë winë nëjkxëp ja Dios tpaye'eytyä'äy.

Apocalipsis 15:8

Ets y'ujtstaay ja Dios ja tyëjk mëët ja jok, jä'ä ja Dios ja myëj'ajtën jyääntyajtën ets ja kyutujkën; ni pën mëpaat jap kyatëkë, koonëm jyëjpkëxëty ja ëyo'on mëti'ipë ja wëxtujkpë tsajpjotmëtë kukäjpxy myëët'ajtëpën.

Apocalipsis 9:2

Tääts tyaj'ëwatsy ja mëjjut. Japts ja jok jyänty pyëtsimy ijxtëm jeexyë mëj tsijtskjotypyën ets ja jok tyajwinkootsëy ja xëëw ets ja tsajp.

Jueces 5:5

Mijts mwintuuy Wintsën, mijts mwintuuy, Dios mëti'ipë Tyios'ajtypyën yë Israel kajpn, yë kopk tëë xyajyu'kxy, tëë xyajyu'kxy ja Sinaí kajpn.