Éxodo 19:17 - Biblia Dc en Mixe de Quetzaltepec

¹⁷ Ënet ja Moisés twoowtso'ontaay tu'kë'ëyë ja ja'ayëty, ma ënety jam tsyëënëtën ets ojts tukninëjkxy ja Dios ets jam wya'ak'o'oyëtyääytyë ma ja kopk'ëjxën.

Biblia Mixe de Quetzaltepec

¹⁷ Ënät ja Moisés twoowtso'ontaay tu'kë'ëyë ja ja'ayëty, ma ënäty jam tsyëënëtën ets ojts tukninëjkxy ja Tios ets jam wya'ak'o'oyëtyääytyë ma ja kopk'ëjxën.

Éxodo 19:17 ပူးပေါင်းရင်းမြစ်များ

Éxodo 19:13

E ja jëtu'unpë ja ja'ay ni pën mëpaat jëtu'unyë tkakë'ënixajy, yajkuka'atsëp ëkë yajkuti'pxëp, ka'ap mëpaat pën tyajtëy pën ja'ay ënety ëkë pën jëyujk tsajpkaa, ja jëtu'unpë ka'ap mëpaat wyi'imy juuky. Yë ja'ayëty ënätnëm tjëkyäpëty jam pyätëty ma ja kopkën, ko ënety tmëtowtë yajtukxu'uxy ja kupixynwyaj.

Éxodo 19:16

Ko tyëkëëkxëëwpejty, ënät ojts yajmëtoy y'ënaantä'äky y'ëtëtstä'äky yë ënääw wëtsuk ets nyäkyo'ktaayë jam kopkkëjxm yë yoots nëma'a, je'eyë yaj'ijxnë koots pëmiinë, e ko yajmëtoowpaty, jëtu'un tä ja'ay yë pujxnxuxn mëk tukxu'uxyën, ënät ojts yë tsë'ëkë tyuktëjkëtya'ajëtë ja ja'ayëty.

Éxodo 19:18

Jam ma ja kopkën jok jam yaj'ijxp pyëtsimy, mëët ko ënety ja Dios jam të kyëtä'äky jëënjoty. Ja jëënjok jam jantypëtsëëmp kopkkëjxm tä jëëntooytyaknjoty yë jëënjok pyëtsimyën ets ja kopk janty yu'kxtsënääpy.

Hechos 7:38

Ko ënety ja Israel ja'ayëty jam të ye'eymyuktë të'ëts'itum, yë'ë ja Moisés ojts kyäjpxynyäxy ma ja Dios kukäjpxy ets maa ja naax kajpnën ko jam myëkajpxë ma ja Sinaí kopkën; yë'ë ojts yajmo'oy ja aaw ayuk mëti'ipë yajjuuky'ajtpën ets ëëtsajtëm ojts xytyuk'ëwa'anëmë.

Deuteronomio 4:10

Jä'ä xëëw ma ojts myajpaatën ma ja Wintsën mëti'ipë mTiosajtëpën, jam ma ja Horeb kopkën, tyaajës ojts yë Wintsën xy'ënëëmë: Yajtu'ukmuk yë naax kajpn ets tmëtoow'itëty yë n'aaw n'ayukës ets tjat tnijawëtëty wi'ix mëj xyjyëkyäptëtyës mapaat jyuuky'atën ets jëtu'un ja y'u'unk y'ëna'k tukni''ixëtëty.

Deuteronomio 4:11

Ënet ojts miitsëty mwinkontë ets jam mwa'ak'o'oyëtyääytyë kopk'ëjxm. Xy'ixtë ko jam ma ja tunkupi'tsykyën jëtu'un jam ja jëën jyäty pyëtsimy ets ja jëënjok janty yëk je'eyë y'akëxë'ëkë.

Deuteronomio 5:5

Ëjts itkujkyës ënety nyajpaaty ma Tiosën mëët miitsëty ets ntuk'ëwaanëtëty tii ja Dios kyäjpxyp. Jä'ä ko ja jëën mëti'ipë jam këxë'kën ojts ja xytsyë'ëkëtë, paaty ka'ap tjëkyejpy jam mpätëty kopkkëjxm. Ets ja Wintsën ojts y'ënä'äny: