Éxodo 18:7 - Biblia Dc en Mixe de Quetzaltepec

⁷ Ënet ja Moisés jap pyëtsiimy tyëkoty ets ojts tjëjpye'eyi'iky ja myë't. Tä nyaaxkooy tyajnikëxë'ëky jëtu'un ja näwyinkutsë'ëkë ets ojts tsu'kxy. Ko nyäkyajpxpo'kxtaayëtë, ënät jap tyëjkëtyë tëkoty ma ja wit tëjkën.

Biblia Mixe de Quetzaltepec

⁷ Ënät ja Moisés jap pyëtsiimy tyëkoty ets ojts tjëjpye'eyi'iky ja myë't. Tä nyaaxkooy tyajnikëxë'ëky jëtu'un ja näwyinkutsë'ëkë ets ojts tsu'kxy. Ko nyäkyajpxpo'kxtaayëtë, ënät jap tyëjkëtyë tëkoty ma ja wit tëjkën.

Éxodo 18:7 ပူးပေါင်းရင်းမြစ်များ

Génesis 14:17

Ko yë Abram wyimpijty ma ënety të tmëmëtä'äkyën yë Quedorlaomer ets ja yajkutujkpëtëjk mëti'ipë näypyupäjtëtë mëët. Yë yajkutujkpë, mëti'ipë Sodomë ënä'ämpën, ojts tyu'ujëjpye'eyi'ikyë yë Abram jam ma ja joy'it txëëwatyën Save, mëti'ipë ja yajkutujkpë jyä'ä'ajtypyën.

Génesis 18:2

Ko ojts ja Abraham y'ijxë'ëky, ënät t'ijxy nitëkëëk yë ja'ay wyintänëty ye'etyëjk. Ko jëtu'un t'ixy ojts pojën y'ëxwä'ätsë'ëky ets ojts t'ëëwpo'kxy tkajpxpo'kxy.

Génesis 19:1

Tsu'ujënëp ënätynyë ko ojts nimäjtsk jya'të yë tsajpjotmëpë kukäjpxy jam Sodomë. Jam ënety yë Lot ma kajpn yajnitëkën, ma ja'ay may yajpaatën. Ko ojts yë t'ixy ja tsajpjotmëtë kukäjpxy ënät ojts tjëjpye'eyi'iky. Tä nyäkyoxtënaaytyakë ets nyaaxkooy.

Génesis 29:13

Ko yë Labán tmëtooy yajnimëtyä'äky yë Jacob, yë y'uty yë y'u'unk. Ënet ojts pëyi'ikyë tnitsoony ets ojts tsu'kxy jä'ä ko jëtu'un ënety tu'unën'atë, tä ojts twoownëjkxy ma tyëjkën. Ënet yë Jacob tukmëmëtyaktaay ja jyämy, wi'ix ënety të jyäty të kyëpetyën.

Génesis 31:28

Ni yë'ëjës wäänë yë nnëëx etsës yë n'ok'u'unk n'ok'ëna'k të xykyatuk'ixy etsës jeexyë të ntsu'kxy, täänëm jeexyë akujk jotkujk të näy'ëxmajtsënë. Jëtu'un mijts të m'ëtëtsnë tä tsuuja'ayën.

Génesis 43:26

Ko ojts ja José jyä'ty ma ja tyëjkën, tä ojts tmo'otë ja näynyamo'ojë, mëti'ipë ënety të tyajmintën ets nyaaxkoowtë, tä jëtu'un ja José yajwintsë'ëkë.

Génesis 45:15

Ënet yë José tmajtstaay tmënääntaay yë myëkä'äxtëjk ets ojts tsu'kxy nitu'ukjaty, tääts tyëjkëy yaxpë, ko jëtu'un y'ëknajxy, tää ojts ja myëkä'äxtëjk myëkajpxëtënëm.

Génesis 46:29

Ënet ja José ni'ënä'ämëy ets ja kepy wintëkäämpë tni''ixëtëty ets nëjkx ja tyeety tjëjpaatë'ëky. Ko ja tyeety twinkuwa'këy, ënät tmëneeny ets tyëjkëy yaxpë, jeky ojts yä'äxy ma ja tyeety ja kyejkyën.

2 Samuel 11:7

Ko ja Urías jam nyäwya'këxë'kë ma ja Davidjën, ënät y'ënëmaayë: ¿Wi'ix ja Joab jam, e wi'ix xy'ixy ja tsip?

1 Reyes 2:19

Jëtu'un ojts ja Betsabé jam jyänty nyijkxy mëtyakpë mëët ja yajkutujkpë Salomón ets t'amëtowa'any jëtu'un tä ënety ja Adonías të y'ënë'ëmxëtyën. Tä ja yajkutujkpë wyä'ätsë'ky ma ja y'ënyääypyäjnën ko t'ijxy ja tyaak jä'ä myiny ets ni'ënä'ämëy ets tmëmintëty tu'uk ja ënyääypyäjn tääts jam ja tyaak y'u'unyëty, tä jam nyaaxwe'tsy ja Betsabé a'oytsyow,

Éxodo 18:6

Tä ja Jetro t'ënëmaay ja Moisés: Ëjts Jetro, mëti'ipë mijts më't'ajtypyën, tyaajës të nminy etsës mijts mpaata'any n'ixa'any; tëëjës näjyëtu'un nwoowminy yë mto'oxytyëjk ets nimäjtsk yë myaank.

Éxodo 33:7

Ënet ja Moisés ojts tyajpëtë'ëky ya'atë wit tëjk ets ojts jëkäm tmënëjkxy ets txëëwmooy, wit tëjk ma ja näpyaatë y'ityën mëët ja Dios. Ko ënety tii ja ja'ayëty tnijawëja'antë ma ja Tiosën, jam poj'am nyëjkxtë ma ja wit tëjkën, jampë yajpaatyën ëpëky ma ja ja'ay jam tsyëënëtën.

Éxodo 4:27

E yë Dios tëë ënety t'ënëëmë yë Aarón: Nëjkx jam të'ëts'itum mnäpyäätyë mëët yë Moisés. Tä ja Aarón ojts tsyoony ets mëët ja Moisés nyäpyatë jam ma ja Dios ja tyun kyopkën. Jam ojts tkajpxpo'kxy ets tsu'kxy.

Lucas 7:45

Mijts ka'apës të xytsyu'kxy; e yë to'oxytyëjk, tim je'eyës yaa të ntëkë tampaatës xytsyu'kx'ëtë'ëtsy maas yë ntekyën.

Hechos 20:37

Tääts yaxtë ets ni'ëmukë tmënääntë ets tsu'kxtë ja Pablo.

Hechos 28:15

Tëë ënety ëëts ja nmëku'uktëjk nijawëtë mëti'ipë jam Roma yajpatëpën. Yë'ë tso'ontë etsës ojts xyjyëjpye'eyë'ëktë ma ja kajpn txëëwatyën Foro Apio ets näjyëtu'un ma ja it txëëwatyën Tëkëëk Ja'ajtakn. Ko ja Pablo y'ijxëtë, tää jyotkujkëy ets ja Dios tkukajpxëy.

Jueces 11:34

Ko yë Jefté wyimpijty ets jyä'äjty ma tyëjkën jam Mizpá, ënät ja nyëëx tu'kpajkpë pyëtsiimy pëyi'ikyë äjtspë mëët yë panderë. Yi'iyë ijty tu'uk nyëëx'ajtyp ka'ap wiinkpë y'ëna'k

1 Samuel 17:18

Mënëjkx näjyëtu'un ya'atë kesë ets xymyo'ojëty yë tsiptuunpë Wintsën. Jam xy'ixëty yajxon wi'ix ja m'ajty yajpaatë ets mëminëp oynatii mëti'ipës ntuk'ixëpën ko oy mëk jamëty.

1 Samuel 17:22

E tëkokyë mëti'ipë ënety ja David myënëjkxypyën, jä'ä ojts poj'am tukkë'ëtëjkëtyä'äy ja ja'ay mëti'ipë kyëwent'ajtypyën ja ku'umën, yenypyujxn ets ti'px, tëkokyë mëti'ipë ja ja'ay myëtsiptuuntëpën ets ojts nyijkxy pëyi'ikyë ma ënety ja y'äjty yajpaatën ets t'ixa'any wi'ix jam jyatë kyëpätën.