Éxodo 18:20 - Biblia Dc en Mixe de Quetzaltepec

²⁰ Tääpë ja'ayëty jëyëjp xytyuk'ixpëkëty wi'ix ja tëyajtën myinyën ets ja ënä'ämën kuttujkën xytyuknijawëty; wi'ix mëpaat jyuuky'atën ets tii mëpaat tuntën.

Biblia Mixe de Quetzaltepec

²⁰ Tääpë ja'ayëty jëyëjp xytyuk'ixpëkëty wi'ix ja tëyajtën myinyën ets ja ënä'ämën kutujkën xytyuknijawëty; wi'ix mëpaat jyuuky'atën ets tii mëpaat tuntën.

Éxodo 18:20 ပူးပေါင်းရင်းမြစ်များ

Salmos 143:8

Ko jyopyëp'atëty, tuknija'awëkës yë mtsojkën mja'awën, mijtsyë tu'ukyë ntuk'ijxpejtyp. Tuknija'awëkës wi'ixës nja'ay'atëtyën, jä'ä ko yë ntsojkënës jamës npëjktä'äky ma mijtsën.

Salmos 32:8

Yë Wintsën jëtu'un y'ënä'äny: Ëjts jamës yë nwiin ntimyajtëëynyë ma mijtsën. Ëjts mijts ntukni''ixëjäämpy winë, ets n'ëëwwijäämpy nkajpxwijjäämpy, ntukni''ixëjäämpy yë në'ë tu'u mëti'ipë mëpaat xypyanëjkxyën.

Éxodo 18:16

N'ëkpëjktakmëty, ko tiitsip tiikäjpxy tmëët'atë ëjts pojën xynyimiintëp etsës nipaye'ey pën ja poky myëët'ajtypyën, ëkë pën mëtëy winë tyuunpy kyäjpxypën ets jëtu'un ntuknijawëtës ja Dios ja y'ënä'ämën tyiyajtën ets ja y'aaw y'ayuk.

Isaías 30:21

Ko ënety muum ajotkumonë mtu'utëkoyä'äny, pojën xymyëtowa'any tu'uk ayuk mjëxkë'ëy mëti'ipë nëjkx m'ënë'ëmxëtyën: Tyaatsow ja tu'u, yaatsow nëjkxtë.

Jeremias 42:3

Mënu'kxta'ak yë mWintsën Dios ets xytyukni''ixëtëtyës mëti'ipë tu'u mëpaat npanëjkxtës ets tiis mëpaat ntuntën.

Jeremias 6:16

Jëtu'un ja Wintsën ja nyaax kyajpn t'ënëmaay: Nëjkxtë jam muum mtänëtë në'ëjoty tu'ujoty ets xy'ixtëty ma patu'ujën; xyajnitëwëtëty mëti'ipë oyën, yë'ëts panëjkxtë ets mpo'kxtëty. E yë'ëjëty tyaa ojts y'ëna'antë: Ka'ap, ka'apës mpanëjkxa'antë.

Ezequiel 3:17

Mijts, ye'etyëjk, të mpëjktä'äky ijx'ijtpë këwent'ajtpë ma Israel kajpnën. Ko ntukmëtowëty ja aaw ayuk, mkajpxnaxëp ets mnimëtya'akëp ma yë'ëjëtyën ets nijawëtëty wi'ixës ënety n'ëna'anyën.

Miqueas 4:2

may jam yë naax kajpn myina'antë ets y'ëna'ana'antë: Mintë, tsojk jam mpa'tëjkëmë ma Wintsën yë kyopkën, jam ma Dios yë tsyajptëjkën mëti'ipë Jacob y'ëwtajtën ets xytyukni''ijxëmëty yë nyë'ë tyu'u ets mëtëy nye'eymyëty nnajxmëty. Jä'ä ko jam Sión jam ja Wintsën ja y'ijxpëjkën tsyoona'any, jamtsow Jerusalén myina'any yë y'aaw y'ayuk.

Mateo 28:20

ets xytyuk'ijxpëktëty wi'ix tpatuntëtyën tu'kë'ëyë mëti'ipë miitsëty të ntuk'ënä'ämtën. E ëjts jëtu'unës n'ëna'any ko yajpaataanpës xëmë ma miitsëtyën mapaat yë naaxwiinyëtë jyää'atyën.

Marcos 13:34

Jëtu'un ijxtëm tu'uk ja ye'etyëjkën mëti'ipë jëkäm nëjkxpën. Ko tsyoony, y'ëne'empy ja tyuunpë ets tuunkmooytyä'äy ja tyuunpëtëjk ets t'ënëëmë ja tëjk ijxpë ets tkëwent'atëty.

Deuteronomio 1:18

Jä'ä xëëw wa'atsës ojts ntukni''ijxëtya'atë tii mëpaat tuntën.

Deuteronomio 4:1

Miitsëty Israel ja'ayëty mëtoow'itë ya'atë tëyajtën ets ënä'ämën mëti'ipë yam ntukni''ixëjantëpën ets xykyuuytyuntëty. Yë'ë mtukjuuky'atëp ko ënety jam myajpaatë ma ja naax kamën mëti'ipë yë Wintsën mo'ojanëtëpën, yë Dios mëti'ipë ja m'ap m'ok Tyiosajtën.

Deuteronomio 4:5

Ëjts tëëjës yam nikäjpxy ja ënä'ämën tëyajtën, mëti'ipë yë Wintsën nTiosës të xytyuk'ëne'emyën ets yë'ë xykyuuytyuntëty ma ja naax kajpnën mëti'ipë mniwa'akantëpën.

Deuteronomio 5:1

Wa'ats ja Moisés tyajtu'ukmujktaay ja Israel kajpn ets t'ënëmaay: Mëtoow'itë miitsëty Israel ja'ayëty ya'atë tëyajtën ets ya'atë aaw ayuk, mëti'ipë yam ntukmëtowantëpën. Yajwë'ëmtë yajxon mkëpajkjoty mwinma'anyjoty ets mpatuntëp.

Deuteronomio 5:27

Niikë mijts ninëjkx ets winkon xymyëtowëty mëti'ipë Wintsën nyikajpxäämpyën ets mijts xytyuk'ëwaanëtëtyës mëti'ipë të mtukmëmëtyä'äkyën, tyam ëëts npatuntëty pën tii yë'ë xytyuk'ënä'ämtëpës.

Deuteronomio 7:11

E tiits patun ya'atë ënä'ämën tëyajtën, aaw ayuk, mëti'ipë yam ntuk'ënä'ämtëpën xypyatuntëty.

1 Tesalonicenses 4:1

Mëku'uktëjkëty, yë'ë miits ntuk'ënëmaaytyëp wi'ix mjuuky'attëty ijxtëm ja Dios tukjotkëtä'äkyën, ets tam jëtu'un xytyuntë. Tyam miits njaaktuknipëktë ets nmënu'kxta'aktë ma Wintsën Jesús yë xyëëwën ets jëtu'un mjuuky'atëty.

1 Samuel 12:23

E ëjts mëti'ipës xypyatpën, yë'ë ko tyam nkënu'kxta'aka'antë janaam jatsojk. Ntukni''ixëja'antë wi'ix mëpaat mjuuky'atën oy tsuj ets wi'ix mëpaat oy winë xytyuntën.