Éxodo 18:19 - Biblia Dc en Mixe de Quetzaltepec

¹⁹ Paaty mëtoow'it yajxon wi'ix yam ja ëëwijën kajpxwijën nmo'oja'anyën ets Dios yë'ë mputëkëtëp. Mijts yë'ë mpatëp ets xykyutänëty yë naax kajpn ma Tiosën, jëtu'un ijxtëm jeexyë yë'ë kë'ëm tyimmintën Dios wyintuuy. E mijts yë'ë mpatëp ets ja Dios xytyuk'ëwaanëty mëti'ipë yë'ëj jyotmay'ajtëpën.

Biblia Mixe de Quetzaltepec

¹⁹ Paaty mëtoow'it yajxon wi'ix yam ja ëëwijën kajpxwijën nmo'oja'anyën ets Tios yë'ë mputëkëtëp. Mijts yë'ë mpatëp ets xykyutänëty yë naax kajpn ma Tiosën, jëtu'un ijxtëm jeexyë yë'ë kë'ëm tyimmintën Tios wyintuuy. E mijts yë'ë mpatëp ets ja Tios xytyuk'ëwaanëty mëti'ipë yë'ëj jyotmay'ajtëpën.

Éxodo 18:19 ပူးပေါင်းရင်းမြစ်များ

Génesis 39:2

Yë Dios yë'ë ënety mëët yajpaaty yë José ets José janty'oy ënety tyuny ma jam y'ityën ma ja wyintsën ja tyëjkën.

2 Samuel 14:17

Ëjts Wintsën, akujk jotkujkës nwë'ëmy mëët koos të xyjyotmëk wiinkajpxë, mijts Wintsën tyamës n'ixy ko wa'ats xynyijawë mëti'ipë oy ka'oyën, jëtu'un tä jeexyë tu'uk Dios kukexyën. Yë Wintsën mkënu'kxëtëp.

Éxodo 18:15

Tä ja Moisés y'ëtsooy: Jä'ä ko yë naax kajpn ëjts xynyimiinp ko tii tnijawëja'antë ma Tiosën.

Éxodo 18:20

Tääpë ja'ayëty jëyëjp xytyuk'ixpëkëty wi'ix ja tëyajtën myinyën ets ja ënä'ämën kuttujkën xytyuknijawëty; wi'ix mëpaat jyuuky'atën ets tii mëpaat tuntën.

Éxodo 18:24

Moisés ojts tkäjpxymyëmëtoy ja myë't ets jëtu'un tuuny, tä ënety të y'ënë'ëmxëtyën:

Éxodo 20:19

Paaty t'ënëmaaytyë ja Moisés: Mijts ëëts mëëtmëtyaktëk ets npatuntëtyës tëkokyë, mëti'ipë ënety mnikäjpxypën. Ka'apës ntsoktë ets Dios yë'ë xymyëkajpxtëtyës, jä'ä ko tsojkës xy'ëkyaj'o'ktaaynyëtëty.

Éxodo 3:12

Tä ojts yë Dios y'ëtsoyë: Ëjts mijts njämyëët'atäämpy ets ya'atë jëtu'un mtuk'ixëp ko yam nkexyp, ko ënety mijts ja nnaaxës nkajpnës të xyjyuuty jap Egiptë, yaajës min xy'ëwtatë ma ya'atë kopkën.

Éxodo 4:12

Paaty nëjkx tyam, ëjts mijts njämyëët'atäämpy, ko ënety mkajpxa'any mëtya'aka'any, ëjts mijts ntukni''ixëp tii mkajpxëp mëtya'akëpën.

Éxodo 4:16

Mijts mëëtmëtya'akëp yë Aarón, jëtu'un tääjës jeexyë ëjts nmëmëtyä'äkyën, e yë Aarón yë'ëts ja naax kajpn tyukmëmëtyakta'ajëp, jëtu'un tä ënety mijts të xy'ënëëmën.

Proverbios 9:9

Kajpxwij ja wijyjyä'äy, ets xy'ëk'ixëty pën këtii ni'ikyë wyijytyä'äky. Yaj'ijxpëk yë këpetyjyä'äy, ets xy'ëk'ixëty wi'ix ni'ikyë kyëpetyä'äkyën.

Mateo 28:20

ets xytyuk'ijxpëktëty wi'ix tpatuntëtyën tu'kë'ëyë mëti'ipë miitsëty të ntuk'ënä'ämtën. E ëjts jëtu'unës n'ëna'any ko yajpaataanpës xëmë ma miitsëtyën mapaat yë naaxwiinyëtë jyää'atyën.

Deuteronomio 20:1

Ko mnëjkxtëty tsiptuunpë ets xy'ixtëty yë mmëtsip ko nimay ni'ik tmëët'atë yë kyepy wintëkäämpë ets kyëwaayëty, këtii xytsyë'ëkëtëty. Jä'ä ko yë Wintsën yë'ë yajpatp mëët miitsëty, mëti'ipë ojts mjuutëtën jap Egiptë.

Deuteronomio 5:5

Ëjts itkujkyës ënety nyajpaaty ma Tiosën mëët miitsëty ets ntuk'ëwaanëtëty tii ja Dios kyäjpxyp. Jä'ä ko ja jëën mëti'ipë jam këxë'kën ojts ja xytsyë'ëkëtë, paaty ka'ap tjëkyejpy jam mpätëty kopkkëjxm. Ets ja Wintsën ojts y'ënä'äny:

Josue 1:9

Ëjts yam mijts n'ëne'empy ets akujk jotkujk mtimnyäyjyawëtëty, amëk jotmëk xëmë m'itëty. Këtii mtsë'ëkëty ni mkakumay mkakutajëty, jä'ä ko ëjts maas nWintsën'atyën mëti'ipë mijts mTios'ajtypyën, xëmës nyajpaata'any mëët mijts, oy maa mtimnyëjkxëty.