Éxodo 16:3 - Biblia Dc en Mixe de Quetzaltepec

³ Y'ënantë: Nikë oy jeexyë yë Dios të xytyimyaj'o'këmë jap Egiptë, yajxon ijty jap yë kaaypyäjn nwinkuwä'tsëmë ujts mëët yë tsu'utsy ets ijty njanty jyë'kxëmë koonëm yajxon nkuxëmë, e miitsëty koos yaa të xywyoowmiintëpë jëtu'un tpatnë o'kën tëko'oyën yowë të xytyuknimintës.

Biblia Mixe de Quetzaltepec

³ Y'ënantë: Nikë oy jeexyë yë Tios të xytyimyaj'o'këmë jap Egiptë, yajxon ijty jap yë kaaypyäjn nwinkuwä'tsëmë ujts mëët yë tsu'utsy ets ijty njanty jyë'kxëmë koonëm yajxon nkuxëmë, e miitsëty koos yaa të xywyoowmiintëpë jëtu'un tpatnë o'kën tëko'oyën yowë të xytyuknimintës.

Éxodo 16:3 ပူးပေါင်းရင်းမြစ်များ

Éxodo 17:3

Ja naax kajpn yajxon ënety jyänty tsyëëtsëtë, paaty ojts je'eyë t'ëk'ojnëtë ja Moisés ets t'ënëmaaytyë: ¿Tiixë koos ojts jap je'eyë nëkoo xyajpëtsëmtë Egiptë? ¿Paatykyëjxmën jap xyajpëtsëëmtës etsës yaa xyäjtëëtsë'ooka'antësë, mëët nitëkokyë ja n'u'unk n'ëna'këtyës ets ja njëyujk ntsajpkaajëtyësë?

Lamentaciones 4:9

Nikë oy mëti'ipë pojën o'kën tsipjoty këtiinëmëm mëti'ipë yuu'o'ktëpën, jä'ä ko mëti'ipë të yuu'ooktën jeky të y'ëyowtë, ko të tyëkoy'äty ja ka'ayën ukën.

Deuteronomio 28:67

Je'eyë xëmë ja näy'atsë'ëk näy'ajawë xyajnaxëty, ko jyopyëp'atëty mja'ëna'anëp: Jääpëk jeexyë poj'am tsyu'ujë. E ko kyoots'atëty mja'ëna'anëp: Jääpëk jeexyë poj'am xyiinyë.

Jeremias 2:6

Yë'ëjëty ka'ap ojts tmëmay tmëtajtë etsës ëjts xy'ixta'atëty, ëjts mëti'ipë ojts jyuutëtën jap Egiptë, mëti'ipë tu'uwinwoowëtën jam të'ëts'itjotm ma y'anë'ëk tyëëtsë'ëkëtyën ets ma jya'awjotëtyën, ma ka'ap yë nëëjën ets ma kyutsë'ëkëtyën, ma ka'ap pën tsyëënën ets ka'ap pën nyäxyën.

1 Corintios 4:8

Ko n'ëk'ëna'anmëty aak akujk jotkujk miitsëty, ko aaktam miits xymyëët'ajnëtë mëti'ipë mtsojktëpën, ets jëtu'un mnäyjyawëtë ijxtëm ja yajkutujkpën, ijxtëm ka'ap tii xy'ëkyajmëyajtnëtën ma ëëtsëtyën. Ka'ap jeexyë wyi'ixëty ko jeexyë miits m'ëkjanty yajkutujkpë'atë ets jeexyë ëëts jam nyajpaatë ma mkutujktaknëtyën.

Josue 7:7

Tääts ja Josué ojts y'ënä'äny: Wintsën Dios, nikë oy jeexyë të xykyayajnaxtës ma mëjnëëjën. ¿Ix je'eyë ëëts yam o'ktëy njajnëtës nkëpäjnëtës ma Amor ja'ayëtyën, ëkë paatyën të xyajnaxtës ets ënät yë'ëjëty xyaj'ook xyajtëkoytyëtyësë? Ni'ik oy jeexyë ëëts jam të ntimwyë'ëmtë Jordán nëë'awinaxy.

2 Corintios 11:1

Jääpëk wäänë xyjyä'äkyukëtë koos yam ja'aykupojën nkuxiik nkukajpxë. Oy y'ëkwi'ixëty tëëjës kupëjktëkës.

Hechos 26:29

Tääts ja Pablo y'ëtsooy: Pën ënätyë ëkë pën ka'ap, npëjktsoopyës yë Dios ets mijts, mëët ni'ëmukë yë mja'ay mëti'ipë yam myëtoowtëpën, m'itëty ijxtëm ëjtsën, oy kyakë'ëtsumyëty ijxtëmës yamën.

Job 3:20

¿Wi'ix ko Dios t'a'ixë ets ja'ay jyuuky'atëty mëët yë ëyo'on jotmay? ¿Wi'ix ko ni'ikyë tyajjuuky'ajt'ëtë'ëtsy mëti'ipë pëjkëpën ijxëpën,

Job 3:10

Npojkpyës yam tääpë kootsajtën mëti'ipë ojts t'ëwa'atsyën etsës nmëxu'unk'atëty, mëti'ipë ojts t'ëwa'atsyën etsës yi'iyë n'ixëty ëyo'on jotmay.

Job 3:1

Tëë ënety kanaak xëëw amonyë y'ënyääynyëtë ko ja Job ojts tpoky ja xëëw ma myiinyën naaxwiiny.

2 Samuel 18:33

Ënet ja yajkutujkpë ojts jyoot'amutskë ets pya'tëjkëy jap këjxy ma ja tëjkën mëti'ipë yajpatpën jap ma ja tëjk akajkopkën ets tyëjkëy jëëpyë yaxpë. Jëtu'un jap nyäxy tyëkë ets y'ënä'äny: Absalón, u'unk maay. Absalón, u'unk maay. Nikë oyës jeexyë ëjts të n'ooky ets ka'ap myijtsëty. U'unk maay, Absalón, u'unk maay.

Deuteronomio 8:3

Oy ojts mëk m'ëk ëyowtë ets m'ayuu'ajt m'ëxëëwajtë, yë'ë, ojts jatëkok mpa'ëyowëtë, ojts jatëkok myajkay myaj'uukëtë mëët ja maná. Jä'ä jëtu'un ja ka'ayën ukën mëti'ipë ni miits ets ni m'ap m'ok tkanija'awëtyën tiitën jä'ä, paatykyëjxm yë'ë tyäjky ets mtuknijawëja'anëtë, ko ja'ay ka'ap yi'iyë ka'ayën ukën timtyukjuuky'atëty. Nëjkxëp näjyëtu'un tukjuuky'äty ja Wintsën ja y'aaw y'ayuk.

Éxodo 5:21

ets y'ënëmaayëtë: Yë Dios yë'ë nëjkx jëna'a mtëytyunëtë mëët mëti'ipë mtuuntëpën, jä'ä ko miits jëtu'un yë poky mëët'ajtëp ets ëëts yë yajkutujkpë yë wyintsëntëjk ëxëëk xy'ixtëty. Ya'atë jëtu'un tpatnë tä jeexyë miitsëty kë'ëm të xy'ënëëmëtën etsës ëxëëk xytyuntëty.

Éxodo 2:23

Jëtu'un nyäjxy ja xëëw po'o, ja yajkutujkpë mëti'ipë ënety jap të y'ëne'emyën Egiptë ojts ja y'o'knë. E ja Israel ja'ayëty je'eyëm ënety jap mëk jyänty y'ëyowtë ets xëmë je'eyë kyumon kyutukëtë mëët ja nätyiytyunë jap Egiptë. Yë Dios ojts tmëtoow'ity ko jap Israel ja'ayëty jyë'ëtë ya'axtë.

Salmos 78:19

Tä ojts tnikäjpxy tnimëtya'aktë tëkatsyjyäty ets y'ënantë: ¿Wä'än jëtää Dios tu'uk yë kaaypyäjn tkëëytyëwëty yaa të'ëts itjotyë ets ënät xyajka'ay xyaj'ukmëtyë?

Salmos 78:25

Yë'ë ojts ja naaxwiinyëtë ja'ay tkaytyë ja tsajpkääky mëti'ipë kyääytyëpën Dios kyukäjpxy, ojts ja Dios myo'ojëtë kyäxëtë mëjwiin këjää ja jë'kxy pëky.

Jeremias 42:14

ets m'ëna'antë: Ni'ik'oy koos nnëjkxtëty jap tsënääpyë Egiptë ma ka'ap jyap'atyën yë tsip käjpxy, ma ka'ap nijëna'a yajmëtoyën wi'ix ja'ay xuxn tukxu'uxyën mëti'ipë tsip nyikäjpxypën ets ma ka'ap pën yuu'ookyën,

Jeremias 44:17

Ni'ikyës njaaktuuna'antë ja mëti'ipës xëmë ntuuntëpën. Ntukwintoyantëpës ja poom mëti'ipë nyiwintaj'ajtypyën ja tsajp; jëtu'unyëm tääjës ntuntën, tä ja n'aptëjkëtyës tuuntën, tä ja yajkutujkpëtëjk ets wintsëntëjkëty tuuntën mëti'ipë jam Judá yajpatën ets jampë Jerusalén të yajpaatën në'ëjoty tu'ujotypë;

Éxodo 14:11

Tä t'ënëmaaytyë ja Moisés: ¿Tii o'kpë jut jëtää ënety jap ka'ijtpë Egiptë ets yaa muum nmi'inmëty o'kpë tëkoopyë yaa wintë'ëtstuuyë? ¿Tiis ko jëtu'un xytyuntë? ¿Wi'ixës ko të xyajpëtsëmtë jap Egiptë?

Salmos 107:5

yuu'o'këtyëp ets tëtsëtyëp ënety oynyë, oo'kanëtëp ënätynyë.