Éxodo 16:21 - Biblia Dc en Mixe de Quetzaltepec

²¹ Nitu'ukjaty ja ja'ayëty tsojk ijty tyajmujkojtë ja jyi'kxyëty ko jyopyëp'aty, jëtu'un tä ënety këëkjä'ä tyajmëyatën, jä'ä ko ja xëëw pyajnë tääts jyiiywya'kxtaaynyë.

Biblia Mixe de Quetzaltepec

²¹ Nitu'ukjaty ja ja'ayëty tsojk ijty tyajmujkojtë ja jyi'kxyëty ko jyopyëp'aty, jëtu'un tä ënäty këëkjä'ä tyajmëyatën, jä'ä ko ja xëëw pyajnë tääts jyiiywya'kxtaaynyë.

Éxodo 16:21 ပူးပေါင်းရင်းမြစ်များ

2 Corintios 6:2

Jä'ä ko jëtu'un kyëxja'ayëty ma ja Dios ja y'aaw y'ayukën: Ma ënety nixëëwëtyën jää të nmëtoow'ity, ma ënety ja nitsokën jyää'atyën jää të nputëkë; tyam ja xëëw jëmëjt të tpaaty. Tyam yë xëëw po'o ma ja nitsokën jyää'atyën.

Juan 12:35

Ënet ja Jesús y'ënëmaayëtë: Jaakyajpaataanp jawäänë ja të'kxën jajën ma miitsëtyën. Naxtë tëkëtë jaaktäänëm ja të'kxën jajën xymyëët'atë ets këtiipë ajotkumonë mkukootsëtëty. Mëti'ipë tu'uye'epyën akootstum ka'ap nijawë maa nyijkx.

Mateo 6:33

Jamts miits jëyëjp xypyëjkta'aktëty ja mjot mwinma'anyëty ma ja tsajpjotmëpë kuttujkën ets xytyuntëty mëti'ipë Dios tsyojkpy ets xy'ëxajëtëty tëkokyë ya'atë jotkujk'ajtën.

Eclesiastés 12:1

Ja'amyäts mëti'ipë myajkoj mpëjktakën tyam ma m'ëna'k'atyën ma ka'anëm mmëja'ayënëm; minaanp ja xëëw jëmëjt ma nëjkx m'ëna'anyën: Nijënu'unës xoontakën; nkapaaty ma juukyajtënën.

Eclesiastés 9:10

Mëti'ipë jyëkyejpyën mëpaat xytyunyën tun ets winë aaw winëjot xytyunëty; jä'ä ko jap o'kpëjutjoty ma mnëjkxa'anyën ka'ap jap tii yajtuny yajkäjpxy, ka'ap jap tii yajmëmay yajmëtajy ets ni ijxpëjkën ets ni wijyajtën jap kyä'ty.

Éxodo 16:20

Ka'ap pën tyëkoy'äjty, mëti'ipë ka'ap tja'akyujkëyën, mëti'ipë ja Moisés ojts tjanikäjpxyën, ojts ja tyajwë'ëmy ja jyi'kxy ets komjëpom nyätyukjëjp'ijxyë. Ja mëti'ipë ojts tyajwë'ëmtën, ko komjëpom t'ijxpatë tëë ënety nyatënë'këtyääynyë ets xu'knëp. Ënet ja Moisés ojts mëk y'ëwa'antä'äky ko jëtu'un y'ëtëtstë.

Éxodo 16:22

E ma tyëtujkxëëwpetyën jää ijty may tyajmuktë tä mëpaat naje'eyë mäjtsk xëëw tni''itën. Jä'ä tpaaty taxknëë'a'ukënjaty tu'kja'aypyë, e ko jëtu'un t'ijxtë ja kopktëjkëty ma ja naax kajpnën, ënät ojts ja Moisés tuk'ëwaanëtë,