Éxodo 16:15 - Biblia Dc en Mixe de Quetzaltepec

¹⁵ Yë Israel ja'ayëty ka'ap tnijawëtë tiitën jä'ä, ko t'ijxtë tääts nyäyajtëëwëtë aak yë'ëjëty: ¿Tiitën ya'atënë? Tää ja Moisés y'ëtsoowëtë: Yë'ë tsajpkääky mëti'ipë ja Dios mooyëtëpën ets xyjyë'kxtëty xypyëktëty.

Biblia Mixe de Quetzaltepec

¹⁵ Yë Israel ja'ayëty ka'ap tnijawëtë tiitën jä'ä, ko t'ijxtë tääts nyäyajtëëwëtë aak yë'ëjëty: ¿Tiitën ya'atënë? Tää ja Moisés y'ëtsoowëtë: Yë'ë tsajpkääky mëti'ipë ja Tios mooyëtëpën ets xyjyë'kxtëty xypyëktëty.

Éxodo 16:15 ပူးပေါင်းရင်းမြစ်များ

Nehemías 9:15

Mooyë näjyëtu'un tsajpkääky ets ku'uxyë kyäytyëty y'uuktëty ets nëë tsaajotypë pyëtsiimyën ets nyëëtëëtsë tyajmontëty. Ets ok xy'ënëmaay ko tniwäänta'atëty ja it naaxwiinyëtë ma ënety të xytyukwinwa'anëmën.

Nehemías 9:20

Kë'ëm ojts xytyimmo'oy ja jot mëjaaw oypyë ets nyë'ëye'ey tyu'uye'eytyëty; nijëna'a ojts ja tsajpkääky kyatëkoy'äty ma y'aaw yä'änëtyën mëti'ipë tyijtëpën maná, xëmë tmooy ja nëë mëti'ipë y'uuktëpën pyëktëpën.

Salmos 105:40

Ko ja naax kajpn tpëjktsooy ja ka'ayën ukën, ojts yajtuknikäxtë muuxy, ets tsajpkääky ets ojts ku'uxyë wyë'ëmtë.

Salmos 78:24

ojts ja tsajpkääky janty mayëty tkupëjknaxy yaa naaxkëjxy mëti'ipë xyëëwajtypyën maná, jä'ä jëtu'un ja tsajpmok mëti'ipë tso'onpën jam tsajpjotm ets jä'ä tkaytyëty t'uuktëty.

Éxodo 16:31

Ja Israel ja'ayëty jä'ä ojts tijtë maná mëti'ipë ënety winjopy yajmujktëpën. Ya'atë maná jä'ä ënety y'ixëty poop ets jëtu'un kyëxë'ëky tä yë tsajpmokën ets pya'akëty jëtu'un tä yë tsajpkääkyën cerëpa'akmëëtpë.

Éxodo 16:33

Ënet näjyëtu'un t'ënëmaay ja Aarón: Ix tu'uk yë katsy ets ënät jap xy'apëkëty yë maná oy mäjtsk nëë a'ukën, tä ënät ok xytyukwintsë'ëkëty yë Dios. Japts wyë'ëmëty pëjkë'ëky, yajtuknipëjkë'ëkëtëty ja m'u'unk m'okëty.

Éxodo 16:4

Ënet ja Dios t'ënëmaay ja Moisés: Ntuknikäxantëp yam yë ka'ayën ukën may'äämpy mëti'ipë tso'onpën tsajpjotm, winjopy yë ja'ay tpëjkmujkojtëty yë jyi'kxy pyikyëty, jëtu'un tä t'a'ixëtën naje'eyë nyipaatëty tu'kxëëw. Ëjts n'ixäämpyës pën jyänty kuuytyuuntëp jëtu'un tääjës yam nikäjpxyën.

Proverbios 9:5

Min kaytyë ja ntsajpkääkyës ets min uuktë ja nëë mëti'ipës të nyaj'oyën.

Lucas 12:30

Yë'ë ko ya'atë jëtu'un yë ja'ay myëmaay myëtajtëp mëti'ipë ka'ap yë Dios t'ixy'atën; e miitsëty mëët'ajtëp tu'uk ja mteetyëty mëti'ipë nyija'apën tii myajmëyajtëp.

Juan 6:49

Miits ja m'aptëjkëty ojts tkaytyë ja maná jam të'ëts'itjotm. E oy tjakaaytyë, o'ktë jä'ä.

Juan 6:58

Yë'ës nimëtyäkpy ja tsajpkääky mëti'ipë tsajpjotm tso'onpën. Ya'atë tsajpkääky ka'ap jyëtu'unëty ijxtëm ja manájën mëti'ipë ja m'aptëjk kyääytyën; oy ojts tjakaytyë, ojts je'eyëm y'ooktë. Pën ya'atë jëtu'unpë tsajpkääky kyääpy, xëmëkyëjxm jyyuukyata'any.

1 Corintios 10:3

Näy jä'ä ojts tkaytyë t'uuktë ja Dios ja y'oyajtën, yë myëjaaw myëk'ajtën mooyëtë,

Deuteronomio 8:16

Ets jam të'ëts'itum yë'ë ojts mtukayëtë yë maná, ja ka'ayën ukën mëti'ipë ja m'aptëjkëty ka'ap t'ijxyajtën. Këtiipë mëj këjxm mnäjyawëtëty ets t'ixa'any tnijawëja'any pën wi'ix miits myajpaatë ets wi'ix mmaytyë mtajtë, jä'ä jëtu'un tyuun ets kë'ëm nëjkx xytyuk'oy'atë.

Deuteronomio 8:3

Oy ojts mëk m'ëk ëyowtë ets m'ayuu'ajt m'ëxëëwajtë, yë'ë, ojts jatëkok mpa'ëyowëtë, ojts jatëkok myajkay myaj'uukëtë mëët ja maná. Jä'ä jëtu'un ja ka'ayën ukën mëti'ipë ni miits ets ni m'ap m'ok tkanija'awëtyën tiitën jä'ä, paatykyëjxm yë'ë tyäjky ets mtuknijawëja'anëtë, ko ja'ay ka'ap yi'iyë ka'ayën ukën timtyukjuuky'atëty. Nëjkxëp näjyëtu'un tukjuuky'äty ja Wintsën ja y'aaw y'ayuk.

Hebreos 9:4

jap yajpaaty tu'uk ja wintsë'këntyakn aak pu'ts pujxnëmpë ma ja poom tyoyën ets tu'uk ja kaaxë aak pu'ts pujxnëmpë mëët y'oytyunyëtyën. Japts kaaxëjoty tu'uk ja tu'ts aak pu'ts pujxnëmpë mëti'ipë myëët'ajtypyën ja maná ets nän jap kaaxëjoty ja Aarón ja tyajk mëti'ipë ojts jyi'tspëkyën ets mäjtsk ja tsaa ma kyëxja'ayëtyën ja Dios ja kyäjpxytyu'unën.

Josue 5:12

Jä'ä xëëw ojts t'ëxmajtsnëtë ja maná, ka'ap ojts t'ëkaaynyëtë. Ja jë'kxy pëky mëti'ipë jam yajpatpën ma tääpë it naaxwiinyëtën jä'ä ojts tjë'kxnëtë.

Apocalipsis 2:17

Pën ja tyatsk tyukmëtoopy, wä'än tmëtoowkukë wi'ix ja Kënu'kxymyëkajtën t'ënëëmën ja mëpëjkpëtëjk. Pën mëtakp, ntukjë'kxäämpyës ja maná mëti'ipë yu'utsy ijtpën ets nän nmo'ojäämpyës tu'uk ja poop tsaa ma jap myinyën kuja'ay tu'uk ja xëëw jempyë, mëti'ipë ka'ap pën nijawën, yi'iyë nyija'ap mëti'ipë y'ëxajëpën.