Éxodo 15:7 - Biblia Dc en Mixe de Quetzaltepec

⁷ Mëët yë mmëkajtën, yë'ë mëët xyjyaamte'eny xynyaaxte'eny, ja mëti'ipë mjanipëtë'kën, ko ja mjoot'an yajxon tyooypyijky. Ënet yë'ëjëty tyooytyëkooytyääytyë jëtu'un tä mëëy tyoyën.

Biblia Mixe de Quetzaltepec

⁷ Mëët yë mmëkajtën, yë'ë mëët xyjyaamte'eny xynyaaxte'eny, ja mëti'ipë mjanipëtë'kën, ko ja mjoot'an yajxon tyooypyijky. Ënät yë'ëjëty tyooytyëkooytyääytyë jëtu'un tä mëëy tyoyën.

Éxodo 15:7 ပူးပေါင်းရင်းမြစ်များ

Isaías 5:24

Paaty miitsëty, jëtu'un nëjkx mjatë mkëpätë tä aay pu'uxm nyitoyën ets tä aaykyëta'ak jaam jok jyätyën, tä yë kepypyu'utë'ëkyën ets tä yë pyijy tyëtsta'ayën ets naax y'awinpity. Mëët ko ja Wintsën mëti'ipë maaytyääyëpën winë ja y'ijxpëjkën ets ja y'ënä'ämën ka'ap të xypyatuunëtë.

Malaquías 4:1

Yë Wintsën mëti'ipë maaytyääyëpën winë, jëtu'un y'ënä'äny: Jëtu'un yë xëëw po'o wyinkony tä tu'uk jëënjutën mëti'ipë no'kpën tsääpyën, ma nyitoya'antën jëtu'un tä aay pu'uxmën mëti'ipë nämyëja'awëtëpën ets ëxëëkja'aytyëjkëty. Jä'ä xëëw wa'ats nëjkx tyooytyëkoytyë ets nitii kyawë'ëma'any.

Isaías 47:14

Je'eyëp ko ix, jëtu'un yë nyaxtë aay pu'uxmën, jëtu'unyë tyooytyëkoytyë, ka'ap tjëkyepy nyäyajtso'okëtëty jëënjoty. Jä'ä ko ka'ap jyëtu'unëty tä jëënpajkën ets jëënyä'änkën mëti'ipë jyëkyejpy yajnawäätsëty ets jam ja'ay jyokxpëktëty.

Isaías 37:29

Tëës nijawë ja mjoot'an ets mmëj'ajt mkëjxm'ajtën, jëtu'un yam npëjkta'aka'anyës mjëjp tunkëjxm tä jeexyë pujxn jam nkëxjëëpyënës, tä jeexyë pujxn ntuk'atijën ets yë'ë ntukwo'onwinpita'anyë ma të mtsoonyën.

Isaías 5:16

Ja Wintsën mëti'ipë maaytyääyëpën winë, nëjkxëp ja myëj'ajtën tyaj'ixyë ko ënety winë tnipaye'ey; jëtu'un nëjkx ja Wintsën tyaj'ixyë ja wya'atsajtën ko ënety mëtëy winë tuny.

Salmos 148:13

Mmëjpëjkta'aktë ni'ëmukë Wintsën yë xyëëw, jä'ä ko yi'iyë tu'uk ijtp mëj'äämpy. Yë y'oyajtën ets xyoontakën jam yajpaaty tsajpkëjxm ets naaxwiiny.

Salmos 83:13

Dios, mëti'ipës nTios'ajtypyën, mijts m'a'ixëp ets jëtu'un kyëtawtëty kyëpiptëty tä wyinkëpipyën yë zarsa koxy, ets jëtu'un tä aaytyë'ëts ujtstë'ëtsën wyimpapojyën.

Deuteronomio 33:26

Ni pën tkamëpaatëty yë Dios jampë yajpaatyën Jesurún, mëti'ipë jokjoty yootsjoty yajpatpën tsajpkëjxm, poj'am mnimina'anyë ets mputëkëtëty.

Hechos 9:4

Tääts kyëtääy ets tmëtooy tu'uk ja ja'ay kyäjpxy ets y'ënä'äny: Saulo, Saulo, ¿tii koos xy'ixjëtity xypyajëtiy?

Mateo 3:12

Jëtu'un ja naaxwiinyëtë ja'ay tunëty ijxtëm ja tsajpmokpajk yajwinpojy ets tëkoty nyijkxy ja wa'atspë ets ja y'ak yajnino'oky ma ja jëën nijëna'a kyapi'itsyën.

Zacarías 14:8

Ënet nëjkx jam Jerusalén myuuty yë nëë pa'akpë, mëti'ipë itaanpën ko xyëkopk'atëty ets ko pyotm'atëty, tu'kpëky nëjkx nyajtspëyë'ëkë jam ma ja Mejyën mëti'ipë yajtijpën Ooky myejy ets wiinkpë nëjkx nyajtspëyë'ëkë jam ma ja Mejyën Naax'akujkpyë.

Zacarías 14:3

Ok yë Wintsën tsyiptuna'any mëët tääpë ja naax kajpnëty mëti'ipë ënety ëxëëk të y'ëtë'ëtstën, jëtu'un ijxtëm pën tsyiptunyën ko tsip y'ity.

Zacarías 2:8

Yë Wintsën mëti'ipë maaytyääyëpën winë tëëjës yë aaw ayuk xytyukmëkäxë ma ja naax kajpnën mëti'ipë ojts määtsëtën: Pënës yë nkajpn ëxaty tyuunpy, ëjts yë nwintsaa yajtsëtyujtyp, paaty tääpë naax kajpn kë'ëmës mëët ntsiptuna'any etsës nyajkutëkoyä'äny, ëxëëk nëjkx tyunyë mëti'ipë ënety yaj'ëyoopy yajmëtuumpyën. Jëtu'un yë Wintsën yë myëj'ajt y'oyajtën tyajnikëxë'ëka'any ets xyjyä'äkyukëtëty ko yë'ëjës të xykyexy.

Miqueas 4:11

Tyam tëë may yë naax kajpn mnitu'ukmukëty ets myajnipëtë'ëka'any, jëtu'un y'ëna'antë: Tsojk Jerusalén kajpn n'ijxëmë wi'ix ëxëëk jyäty kyëpetyën.

Jeremias 10:6

Wintsën, ni pën kyajëtu'unëty tä mijtsën: Mijts mmëët'ajtyp yë mëj'ajtën, yë mxëëw mëj këjää muum nyäxy ets mmaaytyääyëp winë.

Isaías 37:38

Jam ënety kyajpxtä'äky ja Senaquerib ma ja tsyajptëjkën jam Nisroc, mëti'ipë y'ëwtajtypyën, ko jam tyukmiinë nimäjtsk yë myaank, tu'uk jä'ä xyëëwajtyp Adramélec ets tu'uk Sarézer, jä'ä yaj'o'këtë. Ko yaj'o'ktaayë, tääts ojts kyakojnëtë jam Arafat. Yë'ë ojts kyutëkëty ma ja kutujktaknën yë myaank Esarhadón.

Isaías 37:36

Ënet ja Wintsën ja kyukäjpxy ojts tsyoony ets ojts nyijkxy jam ma ja Asiria ja'ayëtyën, tääts tyaj'o'ky nimëko'px ja majkta'px mëkoxk mil ja Asiria ja'ay. Komjëpom aak ooky ojts kyuxëënyëtë.

Isaías 37:23

¿Pën xyjyëjp'ixy të xynyëxi'iky të xytyukxi'iky? ¿Pën xyjyëjp'ixy wyintsë'kën të xyajtëkooyë ets mëj këjxm mnäyajnaxyë ma yë'ëjën? Yë'ë Dios, Wa'atspë yajpaatyën ma Israel kajpnën.

Isaías 37:17

Wintsën, tun mëyajtën, mëtoow'it ya'atë aaw ayuk, ja'akyukë mëti'ipës yam nikajpxäämpyën. Yaj'ëwa'ats yë mwiin ets xy'ixëty. Mëtoow'it wi'ix ja Senaquerib mnikäjpxy mnimëtyä'äkyën, tsaatsy ma'at ja aaw ayuk të mtuknipëtsëmyë, mijts Dios mëti'ipë juukyën.

Salmos 68:33

mëti'ipë jam ënyääpyën tsajpjotm mëti'ipë kë'ëyxyëëw kë'ëyjyëmëjt ijtpën. Mëtoow'itë wi'ix yë y'aaw y'ayuk yajmëtoyën, yë y'aaw y'ayuk mëti'ipë mëj'ajtën mëëtën.

Salmos 59:13

Yajkëjxta'a; yajkëjxta'a yajnajxta'a, mëët yë mtsip m'äkë. Wä'än jëtu'unyë tëkooytya'atë. Ets tëkokyë yë ja'ay nijawëtëty ko Dios yë'ë ënä'ämp ma Jacob nyaax kyajpnën ets ma tëkokyë naaxwiinyëtë y'ëwtityën.

Éxodo 9:16

E ëjts tëëjës nyajkutuky ets mjuuky'atëty ets xy'ixëty wi'ix'äämpy ëjts yë mëk'ajtën nmëëtëtyën ets jëtu'un akäjpxy n'itëtyës oy tyimmaajëty.

Hebreos 12:29

Jä'ä ko jëtu'un ja nTios'ajtëmë ijxtëm ja jëënën mëti'ipë yajtooytyëkoopyën winë.

Éxodo 14:27

Ënet ja Moisés ojts ja kyë'ë tnajtstijë jam nëëjotm. Ko ojts xyiinyënë, ja nëë tëë ënety jatëkok nyämyukyë. Paaty ko ja Egiptë ja'ayëty ojts jyakä'äkanëtë ja komnëë ojts twinkuja'tëtë, tääts kyiintaaytyë ets ja Dios yaj'o'ktaayëtë.

Deuteronomio 4:24

Jä'ä ko miits yë mWintsën Tiosëty, yë'ë Dios mëti'ipë ni'akë'ajtpën. Ko tii tka'oy'ixy, jëtu'un yë jyoot'anpëky tä tu'uk yë mëj jëën tyajtooytyä'äyën winë.

Éxodo 5:12

Ënet ja Israel ja'ayëty tukye'eyëtyääytyë ja itjot jap Egiptë. Yë'ë y'ëxtaaytyëp yë kepywyäy ets ja mëëy, mëti'ipë yajtunantëpën ets ja mo'onts mëët tukyaj'ooka'antë.

Job 9:4

Yë Dios mëj këjää tmëët'aty yë mëk'ajtën kuttujkën ets wijyajtën, ¿pën nëkoo ëkmëmayëtëp ets ka'ap yajmëta'akëtëty?