Éxodo 15:20 - Biblia Dc en Mixe de Quetzaltepec

²⁰ Ënet ja Maria käjpxynyajxpë, ja Aarón ja y'uty, tpëjkë'ky tu'uk yë xijtn ets ojts pyaye'eyi'ikyë ja maytyo'oxy'ëna'k, tääts tyëjkëtyë äjtspë, tjantyaj'ëna'antë ja pyo'ojëty.

Biblia Mixe de Quetzaltepec

²⁰ Ënät ja Maria käjpxynyajxpë, ja Aarón ja y'uty, tpëjkë'ky tu'uk yë xijtn ets ojts pyaye'eyi'ikyë ja maytyo'oxy'ëna'k, tääts tyëjkëtyë äjtspë, tjantyaj'ëna'antë ja pyo'ojëty.

Éxodo 15:20 ပူးပေါင်းရင်းမြစ်များ

Génesis 31:27

¿Wi'ix ko të xywyin'ëënyës ets jëtu'unyë të mke'eky, nitii të xykyatuk'ëwaanës? Koos jeexyë të nnijawë, oy tsuj jeexyë të n'ëxmatsy mëët yë xuxpë wojpë ets ëëpë koopë.

2 Samuel 1:20

Ka'ap mëpaat yajnijawë jam Gad, nän ka'ap yajnimëtya'akëty jam Escalón, këtiipë ja filistejë to'oxytyëjkëty xyoonta'aktëty, ets ënät y'ätstëty pyutëty.

2 Samuel 6:14

David yë'ë nätyukxojxë tu'uk yë nijän, linë wit, amëjaaw jyänty y'ejtsy jyänty pyujty mëët yë xoontakën.

2 Samuel 6:16

Ko jam jyä'äjty ja Wintsën ja kyaaxë ma ja David ja kyajpnën, ja David ja tyo'oxytyëjk mëti'ipë xyëëwajtypyën Mical, ënät ojts y'ijxwoony ma ja tyëjkën; ko t'ijxy ja David jyänty y'etsy jyänty pyuty jam Wintsën wyintum, yë Mical wiink ojts t'ixy.

2 Samuel 6:5

E ja David ets tëkokyë ja Israel ja'ayëty äjtstëp xoontaktëp nyëjkxtë amëjaaw Wintsën wintum, jam ix'am mëët ja xuxpë wojpë.

2 Reyes 22:14

Ja Hilquías, Ahicam, Acbor, Safán ets ja Asaías, ojts tsyoontë ets ojts tninëjkxtë ja Wintsën ja kyäjpxynyajxpë, to'oxytyëjk, mëti'ipë xyëëwajtypyën Huldá; yë'ë tyo'oxytyëjk yë Salum, myaank yë Ticvá ets yë'ë y'ok'u'unk yë Harhás, mëti'ipë ja wit kyëwent'ajtypyën jap tsajptëkoty. Yë Huldá jam ijty tsyëënë kajpnpë'am ma ja Jerusalén kajpnën, e ko tukmëmëtyaktë ja jotmay,

1 Crónicas 15:16

Ojts näjyëtu'un ja David tni'ënä'ämë ets twin'ixtëty ja ja'ay ma ja Levíjën mëti'ipë ëwtëp ya'axtëpën ets jä'ä xyu'uxtët wyoptëty, tpëjkta'aktëty ja mëto'owën mëti'ipë yajkëxë'ëktëpën ko jyam'aty ja jotkujk'ajtën.

1 Crónicas 6:3

Amram y'u'unk y'ëna'k jä'ä xyëëwajtë Aarón, Moisés ets Maria. Aarón y'u'unk y'ëna'k jä'ä xyëëwajtë Nadab, Abihú, Eleazar ets Itamar.

Nehemías 6:14

Wintsën ma mijts n'ëwtatyën: Mja'amyätsëp xëmë wi'ix ja Sambalat ets ja Tobías y'ëtë'ëtstë y'ëna'antën. Këtii näjyëtu'un xyjyä'äytyëkoyë ja to'oxytyëjk mëti'ipë y'akäjpxypën winë mëti'ipë xyëëwajtypyën Noadías ets wiinkëtypë käjpxynyajxpëtëjk mëti'ipës nëkoo të xyjya'ëtsë'ëkëja'antën.

Salmos 149:3

Mmëjpëjkta'aktë yë xyëëw mëët yë ety tëki'ixy, ëwtë ya'axtë yë ëy, tukpa'ëna'antë yë xijn ets kow,

Salmos 150:4

Mmëjpëjkta'aktë ets win'ätstë mëët yë xijn. Mmëjpëjkta'aktë yë Dios mëët yë xuxn ets kow.

Salmos 30:11

Jä'ä ko tëë xyaj'awinpity yë një'ëyënës nyaxënës äjtsën pujtën; tëës yë nwit xytyuknijääntu'uty mëti'ipë kuumpën u'kxpën etsës të xtyukxoxy mëti'ipë ja'ay myëxëëw'ijxypyën.

Salmos 68:11

Ojts yë Dios tu'uk yë ayuk tkäjpxy, ets kanaak ojts yë to'oxytyëjktëjk y'itë mëti'ipë kyajpxnajxtën:

Salmos 68:25

Mëti'ipë ëëwtëpën jëyëjp nyëjkxtë, e mëti'ipë xuxtëpën koowtëpën ix'am ye'eytyë, itkujky yë'ë nëjkxtëp yë to'oxy'ëna'këty mëti'ipë yaj'ënantëpën yë xijtn.

Salmos 68:26

Tëkokyë miitsëty mëjjawëtë yë Dios, mëti'ipë Wintsën'ajtpën. Tëkokyë miitsëty Israel ja'ayëty jënu'un të mniye'eypyätën.

Salmos 81:2

Tukpakoxtë yë xijn yë m'ëyëty ets tukpa'ëna'antë yë kow.

Éxodo 2:4

Ojts näjyëtu'un t'ënëëmë tu'uk ja tsyë'ë ets najëkäm t'ixëty tunëty pën wi'ix ja y'uty jyäty kyëpety.

Eclesiastés 3:4

Nyixëëw nyijëmëjt pyätyp ko jyi'iy yä'äxy ets ko pën xyi'iky y'ëwë'ëky. Ko pën o'kpë tnimony tnituky ets ko pën xyëëwtuny.

Jeremias 31:4

Tëë jatëkok nyaj'oyës ja mnaax mkajpn. Ets mminëty jatëkok akujk jotkujk mëët ja xuxn, ak ets äjtspë pujtpë.

Miqueas 6:4

Ëjts mijts nju't jap Egiptë ets ojts nyaj'ëwaatsëpëtsëmy ma ënety mmëtuny m'ëyoyën mëët ja näwyop näkya'atsë; ojts nkexyës yë Moisés, Aarón ets Maria ets mtu'uwinwowëtëty.

Lucas 2:36

Näy tam ënety tu'uk ja to'oxytyëjk Jerusalén, Aná xyëëwajtyp, Dios käjpxynyajxpë; Penuel yë nyëëx, Aser yë y'u'unk y'ok. Tëë ënety ni'ik myëjja'ayënë. Je'eyë ojts wëxtujk jëmëjt tmëëtsëënë ja nyiye'etyëjk ko y'ëna'k'ajty;

Hechos 21:9

Nimajktaxk ja Felipe ijty ja nyëëx, nätyu'ukëty ets Dios käjpxynyajxk tyuunk'ajtëp.

1 Corintios 11:5

Ets pën ka'ap yë to'oxytyëjk nyäkyupe'enyë ko ja Dios tja'amyetsy ëkë ko ja Dios ja y'aaw y'ayuk tkajpxwa'kxë, ja nyiye'etyëjk ënety kyawintsë'këp mëti'ipë kyëpajk'ajtypyën, jëtu'un tpaaty ijxtëm jeexyë të nyäkyukä'ptu'utyën.

1 Corintios 14:34

Amonyë ja to'oxytyëjk y'itëty ma ja mëpëjkpëtëjk ye'eymyuktën, jä'ä ko ka'ap kyutukyëty ets yë'ë jap kyajpxtëty. Ja nyiye'etyëjk ënä'ämëtëp ijxtëm ja Dios ja kyutujkën y'ënä'änyën.

Jueces 11:34

Ko yë Jefté wyimpijty ets jyä'äjty ma tyëjkën jam Mizpá, ënät ja nyëëx tu'kpajkpë pyëtsiimy pëyi'ikyë äjtspë mëët yë panderë. Yi'iyë ijty tu'uk nyëëx'ajtyp ka'ap wiinkpë y'ëna'k

Jueces 21:21

ets jëjp'ixy mtimyajpaatëty. Ko ja to'oxy'ëna'këty pyëtsëmtëty äjtspë tu'këëyi'ik, ënät xynyipëtsëmtëty ënätyë ma jap yu'utsy myajpaatën ets xymyäätsëty këëktu'uk ets xymyënëjkxtëty ma ja mnaax mkajpnëtyën.

Jueces 4:4

Ma ya'atë xëëw jëmëjtën yë Israel ja'ayëty yë ënety y'ënä'ämpë'ajtëp tu'uk yë to'oxytyëjk jä'ä txëëwëty Débora, yë Lapidot yë tyo'oxytyëjk.

1 Samuel 10:5

Ko jam mja'tëty Guibeá mëti'ipë Dios jyä'ä'ajtypyën, ma filistejë tsyiptuunpëtëjk jya'ajta'aktën. Ko jam nkajpntëkëty jam xypyata'any nikanaak yë käjpxynyajxpëtëjk mëti'ipë yaj'ijxtëpën mukëtëp yowë, jam tsyoontë ma tsajptëjkën. Ets ma yë'ë ye'eytyën kanaak yë ja'ay wyinye'eyëtë mëti'ipë yaj'ënantëpën ak, xijn, xuxn ets kow.

1 Samuel 18:6

Ko ja tsiptuunpë ojts wyimpijtaaynyëtë ma ja David ënety të tyaj'ookyën ja filistejë ja'ay, ënät ja to'oxy'ëna'këty tsyo'ontaaytyë jam kajpntum ets tnimiintë ja Saúl ets twin'äjtstë, mëët ja xuxn wojpn tam mëti'ipë yaj'ënäämpyën yë xijn ets kä'tsn.