Éxodo 15:14 - Biblia Dc en Mixe de Quetzaltepec

¹⁴ Yë naax kajpn yajxon nëjkx tsyë'ëkëtë jyawëtë, ko jëtu'un nijawëtëty. Yë filistejë ja'ayëty jëtu'unyë nëjkx nyäwyiit nyäxyaatsëtë, mëët ja pëjkën ato'onën.

Biblia Mixe de Quetzaltepec

¹⁴ Yë naax kajpn yajxon nëjkx tsyë'ëkëtë jyawëtë, ko jëtu'un nijawëtëty. Yë filistejë ja'ayëty jëtu'unyë nëjkx nyäwyiit nyäxyaatsëtë, mëët ja pëjkën ato'onën.

Éxodo 15:14 ပူးပေါင်းရင်းမြစ်များ

Deuteronomio 2:25

Ëjts yam jëtu'un ntuknipëjktakëp ets tëkokyë yë naax kajpn mtsë'ëkëtëty. Ko tmëtoy'atëty mwinkontë, jëtu'un tsyëyuuypyëjkta'atëty ets ka'ap jyotkujk'atëty mëët ja tsë'ëkë.

Isaías 14:31

Jë'ëtë ya'axtë miitsëty filistejë ja'ayëty, më''ëna'antë yë mpëjk m'ato'onënëty, tsëtyuytyë mëët mëktsë'ëkë, jä'ä ko tam anëkëjxmtsow ja mmëtsip mniminyë tä yoots nëma'ajën, tä naaxwayën mëti'ipë myajkutëkoyanëpën ets ni pën kyajëjpkuwa'akëja'anyë.

Salmos 48:6

Yajxon yë tsë'ëkë nyijäämku'tsëtë: jëtu'unyë nyäwyi't nyäxya'tsënëtë mëët ja pëjkën, tä tu'uk yë to'oxytyëjkën mëti'ipë u'unk maay pyatäämpy y'ixäämpyën.

Josue 9:24

Ënet t'ëtsoowtë ja Josué: Ëëtsëty paatykyëjxmës jëtu'un të n'ëtë'ëtstë, jä'ä ko miits ënety ntsë'këtyëp, koos xy'ëkyaj'o'ktaaynyëtëty, jä'ä ko tëëjës nijawëtë ko yë Moisés ojts yë Dios y'ënë'ëmxëty, ko tëkokyë ya'atë it naaxwiinyëtë tniwa'kta'ajëty ets tyajkutëkoyëty tu'kë'ëyë jënu'un yaa ja'ay tsyëënëtën.

Isaías 14:29

Këtii nëkoo mjotkujk'aty mijts filistejë kajpn, ko ja kepy të tyijy mëti'ipë myajtukwojpën; jä'ä ko tsa'any tu'uk pëtsëmaanp ma ja tsa'anytyaak y'ityën, tääpë tsa'any kääkë'ëkaanp yë'ë.

1 Samuel 4:7

Ënet ja tsë'ëkë tyuktëjkëtyë ets y'ënantë: Yë Dios yë'ë jam të jyä'ty, ëëtsajtëm tëë nitujkëmë, ka'ap nijëna'a jëtu'un jyäty kyëpetynyën ma ëëtsajtëmën.

1 Crónicas 14:17

jëtu'un'äämpy ja David mëj'äämpy ja ja'ay nyikäjpxyë ets ojts ja naax kajpn tsyë'ëkëty jyawëty.

Isaías 23:5

Ko ënety ja Egiptë ja'ayëty tnijawëtë wi'ix ja Tirë kajpn jyajnën kyëpäjnën, nëjkxëp tmëkjawëtë,

Ezequiel 32:9

Ko jëtu'unpë ja nija'awën jya'tëty ma ja naax kajpnën mëti'ipë ka'ap xy'ixy'ätyën ko ënety ëxëëk të mjaty të mkëpety, nëjkxëpës yë naax kajpn may n'ëtsë'ëkë.

Habacuc 3:7

Tëës n'ixy yë Cusán ja'ayëty o'ktëy jyajta'atë ets Madián ja'ayëty tëë je'eyë të wyintakta'atë mëët ja tsë'ëkë.

Josue 2:11

Ko yajmëtoy'äty ko miitsëty ni pën mkawinkuwa'akëja'anëtë, ni'ikyë ja'ay tsyë'ëkëtë. Jä'ä ko Dios mëti'ipë mTiosajtëpën, jëtu'un Tyios'aty yaa naaxwiiny tä jam tsajpjotmën.

Josue 9:9

Tää y'ëtsoowtë: Ëëtsëty jëkäm'it ntsoontës, nimintë yaa miitsëty mëët ko ja mWintsën Dios mëj'äämpy yajnikäjpxy jamtsow muum, tëëjës nijawë'atë ko ojts ja myëj'ajtën tyaj'ixyë mëjwiin këjää jap Egiptë,

1 Samuel 4:8

¿Tii ënät ntuuntakmëp? ¿Pën ënät xyajtsokmëp ko jam nka'amëty Dios kyë'ë'am mëti'ipë maaytyääyëpën winë? Wa'ats nija'awëmë ko yë'ë ojts tyaj'o'kta'ay tëkokyë yë Egiptë ja'ayëty jam të'ëts'itjotm mëët ja kanaaknaxpë ja pa'am ëyo'on.

Salmos 48:7

Jëtu'un tä mëkpoj myinyën anajnytsyow, mëti'ipë yajma'typën yë kepy nëëwinye'epyë jampë yajpaatën Tarsis.

Habacuc 3:6

Jëtu'un yë naaxwiinyëtë jyänty yu'kxy ko wya'akwë'ëmy; tsë'këp yë naax kajpn ko muum tku'ijxkëtä'äky; tim jijtääpy yë tun kopk, tim ma'tääpy yë kopk mëti'ipë jääyëmën; e yë Wintsën yë nyë'ë tyu'u ijtëëp yë xëmë.