Éxodo 15:13 - Biblia Dc en Mixe de Quetzaltepec

¹³ Yë'ë mëët yë mtsojkën mja'awën ya'atë naax kajpn xytyu'uwinwoy mëti'ipë të xyajtso'okyën. Yë'ë mëët yë mëk'ajtën jam xyajnëjkxy jam ma mtsajptëjkën.

Biblia Mixe de Quetzaltepec

¹³ Yë'ë mëët yë mtsojkën mja'awën ya'atë naax kajpn xytyu'uwinwoy mëti'ipë të xyajtso'okyën. Yë'ë mëët yë mëk'ajtën jam xyajnëjkxy jam ma mtsajptëjkën.

Éxodo 15:13 ပူးပေါင်းရင်းမြစ်များ

Génesis 19:16

E yë Lot jaakpoxp ënety, paaty myajtsë kyë'ëkëjxm yë tsajpjotmëtë kukäjpxy. Jä'ä ko yë Wintsën myëët'ajtyp ënety yë pa'ëyo'owën najts'ëyo'owën ma yë'ëjën. Ënet ojts näjyëtu'un yë tyo'oxytyëjk ets nimäjtskpë nyëëx yajmatstë kyë'ëkëjxy ets pyëtsëëmtë jam kajpnjotm ets tsyoktë.

2 Samuel 15:25

E ja ënä'ämpë ojts t'ënëëmë ja Sadoc: Mënëjkx yë Wintsën yë kyaaxë jam kajpnjotm, pën yë'ë xypyutëjkëpës etsës oy mëk nwinpitëty nëjkxëpës jam jatëkok npaaty ya'atë kaaxë ma të yajkëëytyä'äkyën.

Nehemías 9:12

Ets ojts xywyinye'ey mëët ja yoots nëma'a ko xyiiny'äjty e ko kyoots'ajty mëët ja jëën ets ja nyë'ë tyu'u t'ixtë ko ënety tyu'uye'eytyë.

Salmos 106:9

Ojts tmëkmëkäjpxy yë Tsaptsmejy ets tyajtëtsy. Tääts tyajnajxy mejyjoty ijxtëm jeexyë të'ëts'itjotm nyaxtën.

Salmos 74:2

Ja'amyäts yë mnaax mkajpn mëti'ipë ojts xypyäätyën ets xyjyä'äniwany; mëti'ipë ojts xyajpëtsëmyën ma ënety ëxëëk jyätyën kyëpetyën ets mijts xyjyä'ä'ata'any. Ja'amyäts yë mtun mkopk mëti'ipë txëëwajtpën Sión, ma mijts ojts m'ity mtsëënën.

Salmos 77:20

Jëtu'un yë mnaax mkajpn të xywyinye'ey tä yë ja'ay twinye'eyën yë kyupixyny, mëët yë Moisés ets Aarón.

Salmos 78:35

jäänëm ënät ja Dios Ni'ik Këjxmëpë tja'amyätstë ets kyuwa'anëtëty.

Salmos 80:1

Mëti'ipë wyoow'ijtyp wyijts'ijtypyën yë Israel, mëët ko oy yë José xytyu'uwinwoy xytyu'uwinwitsy jëtu'un tä ja'ay yë kyupixyny oy twojpjëtityën, ets ko yë mkutujkën xymyëëtëty itkujky ma Wintsën kyukexyën, mëtoow'it.

Éxodo 15:16

Wintsën, wä'än tsë'ëkëtë, wä'än tsë'ëkëtë tjawëtë. Wä'än jëtu'unyë twë'ëmta'atë tä tsaajën mëët ja mëk'ajtën mkutujkën, koonëm ënety ja mnaax mkajpn të nyajxta'atë, ja mëti'ipë të xyjyä'äniwa'anyën.

Éxodo 15:17

Wintsën, jamës yajnëjkxtëk tsënääpyë ma mtun mkopkën wa'atspë tsujpë. Jam ma ja itjotmën mëti'ipë të xywyin'ixyën, etsës jam ntsëënëtëty ma ja mtsajptëjkën mëti'ipë ojts mijts kë'ëm xykyojyën.

Éxodo 20:2

Ëjts jëtu'un Wintsënajtp, mëti'ipë mijts mTios'ajtypyën, mëti'ipë ojts mjuutyën jap Egiptë, ma ënety mmëtuny m'ëyoyën.

Éxodo 6:6

Tyam, nëjkx ënëëmëtë yë Israel ja'ayëty, ko ëjts, mëti'ipë Wintsën'ajtpën nyajpëtsëmantëpës ma je'eyë myëtun y'ëyowtën mëët ja mëktuunk mëti'ipë ja Egiptë ja'ayëty mooyëtëpën. Nyaj'ixanëpës yë nmëjajtën mëj këjää ets nyajpëtsëma'antës mëët tu'uk yë kuttujkën tëypyë jaantypë.

Isaías 51:10

Ko ojts jëtu'un xyajjaty tä ja mëj jëyujkën mëti'ipë jap nëëjotyën ets ojts xyajnëëkutëëtsë ma ënety jap këknëëjoty y'ityën. Tu'ujën jap xyaj'awinpijty ets nyaxtëty të'ëts wa'ats ja mëti'ipë të y'ëwaatsë pëtsëmtën.

Isaías 57:15

Yë Wintsën këjxmëpë yajpaatyën, mëti'ipë winë xëëw winë jëmëjt juukyajtpën, ets jä'ä txëëwaty Wa'ats, jëtu'un y'ënä'äny: Këjxmës nyajpaaty ets jamës nyajpaaty ma kyënu'kxyëtyën, yajpatpës näjyëtu'un ma ja'ayën mëti'ipë yu'unk naxym juukyajtpën ets mëti'ipë jëëpy yaxpën, täätsës nyajjotkujktä'äky ets njotmëkmo'oy.

Isaías 63:9

Ma ja y'amay jyotmayëtyën. Ka'ap yë Wintsën kyutëkats tkejxy mëti'ipë të yajtso'okëtën; kë'ëm yë Wintsën të tyimminy ets të tyajtso'oky. Jä'äkyëjxm ko tmëët'aty tsojkën ja'awën ets pa'ëyo'owën najts'ëyo'owën, paaty të tyajtso'oky, kyë'ëkëjxy të tmatsy ets të tyajpëtë'ëky. Jëtu'un xëmë winë tuny.

Jeremias 2:6

Yë'ëjëty ka'ap ojts tmëmay tmëtajtë etsës ëjts xy'ixta'atëty, ëjts mëti'ipë ojts jyuutëtën jap Egiptë, mëti'ipë tu'uwinwoowëtën jam të'ëts'itjotm ma y'anë'ëk tyëëtsë'ëkëtyën ets ma jya'awjotëtyën, ma ka'ap yë nëëjën ets ma kyutsë'ëkëtyën, ma ka'ap pën tsyëënën ets ka'ap pën nyäxyën.

Efesios 2:4

E mëët ko ja mëj Dios pya'ëyoy ets ko xytsyojkëm mëjwiin këjää,

1 Pedro 1:5

Jä'ä ko xymyëpëktë ja Dios, paaty mkëwent'atëtë mëët ja myëk'ajtën ets xypyaatëty ja nitsokën mëti'ipë jap yaj'ëwxijtypyën ets jää yajnijawëty ko ënety ja naaxwiinyëtë kyixy.